Կոտայքի մարզի Արագյուղ գյուղում տան տանիք է այրվել
Մարտի 6-ին՝ ժամը 21:05-ին, Արտակարգ իրավիճակների նախարարությունում տեղեկություն է ստացվել, որ Կոտայքի մարզի Արագյուղ գյուղում այրվում է տան տանիք:
Դեպքի վայր է մեկնել մեկ մարտական հաշվարկ:
Պարզվել է, որ հրդեհը բռնկվել է Արագյուղ գյուղի 1-ին փողոցի 7-րդ նրբանցքի տներից մեկի տանիքում:
Հրդեհը մեկուսացվել է ժամը 21:33-ին, մարվել՝ 22:34-ին:
Այրվել են տան տանիքի ազբեստե ծածկը (մոտ 30 քմ), փայտե կառուցատարրերը և կենցաղային իրեր: