უკრაინის პრეზიდენტის ადმინისტრაციის ხელმძღვანელი ანდრეი ერმაკი საქართველოში მომხდარ ტრაგედიასთან ეხმაურება. მან Twitter-ზე ქართულ ენაზე გამოქვეყნებულ პოსტში შოვში სტიქიის შედეგად გარდაცვლილთა ოჯახებს სამძიმარი გამოუცადა. „გულწრფელ სამძიმარს ვუცხადებ ქართულ საზოგადოებას და ქართველ ხალხს თავს დატრიალებულ სტიქიასთან დაკავშირებით. მწუხარებას გამოვთქვამთ გარდაცვლილის ნათესავებთან და მეგობრებთან ერთად და სწრაფ გამოჯანმრთელებას ვუსურვებთ ყველა დაზარალებულს სოფელ შოვში მეწყერის შედეგად“, – წერს ერმაკი.
სოციალური ქსელის მომხარებელი ანა გახოკიძე სოციალურ ქსელში ფოტოს აქვეყნებს, წარწერით: “რიგითი დევაძეების თავდადებაზე დგას ჩვენი ხალხის ბედი, გადარჩენა ყველას”
საფრანგეთის საელჩო საქართველოში ღრმა მწუხარებას გამოთქვამს შოვში დამანგრეველი მეწყრის ჩამოწოლისას გარდაცვლილთა ახლობლების მიმართ. „ვფიქრობთ სტიქიის ზონაში დაკარგულ თუ ჩარჩენილ ყველა ადამიანზე და ვიმედოვნებთ, რომ ისინი უვნებლად დაუბრუნდებიან ოჯახებს. მხარდაჭერას ვუცხადებთ სამაშველო ოპერაციებში ჩართულ ყველა პროფესიონალსა და კერძო პირს“, – აღნიშნულია საელჩოს განცხადებაში.
მარიტა გუტაშვილი შოვში ჩამოწოლილ მეწყერს გადაურჩა, მაგრამ ის ამ დრომდე ვერ უკავშირდება ოჯახის წევრებს. მეწყრის შემდეგ დაკარგულები არიან მარიტას ძმა, და, დეიდა, ორი დეიდაშვილი, ბიძაშვილი სამი შვილით. აღსანიშნავია, რომ შოვში არსებულ პრობლემაზე მარიტა ჯერ კიდევ 2020 წელს წერდა. უცვლელად გთავაზობთ მის პოსტს, რომელიც 2020 წელს აქვს სოციალურ ქსელში გამოქვეყნებული: “ვისაც გიყვართ რაჭა, გული შეგტკივათ შოვზე, მინდა ...