15 августка һава торышы һәм ай календаре

15 августта Татарстанда алмашынучан-болытлы һава торышы була. Урыны белән кыска вакытлы, төнлә урыны белән көчле яңгырлар явачак. Кайбер районнарда яшенле яңгыр явачак, боз явуы ихтимал. Төнлә һәм иртән урыны белән томан төшә. Төньяк-көнчыгыштан 6-11 метр тизлектә, урыны белән 14 метр тизлектә, яшен вакытында 15-20 метр тизлектә көчле җил. Төнлә һава температурасы +11..+16˚, көндез +20..+25˚ градус.

Кимүче ай, ай Үгезбозау йолдызлыгында.

Туфракны казырга һәм түтәлләр әзерләргә мөмкин. Туфракта яшәүче корткычларга каршы көрәш. Агач һәм куак үсентеләре яхшы тамырланып китәчәк. Кура җиләге куаклары төбенә агач кайрылары, пычкы чүбе, янган тирес салырга була. Күпьеллык чәчәкләрне казып алырга, бүләргә һәм күчереп утыртырга ярый.