Жиззах вилоятида ҳосил байрами муносабати билан ўтказилган катта улоқ-кўпкари мусобақасида кўплаб совринлар қўйилди. Мусобақанинг асосий соврини — «Кобальт» автомобили учун кечган беллашувлар қизғин ва муросасиз баҳсларга бой бўлди. Республикамизнинг барча ҳудудларидан жам бўлган чавандозлар ичида жиззахлик Шароф полвонга тенг келадигани топилмади. Якунда Жиззах вилояти ҳокими Эргаш Солиев ғолибга асосий соврин — автомобил калитини топширди.
