25 апрель куни Санкт-Петербургда содир бўлган ёнғинда ўзбекистонлик муҳожир бир неча одамни қутқаришга ёрдам берди. Олимжон Иброҳимовнинг одамларни ёнғиндан олиб чиқаётгани акс этган видео интернетда тарқалиши ортидан Санкт-Петербург туман маъмурияти унга расман миннатдорчилик билдирди.
Ўзганлик Илҳомбек Солиев оиласи билан бирга 20 йилдан бери турли гулларни ўстиради. У қўлидаги ҳар бир гули билан гўё одамлардек суҳбат қуради. Бу ҳунар унга отасидан қолган. У гулларни Ўзган туманидан ташқари қўшни давлатларга ҳам экспорт қилади.