ՉԼ. «Լիվերպուլը» անակնկալ պարտություն է կրում (տեսանյութ)

Մեկնարկեց Չեմպիոնների լիգայի խաղարկության խմբային փուլի 4-րդ տուրը:

Օրվա առաջին խաղում «Լիվերպուլը», որն ընդգրկված է C խմբում, արտագնա հանդիպում անցկացրեց «Ցրվենա Զվեզդայի» հետ: 

Հանդիպումն անակնկալ ավարտ ունեցավ` ավարտվելով տանտերերի հաղթանակով` 2:0 հաշվով: Սերբական ակումբի կազմում դուբլի հեղինակ դարձավ Պավկովը` աչքի ընկնելով 22-րդ և 29-րդ րոպեներին:

Այս խաղից հետո «Լիվերպուլը» 6 միավորով կմնա առաջին տեղում: «Ցրվենա Զվեզդան» իր ակտիվում գրանցեց 4 միավոր և ՊՍԺ-ի հետ կիսում է 3-րդ 4-րդ տեղերը:

Հավելենք, որ խմբի մյուս խաղում «Նապոլին» տանը կընդունի ՊՍԺ-ին: