Европа Чемпионлар Лигасининг 1/8 финалига йўлланма олган жамоалар номи маълум бўлди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: УЕФА Футбол бўйича Европа Чемпионлар Лигасининг гуруҳ босқичи якунланди. Гуруҳ босқичининг натижаларига кўра 1/8 финалга йўл олган жамоалар номи аниқ бўлди. Биринчи ўринни эгаллаган жамоалар: «Манчестер Сити», «Манчестер Юнайтед», «Ливерпуль» (барчаси – Англия), «Аякс» (Нидерландия), «Реал» (Испания), «Бавария» (Германия), «Лилл» (Франция), «Ювентус» (Италия). Иккинчи ўринни эгаллаган жамоалар: «ПСЖ» (Франция), «Атлетико» (Испания), «Спортинг» (Португалия), «Интер» (Италия), «Бенфика» (Португалия), «Вильярреал» (Испания)/«Аталанта» (Италия), «Зальцбург» (Австрия), «Челси» (Англия). Европа Чемпионлар Лигаси 1/8 финалининг сўнгги иштирокчиси 9 декабрь, пайшанба куни «Аталанта» ва «Вильярреал» ўртасидаги учрашув сўнг аниқ бўлади. Ушбу жамоалар ўртасида 8 декабрга белгиланган ўйин вақти кучли қор ёғиши туфайли қолдирилган. Гуруҳда учинчи ўринни эгаллаган жамоалар: «Лейпциг», «Порту», «Боруссия Д», «Шериф», «Барселона», «Севилья» ва «Зенит» Европа Лигасига равона бўлди. «Брюгге», «Милан», «Бешиктош», «Шахтёр», «Динамо Киев», «Янг Бойз», «Вольфсбург», «Малмё» жамоалари эса гуруҳ босқичида қолиб кетди. Плей-офф босқичи учун қуръа ташлаш маросими 13 декабрь куни Швейцариянинг Ньон шаҳрида бўлиб ўтади.