Новости за 10.01.2020

Кошмо Штаттар Ирандын сегиз жогорку расмий өкүлүнө каршы санкция киргизди. 10-январда Вашингтондогу маалымат жыйынында мамлекеттик катчы Майк Помпео жана финансы министри Стивен Мнучин Ислам жумуриятынын болот, метал өнөр жай тармагындагы 17 компаниясына да санкция салынганын жарыялашты. Жазалоочу чараларга туш болгон аткаминерлердин арасында Ирандын Улуттук коопсуздук кеңешинин катчысы Али Шамхани, Куралдуу күчтөрдүн штаб башчысынын орун басары Мохаммад Реза Асхитани жана башкалар бар. Финансы министрлигинин билдирүүсүндө белгиленгендей... Читать дальше...

Кыргыз-тажик чек арасын эки өлкөнүн күч кызматкерлери чогуу кайтарып жатышат. Бул тууралуу “Азаттык” радиосуна Баткен облустук милициясынын басма сөз катчысы Дамира Юсупова билдирди. 10-январда кечке жуук ички иштер министринин орун басары Алмаз Орозалиев Көк-Таш айылынын тургундары менен жолуккан учурда элдин коопсуздугун милиция көзөмөлдөп, тажик тарап менен бирге күзөт уюштурулганын айтты. Орозалиев чыр-чатактардын алдын алуу үчүн эл арасында түшүндүрүү иштерин күчөтүүгө тапшырма берди.   ... Читать дальше...

Пакистандын Кветта шаарындагы жардыруудан полициянын жогорку даражалуу офицери жана дагы 14 киши өлдү. Расмий маалыматка караганда, окуядан 20дай киши жараат алды. Жума намазы маалында мечитте болгон кол салууну ким уюштурганы азырынча белгисиз. Кветта - Ооганстан жана Иран менен чектешкен, табигый энергия булактарына бай Балучистан аймагынын борбору. Ал жакта мазхаб аралык тиреш, жикчилдердин жана исламчыл радикал уюмдардын зомбулугунан 2004-жылдан бери миңдеген кишинин өмүрү кыйылды. 7-январда... Читать дальше...

Иран Тегерандын четинде кулаган украиналык учактын кара жашигиндеги маалыматтарды көчүрүп аларын билдирди. "Жабдыктар талкаланган болсо, анда жардам сурайбыз", - деди Ислам жумуриятынын жарандык авиация мекемесинин жетекчиси Али Абедзадех 10-январдагы пресс-конференцияда. Абедзадех жана башка жетекчилер Иран аскерлери аткан ракета “Боингге” тийген болушу ыктымал деген АКШ, Британия жана Канаданын буга чейинки божомолдорун четке кагышты. Буга чейин аталган өлкөлөрдүн лидерлери чалгын маалыматтарга таянып... Читать дальше...

Кыргызстандын премьер-министри Мухаммедкалый Абылгазиев менен Тажикстандын премьер-министри Кохир Расулзода телефон аркылуу кыргыз-тажик чек арасындагы кырдаалды талкуулады. Алар 10-ноябрга оогон түнү кыргыз-тажик чек арасында болгон жаңжалдан кийинки кырдаалды турукташтыруу боюнча көрүлүп жаткан эки тараптуу чараларды сүйлөшкөн. Бул тууралуу өкмөт башчынын маалымат кызматы билдирди. «Мухаммедкалый Абылгазиев менен Кохир Расулзода чек аралаш аймактагы коопсуздукту бекемдөөнүн жана кызматташтыктын маанилүүлүгүн... Читать дальше...

Таласта жергиликтүү тургундар кармап алган жаралуу илбирс Бишкекке жеткирилди. Айлана-чөйрөнү коргоо агенттигинин маалыматына ылайык, ак илбирске ок тийген. Бул Улуттук илимдер академиясынын илимпоздору жана медициналык кызматкерлердин катышуусу менен өткөн кеңешмеде аныкталды.

Кыргызстандын Чек ара кызматы Тажикстандын Чек ара аскерлеринин 10-январга карата түнү орун алган кыргыз-тажик чек арасындагы жаңжал боюнча маалыматын “чыныгы абалды бурмалоо” деп атады. Бул тууралуу кыргыз Чек ара кызматы бүгүн тараткан билдирүүдө айтылат. Анда жаңжалды тажик жарандары баштап, үч саат бою Тажикстан тараптан гана ок атылганы айтылган. Жаңжал Баткен районундагы кыргыз -тажик чек арасында болгон.   “10-январга караган түнү кыргыз-тажик мамлекеттик чек арасынын аймагындагы инцидентке... Читать дальше...

Жикчил Абхазиянын президенти Рауль Хажимба нааразылыктарга карабастан кызматтан кетпей турганын билдирди.

Кочкор районунда 37 жаштагы аял жаңы жыл майрамын тосуп жаткан түнү күйөөсүнүн токмогунан каза тапты. Бул окуядан кийин киши өлтүрүү фактысы боюнча кылмыш иши козголуп, шектүү катары маркумдун 34 жаштагы күйөөсү кармалып, камакка алынды. Милицияга берген маалыматында ал аялын эки жолу жаакка муштап, андан соң каракушка бир жолу тээп жибергенин айткан.

Кыргыз-тажик чек арасындагы акыркы кырдаал боюнча Баткен облусунун жана Тажикстандын Согди облусунун бийлик өкүлдөрүнүн сүйлөшүү аяктады. Бул тууралуу өкмөттүн Баткен облусундагы өкүлчүлүгүнөн кабарлашты. Маалыматка ылайык, сүйлөшүүгө өкмөттүн Баткен облусундагы ыйгарым укуктуу өкүлүнүн биринчи орун басары Кеңеш Салихов, Тажикстандын Согди облусунун төрагасынын биринчи орун басары Бахавидин Баходирзода жана облустун күч түзүмдөрүнүн жетекчилери катышты. Анда тараптар кырдаалды турукташтыруу үчүн... Читать дальше...

Таласта жергиликтүү тургундар кармап алган ак илбирс Бишкекке алып келинди. Айлана-чөйрөнү коргоо агенттигинин маалыматына ылайык, учурда ал Бишкектеги Кыргыз Агрардык университетинин ветеринардык клиникасына жайгаштырылып, текшерилип жатат.

Иран Тегеранда кулаган украиналык учакты “адамдын жаңылыштыгынан улам” кокусунан аскерлери атып алганын жарыялады.

Иран Батыш мамлекеттеринин "Тегерандын жака белинде кыйраган учак ракета менен атылган болушу мүмкүн" деген божомолдорун четке какты.

11-январда айрым тоолуу райондордо кар жаайт. Жолдор тайгак жана тоңголок болот. Батыштан соккон шамалдын ылдамдыгы секундасына 3-8 метрге жетиши күтүлөт. Абанын температурасы: Чүйдө түнкүсүн -3…-8, күндүз 2…7; Таласта түнкүсүн -3…-8, күндүз 1…6; Баткенде, Ошто, Жалал-Абадда түнкүсүн -4…1, күндүз 3…8; Ысык-Көлдө түнкүсүн -3…-8, күндүз 0…5; Нарында түнкүсүн -15…-20, күндүз -5…-10 градус болот. Бишкекте кар жаабайт. Абанын температурасы түнкүсүн -6…-8, күндүз 4...6 градус болот.(BkA)

Бишкекте Кыргызстан менен Азербайжандын Достук сейилбагы пайда болот. Аталган сейилбакты негиздөө капсуласы салынды. Ага президент Сооронбай Жээнбеков жана Азербайжандын Кыргызстандагы элчиси Гидаят Оруджев катышты. Жээнбеков аземдин жүрүшүндө Жээнбеков «Кыргызстан Азербайжан менен мезгилдин сыноосунан өткөн достук мамилелерин өнүктүрүүгө чоң маани берет», - деп билдирди. Бишкектин Токомбаев жана Абдрахманов көчөлөрүнүн кесилишинде жайгашкан сейил бактын аянты 5,5 гектарды ээлейт. Жаңы сейилбак... Читать дальше...

Өзбекстандын Тышкы иштер министрлигинин мурдагы кызматкери, 68 жаштагы Кодиржон Юсупов мамлекеттик чыккынчылык үчүн айыптуу деп табылды. Юсупов отуз жылдай Австрия, Словакия, Британия, Жакынкы Чыгыш өлкөлөрүндөгү дипломатиялык миссияларда, Европадагы коопсуздук жана кызматташтык уюмундагы өкүлчүлүктө кызмат өтөгөн. 2002-2003-жылдары мекеменин басма сөз кызматын жетектеген. 2009-жылы иштен алынган. Андан бери мамлекеттик кызматтарда эмгектенген эмес. Жакындары жана адвокаттары Юсупов 1995-жылдан бери психикалык оорудан жабыркап жүргөнүн... Читать дальше...

Кыргыз-тажик чек арасында жаңжал орун алган жердеги тургундар Баткен облусунун Көк-Таш айылындагы мектептин имаратына жайгаштырылды. Алардын көпчүлүгү балдар жана аялдар. Мындай аракет жергиликтүү тургундардын коопсуздугун сактоо максатында жасалды.  Учурда чек арага жакын аймакта кырдаал тынч. Бүгүн эки өлкөнүн вице-премьерлери Жеңиш Разаков жана Азим Иброгим телефон аркылуу сүйлөштү. Анда Баткен облусунда болгон окуядан кийин кырдаалдын курчушуна алып келбөө, чагымга алдырбоо боюнча чараларды кабыл алуу боюнча пикир алышты. Читать дальше...

Хорватиянын премьер-министри Андрей Пленкович Балкандагы дагы эки өлкө Албания жана Түндүк Македония жакын арада Европа биримдиги менен мүчөлүк сүйлөшүүлөрүн башташат деген ишенимин билдирди. 9-январда Загребде Европа кеңешинин төрагасы Шарль Мишель менен кездешүүдөн кийинки пресс-конференцияда премьер эки чакан өлкөнүн максатына жетүүсү үчүн Хорватия “жагымдуу климат” түзөт деп убада кылды. 1-январда шаркетке төрагалык кылуу вазийпасы жарым жылга Зегребге өткөн. Буга чейин Франция жана Нидерланд... Читать дальше...

“Клооп” порталынын айдоочусу Бекболсун Каипов Ош шаардык милициясында сурак берип жатат. Мындай маалыматты аталган порталдан ырасташты. Маалыматка ылайык, 9-январда “Клооп” порталынын кабарчылары Ош шаарындагы мыйзамсыз курулган имараттар жөнүндө тартып жүргөн. Ал жерде дрон учурган маалда белгисиз адам келип, үйдү тартпоону суранган. Журналисттер тактаган учурда ал адам Бажы кызматынын мурдагы төрага орун басары Райымбек Матраимовдун “тууганы” экенин айткан. “Клооптун” жазышынча, кабарчылар... Читать дальше...

Допингге каршы эл аралык агенттик (WADA) Лозаннадагы Спорттук арбитраж сотуна Орусиянын кызытмага каршы агенттигинин (RUSADA) үстүнөн арызданды. Буга чейин RUSADA эл аралык агенттиктин аткаруучу комитети салган санкцияларга макул эместигин билдирген. 9-декабрда комитет Орусияны төрт жылга эл аралык мелдештерден, анын ичинде Олмипиада жана дүйнө чемпионаттарынан четтеткен. Ал эми допинг колдонбогонун далилдеген “таза” атлеттер нейтралдуу желек астында жарыша алышат. Орусиянын улуттук желегине жана гимнине тыюу салынмакчы. Читать дальше...

Кыргызстандын аймактарында карапайым тургундар жер, турак жай жана башка мүлктөргө укуктарын аныктоодо кыйынчылыктарга тушугуп жатат. Буга укуктук сабатсыздык кедергисин тийгизүүдө.

Кыргызстандын аймактарында карапайым тургундар жер, турак жай жана башка мүлктөргө укуктарын аныктоодо кыйынчылыктарга тушугуп жатат. Буга укуктук сабатсыздык кедергисин тийгизүүдө.

Ливияда генерал Халифа Хафтардын армиясы Орусия жана Түркия президенттеринин 12-январдан тарта ок атышууну токтотуу сунушуна жооп берди. Хафтарга баш ийген Ливиянын Улуттук армиясынын басма сөз катчысы Ахмад ал-Месмари жасаган билдирүүдө армия “дос мамлекеттин” президенти Владимир Путиндин демилгесин колдоо менен катар башкалаа Триполини басып алган “террорчул топторго” каршы күрөштү улантууну көздөйт деп айтылат. "Өлкөдө тынчтык орнотуу үчүн Хафтардын аскерлерине каршы согушкан күчтөрдү куралсыздандыруу зарыл", - деп айтылат билдирүүдө. Читать дальше...

10-январга караган түнү кыргыз-тажик чек арасында чатак чыгып, тажик айылы тараптан кыргыз тарапка туш келди ок атылганы кабарланган.

Бишкектин Биринчи май райондук сотунда мурдагы баш прокурор Аида Салянованын иниси Улан Саляновдун өлүмү боюнча жараян өтүп жатат. Анын жүрүшүндө жабырлануучулардын адвокаттары сотко УКМКнын мурдагы төрагасы Абдил Сегизбаевди суракка алуу боюнча өтүнүч келтирди. Бул сунушту мамлекеттик айыптоо колдоду. Бирок ишти карап жаткан судья Марат Сыдыков өтүнүчтү канааттандыруудан баш тартты. Жабырлануучулар Саляновдун өлүмүнө айыпталгандардын биринин энесин суракка алууну өтүшкөн. Ал өтүнүч да четке кагылып, кийинки сот 13-январга белгиленди. Читать дальше...