Новости за 12.02.2024

Була җир йөзендә гүзәл затлар. Аларны күрүгә сулу каба, тез буыннарының хәле китә. Нигәдер күңел сыныклыгы тоям мин андый очрашулардан соң, мин дә яшәгән булам инде бу дөньяда. Әмма ир-ат халкы фәрештәгә тиң чибәр кызлар белән аралашудан курка төшәләр. Ничек барып сүз кушарсың шундый кәртинкәгә тиң нәрсәгә? Я мыскыллап көләр үзеңнән, я берәр сүз әйтер… Алар бит икенче төрлеләр, акыл белән генә аңлап булмый аларны. Теге икенче планетадан очып килгән инопланетяннар төсле. Чибәр кызның атлап йөрү рәвеше үзенчәлекле... Читать дальше...

«Orenday» сайты 12 ел хәбәре булмаган ир-ат турында яза. Соңыннан билгеле булганча, ул әбисе белән качып киткән булган, ә әбисе исә бөтенләй үле дип саналган.

Свердловск өлкәсенең Түбән Тагил шәһәрендә кесарев кисеме ясап бала тапкан хатын үлгән.

Башкортстанның Әлшәй районы суды 16 яшьлек үсмергә карата хөкем карары чыгарды. Ул машина йөртү таныклыгы булмаган һәм исерек килеш машина белән идарә иткәндә юл кагыйдәләрен бозып, 2 кеше үлеменә китерүдә һәм акча таләп итеп янауда гаепләнә. Бу турыда «Башинформ» хәбәр итте.

Яшь җырчы Азат Абитов хатыны Гөлсирин белән бер-берсенә ияләшү чорының артта калуы, хәзер инде үзара аңлашып гомер кичерүләре хакында сөйләгән.

Бүген, 12 февральдә, Ксения Собчакның «Осторожно медиа» холдингының элеккеге директоры Кирилл Суханов 7,5 елга хөкем ителде. Мәскәү суды аны «Ростех» башлыгы Сергей Чемезовтан 11 миллион сум акча таләп итүдә гаепләде.

13 февральдә Татарстанда болытлы һава торышы була. Төнлә кар явачак. Көндез җиңелчә кар ява, урыны белән бераз буран була. Көньяктан, көньяк-көнбатыштан уртача тизлектә, урыны белән 13 метр тизлектә көчле җил. Төнлә һава температурасы -11..-16˚, көндез -4..-9˚ градус. Юлларда бозлавык.

Псков өлкәсендә балалар утырган автобус авариягә очраган. 17 кеше зыян күргән, шул исәптән 13 бала имгәнгән, дип хәбәр итте РИА Новости Россия Гадәттән тыш хәлләр министрлыгына сылтама белән.

Камал театры премьерасы – Туфан Миңнуллинның «Дуслар җыелган җирдә» драмасы турында Рузилә Мөхәммәтова язмасы.

Марат Яруллин фатир сатып алган. Җырчы анда кыйммәтле ремонт ясарга җыена. Инде белгечләр белән дә килешеп куйган.

Бүген төнлә Тульская урамында урнашкан машина юу урынында автоцистерна эчендә ятучы ике ир-атны тапканнар.

Алмаз Мирзаянов белән Зөлфирә Шәйдуллина мәзәк тә, уңайсыз да хәлгә юлыкканнар. Алар никах туе дип җыенып барган мәҗлес юбилей булып чыккан. Артистлар исә моны кияү белән кәләшкә багышланган шигырьләр, котлаулар сөйләнеп беткәч кенә, икенче чыгышлары вакытында гына аңлап алганнар. Алмаз Мирзаянов бу хакта, кызык итеп, сторисларында сөйли.

ТР Авыл хуҗалыгы һәм азык-төлек министрлыгы коллегиясе утырышында республиканың корылык белән ничек көрәшәчәге, сыерларның баш саны кимү сәбәпле нинди проблемалар көтелүе, авыл хуҗалыгы җитештерүчеләренә нинди ярдәм чаралары булуы турында фикер алыштылар.

Татарстанның атказанган артисты, Татарстан дәүләт җыр һәм бию ансамбле биючесе, Әлфис Кыямовның кызы Айгөл Кыямова әтисен искә алып язган. Татарстанның атказанган артисты Әлфис Кыямовның арабыздан китүенә быел 20 ел булган.

Кәбестә белән итне кәстрүльгә дә салып пешерергә була. Әмма менә бу рецепт күпләрнең күңеленә хуш киләчәк. Әзерләү өчен вакыт күп кирәкми.

Казанда «Мега» сәүдә үзәгендә «Онкология... Жизнь... До... И после...» дигән күргәзмә уза. Анда җырчы Ләйсән Гыймаеваның да фотосы бар.

Татар эстрадасы җырчысы Гүзәл Гарәфиева күптән түгел генә үзенең беренче «сольный» концертын үткәргән иде. Җырчы бу вакыйганы дулкынланып көтеп алуы турында язды. Бәла аяк астында ята дигәндәй, концерттан соң берничә көн үткәч, җырчының кинәт кенә әтисе вафат булуы турында билгеле булды. Гүзәл Гарәфиева бу турыда социаль челтәрдә язган.

«Хозур» нәшрият йорты «Дин вә мәгыйшәт» редакциясенең «Ислам турында татарча, аңлаешлы итеп язабыз» телеграм-каналында догалар кабул ителә торган очраклар турында язылган:

Ятим калган кыз мәрхүм әтисенең телефонына смс-хәбәр җибәргән һәм аңа җавап килгән. Бу турыда «Московский комсомолец» хәбәр итте.

Җырчы Айгөл Бариева социаль челтәрдәге сәхифәсендә яңа образда беренче тапкыр чыгыш ясавын белдерде. Ул алдан зур үзгәрешләр көтелүен, «сез башка Айгөлне күрәчәксез» дип хәбәр иткән иде.