ՀՀ ԱԳ նախարարը Խորվաթիայի խորհրդարանի փոխնախագահին ներկայացրել է Հարավային Կովկասում վերջին զարգացումները
Հունվարի 18-ին պաշտոնական այցով Զագրեբում գտնվող ՀՀ ԱԳ նախարար Արարատ Միրզոյանը հանդիպում է ունեցել Խորվաթիայի Հանրապետության խորհրդարանի փոխնախագահ Անտե Սանադերի հետ: ՀՀ ԱԳՆ-ից հայտնում են, որ հանդիպմանը մասնակցել են խորհրդարանի արտաքին հարաբերությունների կոմիտեի փոխնախագահը, ով նաև հայ-խորվաթական խորհրդարանական բարեկամության խմբի նախագահն է, ինչպես նաև եվրոպական հարցերով կոմիտեի նախագահն ու խորհրդարանի այլ անդամներ։ Հանդիպմանը երկուստեք ընդգծվել […]
The post ՀՀ ԱԳ նախարարը Խորվաթիայի խորհրդարանի փոխնախագահին ներկայացրել է Հարավային Կովկասում վերջին զարգացումները first appeared on MediaLab Newsroom-Laboratory.
Հունվարի 18-ին պաշտոնական այցով Զագրեբում գտնվող ՀՀ ԱԳ նախարար Արարատ Միրզոյանը հանդիպում է ունեցել Խորվաթիայի Հանրապետության խորհրդարանի փոխնախագահ Անտե Սանադերի հետ: ՀՀ ԱԳՆ-ից հայտնում են, որ հանդիպմանը մասնակցել են խորհրդարանի արտաքին հարաբերությունների կոմիտեի փոխնախագահը, ով նաև հայ-խորվաթական խորհրդարանական բարեկամության խմբի նախագահն է, ինչպես նաև եվրոպական հարցերով կոմիտեի նախագահն ու խորհրդարանի այլ անդամներ։
Հանդիպմանը երկուստեք ընդգծվել են հայ և խորվաթ ժողովուրդների միջև բարեկամական կապերը, մշակութային ու պատմական ընդհանրությունները, որոնք հիմք են ստեղծել երկու երկրների միջև սերտ հարաբերությունների կառուցման, քաղաքական երկխոսության ընդլայնմանն համար։
Զրուցակիցներն անդրադարձել են վերջին շրջանում Հայաստանի և Խորվաթիայի միջև ակտիվ շփումներին, այդ թվում՝ նախորդ տարի Խորվաթիայում Դուբրովնիկ ֆորումին ՀՀ ԱԳ նախարարի մասնակցությանն ու դրա շրջանակնեում կայացած քննարկումներին։ Ընդգծել են, որ այս տարին նշանավորվում է Հայաստանի և Խորվաթիայի միջև դիվանագիտական հարաբերությունների հաստատման 30-ամյա հոբելյանով՝ վստահություն հայտնելով, որ համատեղ ջանքերով հնարավոր կլինի առավելագույնս օգտագործել երկու երկրների միջև գործաընկերության ընդլայնման առկա ներուժը։
Երկուսեք կարևորվել է խորհրդարանական համագործակցությունը երկկողմ ձևաչափով, ինչպես նաև ակտիվ փոխգործակցությունը տարբեր բազմակողմ հարթակներում։
Զրուցակիցներն անդրադարձել են նաև Հայաստան-ԵՄ գործընկերության շրջանակներում առկա փոխգործակցությանը։ ՀՀ ԱԳ նախարար Արարատ Միրզոյանն ընդգծել է ՀՀ-ում ժողովրդավարական բարեփոխումների ուղղությամբ ՀՀ կառավարության կողմից իրականացվող քայլերը, այս և ուղղություններով ԵՄ հետ համագործակցության հեռանկարները՝ ի շահ ՀՀ քաղաքացիների բարեկեցության։
Արարատ Միրզոյանը ներկայացրել է Հարավային Կովկասում վերջին զարգացումներն ու ներկայիս իրավիճակը։
Նախարար Միրզոյանն ընդգծել է, որ տարածաշրջանում կայունության ու խաղաղության հաստատմանն ուղղված ՀՀ ջանքերն ու հանրահայտ սկզբունքների վրա հիմնված տեսլականը՝ նշելով, որ Ադրբեջանից ամենաբարձր մակարդակով հնչող ագրեսիվ հռետորաբանությունը չի վկայում փոխադարձ համարժեք հանձնառության մասին:
Անդրադառնալով Ադրբեջանի կողմից Լեռնային Ղարաբաղի էթնիկ զտմանը՝ նախարար Միրզոյանը շեշտել է, որ չնայած ՀՀ և միջազգային հանրության, այդ թվում՝ տարբեր խորհրդարանների հասցեական ուղերձներին, հնարավոր չեղավ կանխել ավելի քան 100 հազար հայերի բռնի տեղահանումը, ինչը ևս մեկ անգամ ընդգծեց ագրեսիվ քաղաքականության զսպման ուղղությամբ կոնկրետ գործողությունների կարևորությունը:
Որպես խաղաղության օրակարգի մաս և տարածաշրջանային կապուղիների ապաշրջափակման համապարփակ մոտեցում՝ ՀՀ ԱԳ նախարարն անդրադարձել է նաև ՀՀ կառավարության կողմից մշակված «Խաղաղության խաչմերուկ» ծրագիրին։
Տեղի է ունեցել մտքերի փոխանակում, նախարար Միրզոյանը պատասխանել է խորհրդարանականներին հետաքրքրող այլ հարցերին։
The post ՀՀ ԱԳ նախարարը Խորվաթիայի խորհրդարանի փոխնախագահին ներկայացրել է Հարավային Կովկասում վերջին զարգացումները first appeared on MediaLab Newsroom-Laboratory.