Новости за 23.11.2020

Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.

Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 62-ҩык акоронавирус рцәа ишалаз аадырԥшит.

Апрограмма – 2014 шықәса абҵара 24 рзы анапы зҵаҩыз Аԥсни Урыстәылеи рыбжьара аиҩызареи астратегиатә партниорреи рзы Аиқәшаҳаҭра ацҵоуп.

Акриптавалиута амаининг азы аусурақәа рзин ҟаҵан абҵара 21 рзы Аминистрцәа реилазаара ақәҵарала.

Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.

Абҵара алагамҭаз Гагратәи ахәышәтәырҭа ахәыҷтәы ҟәшаҿы иазырхиан акоронавирустә инфекциа змоу рзы аҭыԥқәа.

Абҵара 20 рзы аҳабла Цандрыԥшь афымцалашара аиуразы апроблема ҟалеит. Уи аамҭа-аамҭалатәи арцәара иадҳәалам.

Аҟәатәи аинфекциатә хәышәтәырҭа аҳақьым хада инапынҵақәа назыгӡо Асҭамыр Гәыниа арадио Sputnik аефир аҟны иҳәеит СOVID- 19 аганахьала аҭагылазаашьа зеиԥшроуи, рчымазцәа ргәабзиара хәшьарас иарҭои ртәы.

Аҭааҩцәа рахь аҳәамҭа ҟаҵоуп акоронавирус алаҵәара ашәарҭара иахырҟьаны асабрадақәа рҿазарц, фҩык-фҩык иреиҳамкәа адкыларҭахь инеиларц.

Урыстәылатәи акинорежиссиор, атеатртә премиа "Ахьтәы сабрада" занашьоу Артиом Устинов иқәыргыламҭа аспектакль "Электра" дырбахоит Санкт-Петербург, Брианцев ихьӡ зху ақәыԥшцәа ртеатр асценаҿы ԥхынҷкәын 5 асааҭ 19:00 рзы.

Риҵатәи амилаҭтә ҳәарԥсарра абнахылаԥшҩы аиҳабы Ҭенгиз Џьергениа арадио Sputnik аефир аҿы еиҭеиҳәеит аӡиахьы уназго амҩа аҭагылазаашьа зеиԥшроу атәы.

Аиқәырхаҩцәа анрыхҭыгәлоз аҭуристцәа рҭагылазаашьа шәарҭамызт.

Аинформациатә маҵзура Sputnik Аԥсны ахҳәааҟаҵараҿы реиҳа ихадоу ахҭысқәа абҵара 16- 22 рзы.