Новости за 28.03.2022

Министрлер кабинетинин төрагасы Акылбек Жапаров 28-мартта Азиз Аалиевди жаңыдан түзүлгөн Кыргыз-өзбек өнүктүрүү фондунун башкармалыгынын төрагасы кызматына үч жылдык мөөнөткө дайындады. Аалиев  2021-жылдын сентябрынан тартып өкмөт башчынын орун басары болуп иштеп келген жана ал кызматка барганга чейин Орус-кыргыз өнүктүрүү фондун жетектеген. Аалиевдин ордуна президент Садыр Жапаров 28-мартта Бакыт Төрөбаевди Министрлер кабинетинин төрагасынын орун басарынын милдетин аткаруучу кылып дайындады. Читать дальше...

Камактагы журналист Куттумидин Базаркуловдун кан басымы көтөрүлүп, жүрөгү ооруп жатканын адвокаты Шадыбек Сопубеков билдирди. Анын айтымында, 24-мартта убактылуу кармоочу жайга тез жардам чакыртылган. “Мен кирип кабар алып чыктым, чындан эле ооруп жатканын айтты. Анын тергөө иштери жыйынтыкталып, иши сотко өттү. Эми убактысы белгиленсе, сот болот. Журналистти үй камагына чыгаруу тууралуу өтүнүчтөрүм четке кагылып келет. Эми облустук сотко кайрылганы жатам", - деди адвокат. Жалал-Абад облустук... Читать дальше...

Лейлек районундагы Жаңы-Жер айылдык кеңешинин төрагасы Саатбек Эгембердиев жана Бешкент айыл өкмөтүнүн башчысы Бекжан Жалилов 3-апрелге чейин камакта калды. Баткен облусунун прокурору Нуркамал Набиев баш болгон дагы эки прокурор кызматтан алынды. Ишембиде камакка алынган мурдагы айыл өкмөт башчыларын бошотууну талап кылган митинг өттү. Лейлектин Жаңы-Жер айылдык кеңешинин төрагасы Саатбек Эгембердиев жана айыл аймактын катчысы Акжол Абдуллаев, Бешкент айыл өкмөтүнүн башчысы Бекжан Жалиловду прокуратура 24-мартта 48 саатка кармаган. Читать дальше...

Ош облусундагы Кара-Суу районунун мурдагы акими Тилек Матраимов “Ошгаздын” директорунун орун басары болуп 3-марттан тартып иштеп жатат. Бул тууралуу “Азаттыкка” аталган мамлекеттик ишкананын техникалык иштер боюнча орун басары Мирбек Маматов билдирди. Анын маалымдашынча, учурда Тилек Матраимов Бишкек шаарында иш сапары менен жүрөт. Тилек Матраимов өлкөдөгү ири райондордун бири болгон Кара-Сууну сегиз жыл башкарып, Октябрь окуяларынан кийин кызматтан кеткен. Ал 2021-жылы 9-октябрда кыргыз-өзбек... Читать дальше...

Бул тууралуу Баткен облустук ички иштер башкармалыгы билдирди. Ага ылайык, журналист Арзыгүл Галымбетова жергиликтүү милицияга 25-мартта кайрылып, ”Батма-бат” Youtube каналынын автору Батмакан Жолболдуева аны каралап жатканын айтып арыз жазган. “Ошол эле күнү тактап айтканда 25-мартта арыздануучу чыр-чатактан соң, саламаттыгы начарлап саат 20.00дөр чамасында ооруканага кайрылат. Арзыгүл Галымбетовага дарыгерлер жардам көрсөткөндүгүнө карабай ошол эле түнү каза болуп калат. Бул факты боюнча арыздануучунун... Читать дальше...

Өзгөчө кырдаалдар министрлиги 28-мартта күтүлүп жаткан жаан-чачынга байланыштуу Кыргызстандын тоолуу райондорунда, тоолуу жолдордо кар көчкү коркунучу бар экенин эскертти. Бул тууралуу министрликтин басма сөз кызматы билдирди. 28-29-мартта Чүй, Ош, Жалал-Абад жана Баткен облустарынын райондорунда күндүн жылышы жана нөшөрлүү жаан-чачынга байланыштуу, эңкейиш жана төмөн жерлерди суу капташы, дарыялардагы суунун деңгээли көтөрүлүшү, тоолуу жана тоо этектериндеги райондордо сел жүрүшү мүмкүн дейт министрлик. Читать дальше...

Президент Садыр Жапаров 28-мартта Бакыт Төрөбаевди Министрлер кабинетинин төрагасынын орун басарынын милдетин аткаруучу кылып дайындады. Буга чейинки орун басар Азиз Аалиевди башка ишке өткөндүгүнө байланыштуу жумуштан бошотту. Президенттин басма сөз кызматы  Бакыт Төрөбаевдин талапкерлиги Жогорку Кеңешке макулдашуу үчүн киргизилгенин билдирди.  Парламент анын талапкерлигин качан карары азырынча белгисиз. Айрым маалыматтарга ылайык, Аалиев жаңыдан түзүлүп жаткан Кыргыз-өзбек өнүктүрүү фондунун башкармалык төрагалыгына барат. Читать дальше...

Саламаттык сактоо министрлигинин билдиришинче, Кыргызстанда 28-мартка карата коронавирус болгондордун жалпы саны 200 892 адамга жетти, оорудан 2985 бейтап көз жумду. Учурда ооруканаларда 92 адам  жатат жана 11 бейтаптын абалы өтө оор. Үйлөрүндө 50дөй жаран дарыланууда. Буга чейин  республикалык штаб АКШ менен Европада коронавирустун "дельта" жана "омикрондун" мутациясын айкалыштырган варианты (гибрид) аныкталганын билдирген. Кыргыз өкмөтү бул илдетке маани бербей же унутта калтырууга болбой турганын эскерткен.

Кыргызстан мусулмандар дин башкармалыгы орозону утурлай быйылкы зекеттин көлөмүн бекитти. Анда “бааларды туруксуздугуна байланыштуу, садака-битир берген учурда 1 килограмм 600 грамм буудай, ун, мейиз же 3 килограмм 200 грамм арпа, курма баасына көңүл бурууңуздарды эскертебиз”, деп жазылган. Ошондой эле алтын менен күмүштүн баасынан чыгарып берсе болору айтылган. Андан сырткары малдан берилчү зекет тууралуу түшүндүрмө берилген. "Эгер ар бир мусулман пенденин бодо малы 30 уйга жетип, алты айдан ашык жайытта багылса... Читать дальше...

Түркмөнстандын мурдагы президенти, Элдик жыйындын (Халк маслахаты) төрагасы Гурбангулы Бердымухамедов 1-апрелден тартып эмгек өргүүсүнө чыгат. Бул тууралуу “Түркмөнстан бүгүн” мамлекеттик маалымат агенттиги билдирди. Анда экс-президент жаңыдан мамлекет башчы болуп шайланган уулу Сердарга 25-мартта өкмөттүн жыйынында эмгек өргүүсүнө чыгуу өтүнүчү менен кайрылганы, ал канааттандырылганы айтылат. “Өзүңөр билгендей, мен 40 жылдан жетекчилик кызматтарда иштеп келем, 25 жылдан бери саясатта жүрөм. Иштин... Читать дальше...