Футбол бўйича Англия Премьер Лигасининг 16-туридан ўрин олган «Норвич» ва «Манчестер Юнайтед» ўртасидаги баҳс 11 декабрь, шанба куни бўлиб ўтди. Муросасиз ва курашларга бой ўтган ўйинда Криштиану Роналдунинг ягона голи учрашув тақдирини ҳал қилди. Португалиялик ҳужумчи 75-дақиқада 11 метрлик жарима зарбасидан унумли фойдаланиб, манчестерликларнинг ғалабасини таъминлади. Манкунианликлар ушбу ғалабадан сўнг очколари сонини 27 тага етказиб, 5-ўрингга кўтарилиб олди. «Норвич» эса 10 очко билан сўнгги поғонада бормоқда. «Норвич» – «Манчестер Юнайтед» 0:1 Гол: 0:1 – 75 пенальти, Роналду «Норвич»: Крул, Ааронс, Ҳенли (Соренсен, 21), Кабак, Яннулис, Рупп (Ле-Мелу, 76), Маклин, Гилмор, Плахета (Кэнтуэлл, 70), Пукки, Саржент. «Манчестер Юнайтед»: Де Хеа, Дёгу Далот, Магуайр, Линдельоф (Байи, 74), Теллес, Фред, Бруну Фернандеш (ван де Бек, 88), Мактомини, Санчо (Гринвуд, 67), Роналду, Рэшфорд. Огоҳлантириш: Дёгу Далот (77), Ле-Мелу (90).
