Машенна герзаш диттинчул тIаьхьа ши стаг лазийна ГIалгIайчохь
Оханан-беттан 12-чу буса бевзаш боцчу наха герзаш диттина "Кавказ" олучу боккхачу некъа тIехь йоьдучу машенна. Шина стагана чевнаш йина. Полицино хоуьйтуш дац тIелатаран бахьанаш. Регионерчу чоьхьарчу гIуллакхийн министраллин урхаллехь дIахьедарца, инцидент нисйелла махкарчу Сунжан кIоштахь. Mercedes машенна диттина герзаш. Лазийнарг ши ваша ву, 25 шо долу Мохьмад а, 31 шо долу Адам а, билгалдоккху Mash Gor телеграм-канало. Цхьанна аьрру агIор белшах, коьртах, чоже кхетта герз, вукхуьнан когах кхетта, йаздо "Сапа Кавказ" канало. Читать дальше...