Новости за 02.04.2018

LiveJournal-ан девне блоггер Миро Лена фашистийн ойланаш йолуш хила мега аьлла, шек бевлла цуьнан «кхолларалла» йоьшуш болу нах, яздо 24smi.org сайто. Бахьана ду цу зудчо LiveJournal-хь шен агIонехь дитина йоза. Шен постехь авторо хьехар дина Нохчийчуьрчу бахархошна Москох ма гIерта аьлла. Блоггера шега кехат яздинера боху Нохчийчуьрчу 44 шо долчу зудчо. И кехет дешча шен кхоллаелла ойла юьйцу жимачу зудчо. Миро-на хетарехь, Нохчийчуьра зудчунна тIе тидам гIур бу полицин а, гонах болчу болчу нехан а. Читать дальше...

Исламан Республика 1979 шарахь кхайкхийна ГIажарийчохь.

Гуьржийчоьнан цхьайолчу регионашкахь бахархой дуьхьалбевлла шайн меттигашкахь гидроэлектростанцеш ца йойтуш. Iедало цигахь къепе хIотто полицин тобанаш а яхийтинера. Иштта, ПIаьнказехь нохчий бехачу меттигехь а ян лерина ю ши ГЭС. Цунна дуьхьалбевллера бахархой. Шайн митингехь реза цахилар дIахаийтинера цара Цигахь долчу хьолах дийцира кистойн журналиста Бордзгор Сулхана: «Оцу Панкисехь а, Сванетехь а лаьтта хьал и ГЭСаш ца яйта ду. Цигахь хилла а ца Iа иза. Цул сов, Рача олучу меттехьа дерриге а адам дуьхьалдаьлла ду. Читать дальше...

Ростохара «Азимут» компанино керла авиарейс схьайиллина кху беттан 1-чу дийнахь Петарбухера Соьлж-ГIала. Цунах лаьцна оршотан дийнахь хаам бина «Пулково» аэропортан зорбанан сервисо, яздо Петарбухерчу abnews.ru зорбанан гIирсо. Петарбухана а, Соьлж-ГIалана а юкъахь SSJ100 (Суперджет 100) кема лелар ду хIора оршотан а, кхаарин а, пIераскан а, кIинан а деношкахь.

Петарбухерчу Петроградан кIоштан кхело шина шаранна товен гӀуллакхаш дан хьажийна бозбунчалла лелийна меттигера вахархо Козлов Константин, яздо 78.ru сайто. Нохчийчохь тIом бина волу ша, хIинца цамгарш ловш ву бохуш, шех къахетийта гIерташ истореш язйеш хилла цо «Лепрозориум.ру» сайта тIехь. РогIера бохаман историна кIеллахь шен банкан чоьтан номер а язйеш хилла Козловс, луучунна ахчаннанца шена гIо дайта. Цу кепара 5 стаг Iехо аьтто баьлла хӀилланчан. Дерриг цу кепара цо лахьйинарг ду 32 эзар 500 сом. Читать дальше...

Роскомнадзоро, низамо бохург кхочуш а дина, 15 де далале Федералан кхерамазаллин сервисе шифран догIанаш дIало аьлла декхар тIедиллар кхочуш далур долуш дац аьлла, жоп телла Telegram-ан куьйгалло. И жоп шен телеграм-каналехь зорбане даьккхина «Агора» дуьненаюкъарчу адвокатийн тобанан гIантдас Чиков Павела.   Telegram-ан векалша дийцарехь, цу меcсенджеран балхана юкъагIерта аьтто бац техникан бахьанашца. ДIабаханчу баттахь Роскомнадзоро 15 де деллера Telegram-на, низамо бохург кхочуш а дина... Читать дальше...

Британерчу Солсбери гIалахь Оьрсийчоьнан тIеман ницкъийн коьртачу штабан коьртачу талламан урхаллан полковник хиллачу Скрипаль Сергейна дIовш даларо гойту иза динарг химин говзанча хилар. Цунах лаьцна яздина The New York Times газето, эксперташна, тIе а тевжаш.   Талламхошна хетарехь, дIовш хьаькхна хила мега Скрипалан хIусаман неIаран тIома тIе. Скрипаль дIабаханчу баттахь дIакхачийнера дарбанан цIийне, Солсбери гIалахь махбаран центран уллехь цунна во хиллачул тIаьхьа. Цуьнца цхьаьна клинике охьайиллина ю цуьнан йоI Юлия а. Читать дальше...

Дукха а адамаш гуллучу меттигашкахь цIеяйархойн Iамораш дIахьош ду Нохчийчуохь. Коьртачу декъана тидаме эцнарш ю махбаран а, садаIаран центраш. Соьлж-ГIалахь Грозный-ситехь, хьалххе кхайкхийна а доцуш, кIур болург а кхоьссина, адам сихонца ара а даьккхина, Iамораш дIадаьхьна чолхечу хьолан министраллан Нохчийчуьрчу урхалло. ЦIеяйархой масех минотехь цига кхачар дика лаьрра куьйгалхоша. Нохчийчуьрчу ерриг а кIошташкахь Iамораш дIадахьа долийна Кемеровохь садаIаран центрехь цIе яьлла, 64 стаг а леш, бохам хиллачул тIаьхьа.

Соьлж-ГIаларчу Суворовн олучу доьшийлан куьйгалхо дIаваьккхина балхара. Болчу хаамца, ахчанца хьарамлонаш лелийна хилла цо. Оцу дарже хIоттийна циггехь болх беш волу кхин эпсар. ДIаваьккхинчунна хIун таIзар дина хууш дац. Соьлж-ГIалахь Суворовн доьшийла схьайиллира 2008 шарахь. Цигахь доьшуш ву 150 курсант. Кхаа шарахь дешначул тIаьхьа церан аьтто бо Оьрсийчуьрчу чоьхьарчу гIуллакхан министраллан лаккхарчу доьшийлашка баха.

Гуьржийчуьрчу Сванетехь Местиа-Чала боьду некъ къевлина меттигерчу масийтта эвларчу бахархоша, цу эвлан йистехь хица ток йоккху станци йилла гIертарна духьало еш. Цу акцин декъашхоша дIахьедарш до, "Местиа-Чала" станцино хIаллакйир ю туристин регионан экологи бохуш. Iедалша цу метте хьажийна чоьхьарчу гIуллакхийн министраллан леррина полицин тоба. Амма цкъачунна уьш ца хIуьтту ницкъах пайда эца. Зазадоккху-беттан 25-чу дийнахь ПIаьнгаз чIожера бахархой арабевллера митинге, Баркиани олучу нохчий... Читать дальше...

"Тяньгун" (Стигалан гIала-цIа) Китайн дуьххьарлера космосан станци яьгна хIаваэхь Тийначу хIорда тIехула. Цунах лаьцна хаам бина Китайн космосан агенталло. Вийна а лазийна а стаг вац. Хьалхо Китайн говзанчаша хааам бинера, 8 тонн йолу и станци орбитах яла езаш ю Зазадоккху-чу беттан 31 дийнахь дуьйна Охан-беттан 4-гIа де тIекхачале юкъана аьлла. Оьрсийчуьрчу зорбанан гIирсаша яздора цуьнан дакъош Дагестанан территори тIе охьаэга мега бохуш. Таханлерчу денна космосера чуеанчу объектех уггаре... Читать дальше...