Տրետյակովյան պատկերասրահում հայազգի նկարչին նվիրված ցուցադրություն է բացվել

Մոսկվայի Տրետյակովյան պատկերասրահում անհատական ցուցահանդես է բացվել, որը նվիրված է ՀԽՍՀ և ԽՍՀՄ ժողովրդական նկարիչ, հայազգի քանդակագործ Նիկոլայ Նիկողոսյանի 100-ամյակին:

Ինչպես տեղեկացնում է Rusarminfo-ն, Տրետյակովյան պատկերասրահում ցուցադրվող գործերը Նիկողոսյանին ներկայացնում են ոչ միայն որպես քանդակագործի, այլև որպես գեղանկարչի, ինչը քիչ հայտնի է լայն հանրությանը:

Ցուցադրությանը, որը բաց կլինի մինչև ապրիլի 22-ը, ներկայացված է 137 ստեղծագործություն, որոնց թվում՝ 12 քանդակագործական աշխատանք Տրետյակովյան պատկերասրահի հավաքածուից, ինչպես նաև 64 գեղանկարչական կտավ, 8 գրաֆիկական աշխատանք և 49 քանդակագործական աշխատանք «Նիկո» պատկերասրահից: