Новости за 17.05.2021

(Казан, 17 май, «Татар-информ»). Иртәгә, 18 май да, 14.00 сәгатьтә, «Татмедиа» бинасында ачылган «Әдәби кафе»да (Декабристлар ур., 2 йорт, 1 катта) «Казанские ведомости» газетасы баш мөхәррире, Татарстан Журналистлар берлеге, Татарстан Язучылар берлеге, Россия язучылары берлеге әгъзасы Венера Якупованың «24 рецепта успеха» китабы чыгу уңаеннан автограф-сессиясе булачак. Әлеге китапта укучы ничек бәхетле булырга, уңышка ничек ирешергә, уңышлы карьера төзү сере нидә кебек сорауларга җавап таба алачак. Читать дальше...

(Казан, 17 май, «Татар-информ  », «Ватаным Татарстан» , Фәния Арсланова). Авылның киләчәге яшьләр кулында дияргә яратабыз. Яшләрне ничек авылдан китмәслек итәргә? Бу җәһәттән Балтач районының Бөрбаш авылы башкаларга үрнәк. Шул җирлектә яшәүче Татарстанның баш казые Җәлил хәзрәт Фазлыев белән авыл тормышы, замана чирләре, шаукымнары турында әңгәмә кордык. — Җәлил хәзрәт, Бөрбашта яшьләр күпме, читтән кайтучылар бармы? — Биш балалы мөгаллим кайткан иде. Аңа: «Сәрдегәнгә урнашкансыз, Бөрбаш мәктәбенә ераграк бит инде»... Читать дальше...

(Казан, 17 май, "Татар-информ"). Хозур ТВ” беренче федераль мөселман телеканалы хәзер Дагыстан Республикасының Махачкала шәһәрендә күрсәтә башлады. ТР Диния нәзарәте матбугат хезмәте хәбәр итүенчә, тапшыруларны карау өчен “Рант” ҖЧҖ кабельле телевидение операторы абоненты булырга кирәк. Мөселман телевидениесе База пакетына кертелгән, цифрлы төймәдә – 27, аналогта – 41 номеры белән бирелгән. Исегезгә төшерәбез, “Хозур ТВ” телеканалы өч ел эшләү дәверендә федераль дәрәҗәгә чыкты, ул үз эченә Россиянең 9 төбәген... Читать дальше...

(Казан, 17 май, «Татар-информ»). Балалар өчен ышаныч телефонына ел ахырына кадәр мобиль телефоннан кыска 124 номеры буенча шалтыратырга була. Бу хакта  РИА Новостига Авыр тормыш хәлендә булган балаларга ярдәм итү фондында әйттеләр. «2021 ел ахырында кыска 124 номеры буенча балалар өчен ышаныч телефонына кәрәзле телефоннардан шалтыратырга мөмкин булачак», - диелә хәбәрдә. Россиядә балалар өчен ышаныч телефоны 2010 елда эшли башлады. 11 ел эшләү дәверендә аның белгечләре 11 миллионга якын мөрәҗәгать кабул иткән. Читать дальше...

(Казан, 17 май, «Татар-информ»). Казандагы 175нче гимназиядә утлы коралдан яраланган укучы әкренләп аңына килә башлаган. Бу хакта малайның әтисе Марат З. сөйләде. Тимур Татарстанның Баулы районында туып-үскән. Ул 8 «А» сыйныф укучылары арасында иң нык зыян күргән биш бала белән Гадәттән тыш хәлләр министрлыгы махсус бортында Мәскәүгә хастаханәгә озатылган иде. 11 майда, фаҗига көнендә, 14 яшьлек малайга Балалар республика клиник хастаханәсе табиблары беренче операцияне ясады. Ул чакта Казан табиблары әти-әнисенә операциянең уңышлы узганлыгын... Читать дальше...

(Казан, 17 май, «Татар-информ», Рузилә Мөхәммәтова). Татарстан мәдәният министры Ирада Әюпова Россиядә яңа төзелгән Мәдәни инициативалар Президент фондының Россия Федерациясе Президенты грантлары конкурсларын үткәрү буенча координацион комитеты әгъзасы итеп сайланды. Бүген Мәдәни инициативалар Президент фонды төзелү турында Россия Федерациясе Президенты Указына кул куелган. Комитет рәисе итеп Россия Федерациясе Президенты Администрациясе җитәкчесе Сергей Кириенко билгеләнгән. Комитет әгъзалары арасында РФ мәдәният министры Ольга Любимова... Читать дальше...

