Տուսկը չի բացառում, որ Լեհաստանը կարող է դուրս գալ ԵՄ-ից

Եվրոպական խորհրդի նախագահ Դոնալդ Տուսկը չի բացառում, որ Լեհաստանը կարող է դուրս գալ Եվրամիության կազմից, հաղորդում է Gazeta.ru-ն՝ Express-ին հղումով:

Տուսկի խոսքով՝ Լեհաստանի՝ ԵՄ-ի կազմից դուրս գալուն կարող է նպաստել իշխող «Իրավունք և արդարություն» կուսակցության միջամտությունը երկրի դատական օրգանների գործունեությանը:

Եվրոպական խորհրդի նախագահն ընդգծել է, որ այդ կուսակցությունը կարող է նախաձեռնել գործընթացներ, որոնք կհանգեցնեն Եվրամիության կազմից երկրի դուրս գալուն: Նրա խոսքով՝ Լեհաստանի շուրջ իրավիճակը «շատ լուրջ» է: