Җырчы Ислам Кәлимуллин туеннан кызыклы мизгелләр - видео

Ришат Төхвәтуллин төркемендә эшләүче яшь җырчы Ислам Кәлимуллинның туе булган. Җырчының тормыш иптәше дә үзе белән бер агымда – ул биюче. Ике иҗат кешесенең туй мәҗлесе ничегрәк узган соң? Нинди күңелле мизгелләр булган? Күпсанлы видеолар белән бәйрәмнең кунаклары – җырчы Ришат Төхвәтуллин, Алия Карачурина, Данир Сабиров, Марат Яруллин һәм башкалар бүлешә.

Россиянең һәм Татарстанның халык артисты Винера Ганеева легендар «Туй күлмәге» җырын башкарган.

Ислам кәләшенә багышлап җыр җырлаган. Ә Лилия Исламга дус кызлары белән бергә матур бию бүләк иткән.

Парлы биюне яшьләр берничә тапкыр биегәннәр. Шуларның берсе – Алия һәм Ришат Төхвәтуллиннарның «Тиңләдем» җырына.

Мәҗлеснең алып баручысы Ирек Фатыйхов Ришат Төхвәтуллинга пародия ясый.

Яшьләргә мәхәббәтле, озын гомер телибез! Никахыгыз гомерлек булсын.