Новыя дэталі падрыву самалёта ў Мачулішчах
Тэлеграм-канал былых сілавікоў ByPol паведаміў падрабязнасці знішчэння расейскага самалёта А-50.
Artykuł Новыя дэталі падрыву самалёта ў Мачулішчах pochodzi z serwisu БЕЛАРУСКАЕ РАДЫЁ РАЦЫЯ.
371-ы дзень вайны. Тэлеграм-канал былых сілавікоў ByPol паведаміў падрабязнасці знішчэння расейскага самалёта А-50 у Мачулішчах.
ByPol сцвярджае, што што ўдзельнікамі плану «Перамога» пры здзяйсненні акцыі скарыстана два робаты вытворчасці кампаніі DJI, якія былі саматужна пераабсталяваныя ў дроны-камкадзэ. Кожны робат нёс зарад 200 грам выбуховага рэчыва ў тратылавым эквіваленце. Скарыстаныя металічныя шары ў прыкладнай колькасці 200 штук на кожны. Паводле аналізу пашкоджанняў, антэну лакатара давядзецца цалкам замяніць. Рамонт верагодных пашкоджанняў, лічыць ByPol, запатрабуе не адной брыгады, а калектыву вузкіх адмыслоўцаў.
Нагадаем, 26 лютага ByPol і лідары апазіцыі ў выгнанні паведамілі, што расейскі самалёт далёкага радыёлакацыйнага выяўлення і кіравання А-50 быў пашкоджаны ў выніку атакі беспілотнікаў на авіябазу ў Мачулішчах пад Менскам. Нягледзячы на тое, што пашкоджанні афіцыйна не пацверджаныя, брытанская выведка адзначае, што страта А-50 будзе значнай для РФ, бо самалёт мае вырашальнае значэнне для расейскіх паветраных аперацый.
Беларускае Радыё Рацыя
Artykuł Новыя дэталі падрыву самалёта ў Мачулішчах pochodzi z serwisu БЕЛАРУСКАЕ РАДЫЁ РАЦЫЯ.