Святлана Ціханоўская: Дзякуючы Алесю Бяляцкаму Беларусь вяртаецца ў парадак дня
Святлана Ціханоўская пракаментавала прысуд нобелеўскаму лаўрэату Алесю Бяляцкаму і праваабаронцам «Вясны» Валянціну Стэфановічу, Уладзіміру Лабковічу і Змітру Салаўёву.
Artykuł Святлана Ціханоўская: Дзякуючы Алесю Бяляцкаму Беларусь вяртаецца ў парадак дня pochodzi z serwisu БЕЛАРУСКАЕ РАДЫЁ РАЦЫЯ.
Святлана Ціханоўская пракаментавала прысуд нобелеўскаму лаўрэату Алесю Бяляцкаму і праваабаронцам «Вясны» Валянціну Стэфановічу, Уладзіміру Лабковічу і Змітру Салаўёву. На яе думку, прысуд наглядна дэманструе сутнасць рэжыму Аляксандра Лукашэнкі і з’яўляецца помстай за салідарнасць.
«Прысуд для вясноўцаў – бесчалавечны, жорсткі, але прадказальны. Гэта помста за нязломнасць. Помста за салідарнасць. Гэта і плявок у твар міжнароднай праваабарончай супольнасці – калі садзяць віцэ-прэзідэнта Міжнароднай федэрацыі правоў чалавека.
Я бачыла фотаздымкi з суда. Бачыла вочы Алеся і іншых. У іх няма адчаю – але ёсць энергія, гатовасць працягваць барацьбу. Яны ведаюць, што робяць правільную справу.
Алесь нават з турмы здольны прыцягваць увагу да Беларусі. Мы бачым, што дзякуючы яму Беларусь вяртаецца ў парадак дня. Дзякуючы яму гавораць пра іншых палітвязняў. Гэта вялікая ахвяра, на якую ён пайшоў дзеля ўсіх нас.
Я ад усяго сэрца зычу Алесю Бяляцкаму, Уладзіміру Лабковічу і Валянціну Стэфановічу прайсці гэтае выпрабаванне хутчэй і без моцнай шкоды для здароўя. Вы – нашыя героі. Мы, усе беларусы, будзем рабіць усё магчымае, каб гэты жах скончыўся як мага хутчэй, і ніколі не паўтарыўся зноў».
Artykuł Святлана Ціханоўская: Дзякуючы Алесю Бяляцкаму Беларусь вяртаецца ў парадак дня pochodzi z serwisu БЕЛАРУСКАЕ РАДЫЁ РАЦЫЯ.