(Казан, 17 май, «Татар-информ»). Россия Президенты Владимир Путин Россия һәм Кырым хөкүмәтенә Симферопольдә Җәмигъ мәчетен төзүне тәмамлауда ярдәм күрсәтергә һәм бу хакта быел 1 октябрьгә кадәр хәбәр итәргә кушты. Бу хакта Интерфакс хәбәр итә. «Россия Федерациясе Хөкүмәтенә Кырым Республикасы Министрлар Советы һәм кызыксынган оешмаларны җәлеп итеп, Симферополь шәһәрендә Җәмигъ мәчетен төзү эшләрен тәмамлауда кирәкле ярдәм күрсәтергә кирәк», - диелә Кремль сайтында бастырылган Кырым һәм Севастополь... Читать дальше...

(Казан, 17 май, «Татар-информ»). «Башкортстан» дәүләт концерт залында Россия Федерациясенең атказанган, Башкортстан һәм Татарстан Республикаларының халык артисты Фәридә Кудашеваның тууына 100 ел тулуга багышланган концерт булды. «Башинформ» хәбәр итүенчә,тантаналы кичә бер сәхнәдә башкорт һәм татар эстрадасы йолдызларын җыйды.  Ел саен Башкортстанда Фәридә Кудашева һәм Бәхти Гайсин иҗатына багышланган «Ике аккош» республика конкурс-фестивале үткәрелә. Ул халыкчанлык традицияләрен саклый һәм үстерә... Читать дальше...

(Казан, 17 май, «Татар-информ»). «Татар-информ» мәгълүмат агентлыгына шаһитлар сөйләвенчә, бүген Түбән Камада иртәнге сәгать сигездә Индустриаль урамында авария булган. Юлда «Лада» һәм Toyota бәрелешкән. Чит ил машинасы бәрелүдән каршы як хәрәкәт юлындагы «КАМАЗ» йөк машинасына барып бәрелә. Шаһитлар мәгълүматы буенча, ике җиңел машинаның да йөртүчеләре зыян күргән. «Лада»дагы ир-ат аякларының авыртуына зарланды. Табиблар аны хастаханәгә алып китте. Чит ил машина йөртүчесен урында карадылар, ул госпитализациядән баш тартты»... Читать дальше...

(Казан, 17 май, «Татар-информ»). Россия Кызыл Хач җәмгыяте үзәк аппараты Татарстан Республикасы Хөкүмәте белән берлектә 175нче Казан гимназиясендә ату вакытында зыян күрүчеләр өчен 11 майда ачылган акча җыюны төгәлли. Бу хакта ТР Президенты матбугат хезмәте җитәкчесе Лилия Галимова хәбәр итте. Аның мәгълүматларына караганда, 17 май көнне 14:00 сәгатькә 73 165 384 сум акча җыелган. Хәзерге вакытта зыян күрүчеләрнең һәм аларның гаиләләренең ихтыяҗлары исемлеге төзелә. «Барлык акчалар да шәхси ихтыяҗлары булган гаиләләргә адреслы ярдәм күрсәтүгә... Читать дальше...

(Казан, 17 май, «Татар-информ»).Татарстанда һава шартлары атна ахырына үзгәрәчәк, аномаль эсселек кимиячәк. Бу ТР Гидрометеорология үзәге тарафыннан таратылган фараздан күренә. Иртәгә, 18 май көнне, республикада элек урнашкан экстремаль җылы һәм коры һава торышы саклана. Төнлә урыны белән кыска вакытлы яңгыр явуы, яшен булуы ихтимал. Көндез явым-төшем туктаячак. Һава температурасы төнге сәгатьләрдә 15тән 20 градуска кадәр (түбән урыннарда — 10нан 15 градуска кадәр) һәм көндез 30дан 34 градуска кадәр җылы булачак. Читать дальше...

(Казан, 17 май, «Татар-информ»).Татарстан Республикасының Казахстан Республикасындагы Тулы вәкаләтле вәкиле вазифасына яңадан Денис Вәлиев билгеләнде. Бүген Татарстан Президенты Рөстәм Миңнеханов тиешле указга кул куйды. Денис Вәлиев үз вәкаләтләренә 2021 елның 21 маенда керешәчәк, тиешле вазифаны ул өч ел дәвамында биләячәк. Элегрәк ул бу вазифаны 2018 елда кабул иткән иде.

