За 24 часа - 153 нови заразени со ковид, 11 починати и 309 оздравени

Регистрирани се 153 нови случаи на заразени со ковид-19, има 309 оздравени и 11 починати од ковид во изминатите 24 часа, информира Министерството за здравство.

Министерството соопштува дека биле направени 1.549 тестирања, а најголем број на нови случаи има во Скопје, каде има 108 новозаразени. Потоа во Куманово има 12 нови случаи, Прилеп – 9, Кавадарци – 6, Битола – 5, Крива Паланка – 4, Виница – 2, Струмица, Кичево, Неготино, Свети Николе, Берово, Делчево и Пробиштип – по 1.

Во текот на изминатите 24 часа регистрирани се 11 починати лица: по 2 починати лица од Прилеп (54г и 63г), Кавадарци (49г и 70г), и Демир Хисар (74г и 77г), по едно починато лице од Скопје (69г), Кичево (58г), Битола (61г), Гевгелија (69г) и Велес (79г). Од пријавените лица сите се починати во болнички услови.

„Вакцина“ е зборот на годината, според Оксфорд

Дополнително, согласно Регистарот на умрени лица со дијагноза ковид-19 од Мој Термин, се пријавени две починати лица со датум на смрт од 22.10.2021 до 30.10.2021. Регистрирани се по едно починато лице од Скопје и Крива Паланка на возраст од 61 до 80 години, од кои еден е починат во болнички услови, а еден е починат во домашни услови.

Вкупната бројка на ковид-дијагностицирани лица во земјата од почетокот на епидемијата изнесува 202.705, бројот на оздравени пациенти е 188.849, на починати е 7.145, а бројот на активни случаи изнесува 6.711.