Новости Мамадыша за 16.07.2015

Узган ялларда Мамадыш районының Җөри авылында инде уналтынчы ел рәттән үткәрелгән «Питрау – 2015» бәйрәме узды. Урман буендагы Тырлау аланында оештырылган әлеге бәйрәмгә Татарстан Республикасыннан һәм чит төбәкләрдән мәртәбәле кунаклар килгән иде. Тантанада ТР Дәүләт Советы рәисе Фәрит Мөхәммәтшин җитәкчелегендәге зур делегация катнашты. Кунакларны республиканың төрле шәһәрләреннән, районнарыннан җыелган керәшен төркемнәре каршы алды. Алар үзләренең иң дәртле, иң моңлы җырларын башкардылар.

Бездәге һава торышына алдан прогноз ясарлык түгел. Яз-көз көннәрен исәпкә дә алып тормыйбыз, аның җәе белән кышына да әллә нәрсә булды бит әле. Җәйнең бер көнендә карлы яңгыр явып, соңыннан кояш чыгып, салават күпере сузылырга мөмкин. Яки, киресенчә. Һава торышы нинди булуга карамастан, бөтен халыкны мәйданга җыючы бер бәйрәм бар – ул Питрау. Төгәлрәк итеп әйтсәк, Җөри Тырлавында республикакүләм итеп уза торган Питрау җыены. 

Минтранс РТ ищет частника, готового «закопать» почти 50 млрд. рублей где-то между Мамадышем и автоградом