(Казан, 17 май, «Татар-информ»). Бүген көндез Тукай районының Калмаш авылында сарай януы турында хәбәр 101нче янгын сүндерү сагы чакыру номерына алынган. Урында утның 50 квадрат метр мәйданлы корылманы ялмап алуы ачыкланган. Һәлакәттә 11 яшьлек малай зыян күргән. Аяклары, бите пешкән баланы хастаханәгә озатканнар. Янгын сүндерүчеләргә утны тулысынча сүндерү өчен 23 минут чамасы вакыт кирәк булган. Янгын сәбәбе ачыклана.

(Казан, 17 май, «Татар-информ»). Россия сәяхәтчеләре оператив штаб Исландия, Мальта, Мексика һәм Португалия белән авиаочышларны яңадан торгызу турында игълан иткәннән соң ук бу илләргә турлар һәм авиабилетлар эзли башлады, дип хәбәр итә Aviasales. Коронавирус таралуга каршы көрәш буенча оператив штаб Россия һәм алда аталган биш ил, шулай ук Согуд Гарәбстаны арасында һава юллары ачу турында карар кабул итте. Очышларны 2021 елның 25 маеннан башлау планлаштырыла. «Очышларның яңаруы турында мәгълүмат пәйда булуга ук... Читать дальше...

(Казан, 17 май, «Татар-информ»). Казанның 175нче гимназиясендә фаҗигадән соң мәктәпкә барырга курка башлаган балалар белән ата-аналарның нинди мөгамәләдә булырга тиешлеге турында турыдан-туры эфирда Казан дәүләт медицина академиясенең психотерапия һәм наркология кафедрасы доценты, медицина фәннәре кандидаты Марина Белоусова аңлатты. «Әгәр безнең алда неврология күренешләре булган бала булса, әйтик, элек ул неврологта күзәтелсә, баш авыртуы булса, тотлыгу дәрәҗәсе артса — менә шундый балага без психик яктан саклау режимын билгелибез. Читать дальше...

(Казан, 17 май, "Татар-информ"). Рамазан аеның беренче көнендә Татарстан Республикасында Диния нәзарәте башлангычы белән традицион «Рамазан - игелекле эшләр ае» хәйрия марафоны старт алган иде. Бер ай эчендә 19 авыру балага ярдәм күрсәткәннәр. Диния нәзарәтенең «Зәкят» хәйрия фонды 30 көн эчендә, битараф булмаган татарстанлылар ярдәме белән, авыру балаларны дәвалауга, азкеремле гаиләләргә азык-төлек ярдәме күрсәтүгә акча җәлеп итә алды, дип хәбәр итте Диния нәзарәте. Шулай итеп, Татарстанның төрле... Читать дальше...

(Казан, 17 май, «Татар-информ»). 12 майда Үзбәкстанның Фирганә, Ташкент, Сәмәрканд, Бохара һәм Үргәнеч шәһәрләрендә Татарстан Республикасы югары уку йортлары катнашында «My Fair» күргәзмә компаниясе оештырган «Мәгариф һәм һөнәр - Соңгы кыңгырау» XIX Халыкара күргәзмәсе башланды. Бу хакта Татарстан Республикасының Үзбәкстан Республикасындагы вәкиллеге матбугат хезмәте хәбәр итә. 14 майда Ташкентта Мирзо Улугбек исемендәге «Central Park» мәдәният һәм ял паркында тантаналы ачылышта Казан (Идел буе)... Читать дальше...

(Казан, 17 май, «Татар-информ», Розалия Хәйруллина). Казан федераль университеты тулай торакларына кайнар су 25 майда биреләчәк. Бу хакта «Татар-информ» мәгълүмат агентлыгы корреспондентына университетның матбугат хезмәтендә хәбәр иттеләр. «КФУның Кызыл позиция урамындагы 6, 6А, 2а; Гадел Кутуй урамындагы 2б, 2/17 адреслары буенча урнашкан тулай торакларында кайнар су юк. <…> Кайнар су бирү 25 майга планлаштырыла», — диелә хәбәрдә. Казан университеты матбугат хезмәтендә тулай торакларда кайнар... Читать дальше...

(Казан, 17 май, «Татар-информ»). Татарстанның Аксубай, Зәй, Түбән Кама, Нурлат һәм Тәтеш районнары игенчеләре бөртекле культуралар чәчүне төгәлләгән. ТР Авыл хуҗалыгы һәм азык-төлек министрлыгының матбугат хезмәте хәбәр иткәнчә, чәчү кампаниясе ахырына якынлашып килә. «Язгы культуралар барлыгы 90 процент мәйданда чәчелгән. Татарстанда быел әлеге культуралар барлыгы 2,8 миллион гектар мәйданны биләячәк», — дип искәрттеләр министрлыкта. Бөгелмә (99 процент), Ютазы (99), Баулы (98), Мөслим (98), Тукай (98)... Читать дальше...

(Казан, 17 май, «Татар-информ»). «Мәдинә» нәшрият йортында тарих фәннәре докторы, профессор Айдар Хәбетдинов язган һәм РФ мөселманнары Диния нәзарәте рәисенең беренче урынбасары, Мәскәү ислам институты ректоры, теология докторы Дамир Мөхетдиновның гомуми редакциясендә нәшер ителгән «Лидеры российских мусульман и мусульманок в Российской Империи и СССР (XIX-XX вв.)» дигән китап басылып чыккан. РФ мөселманнары Диния нәзарәтенең матбугат хезмәте хәбәр иткәнчә, китапка фәлсәфә фәннәре докторы, профессор... Читать дальше...

(Казан, 17 май, «Татар-информ»). Татарстанда 17 майда көндез һәм кичен һава шартларының начарлануы көтелә. Бу хакта ТР Гидрометеорология үзәге хәбәр итә. Республикада урыны белән көнбатыштан искән җил тизлеге секундына 15-20 метрга кадәр көчәергә һәм яшенле яңгыр булырга мөмкин, дип кисәтә метеорологлар. Шул ук вакытта төбәк территориясендә элек урнашкан аномаль эссе һава торышы саклана. Бүген эсселек 35 градуска кадәр җитәргә мөмкин. Татарстанның Спас районында Антоновка метеостанциясендә температура +34,1 градус теркәлгән.

(Казан, 17 май, «Татар-информ», Гадел Әхмәтҗанов). Краснодар крае татарларының «Болгар-К» татар оешмасы Инстаграмдагы аккаунтында тарихи фотографияләр бәйгесе игълан итте. «Конкурсның максаты — балалар һәм яшьләрдә гаиләләре тарихына кызыксыну уяту, аларның якыннарының язмышлары, истәлекләре белән уртаклашу, тарихи вакыйгаларның шаһитлары белән танышу», — диде оешманың җәмәгатьчелек белән элемтә буенча белгече Эльвина Хәйруллина «Татар-информ» хәбәрчесенә. Бәйгегә тарихи фоторәсемнәр һәм алар белән бәйле шәхесләр... Читать дальше...

(Казан, 17 май, «Татар-информ»). Төрекмәнстан Президенты Гурбангулы Бердымөхәммәдов һәм Татарстан Президенты Рөстәм Миңнеханов күптән түгел генә Ашхабадка китерелгән, медицина вариантында эшләнгән Ми-17-1В вертолеты белән танышты. ТР Президентының матбугат хезмәте җитәкчесе Лилия Галимова хәбәр иткәнчә, Гурбангулы Бердымөхәммәдов Казан вертолет заводы белән алдагы хезмәттәшлеккә бәйле тәкъдимне карарга әзер булуы турында белдергән. «Татар-информ» агентлыгы Төрекмәнстанга Казанда җитештерелгән Ми-17-1В... Читать дальше...

(Казан, 17 май, «Татар-информ», Егор Никитин). Казандагы 175нче гимназиянең IX һәм XI сыйныфы укучыларына Төп һәм Бердәм дәүләт имтиханнарын тапшыру өчен өстәмә 1,5 сәгать вакыт биреләчәк. Шәһәр Мәгариф идарәсе башлыгы Ирек Ризванов Казан Башкарма комитетында узган эшлекле дүшәмбе киңәшмәсендә билгеләп үткәнчә, бу 11 майда биредә булган фаҗигадән соң стресстан тернәкләндерү чаралары кысасында эшләнәчәк. Ризванов искәрткәнчә, узган ял көннәрендә 175нче гимназия укучыларының ата-аналары белән җыелышлар үткәрелгән. Читать дальше...

(Казан, 17 май, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 33 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, бер кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «21 кеше хастаханәгә озатылган, 12 кеше өендә дәвалана», — диелә ведомство хәбәрендә. Казанда — 11, Лениногорск районында — 4, Чаллы шәһәрендә һәм Түбән Кама районында — өчәр, Әлмәт һәм Лаеш районнарында ... Читать дальше...