გრძელდება „ნაციონალური მოძრაობის“ აქციები რეგიონებში
„ყოვედღიურად უფრო და უფრო მძლავრი იქნება პროტესტის მუხტი. პროტესტის მუხტი იმისთვის, რომ ამ ქვეყანაში საბოლოოდ დაისადგუროს სიმართლემ, ადამიანებისთვის სიკვდილით დასჯის გადაწყვეტილება არ გამოჰქონდეს არაფორმალურ ადამიანს, რომელსაც უზურპირებული აქვს მთლიანად სახელმწიფო... პროტესტი იქნება მწვავე, პროტესტი იქნება მუდმივი, სანამ არ გადარჩება ქვეყნის მესამე პრეზიდენტი“ განაცხადა მარტვილში გამართულ აქციაზე ენმ-ის წევრმა გიორგი ბოტკოველმა.
მიხეილ სააკაშვილის მხარდასაჭერი აქცია გამართეს ქობულეთის მუნიციპალიტეტის მერიასთანაც. ნაციონალური მოძრაობის ქობულეთის ორგანიზაციის თავჯდომარემ, ბონდო თედორაძემ აქციაზე თქვა, რომ საქართველოს ყველა მუნიციპალტეტსა და სოფელში უნდა ისმოდეს მიხეილ სააკაშვილის სიცოცხლის უზრუნველყოფის ხმა: "ნაციონალუტი მოძრაობა გადასულია მუშაობის საგანგებო რეჟიმში. ეს აქციები იქნება პერმანენტული, ხვალ ვიკრიბებით შეკვეთილში. შემდეგ კი ეს მუხტი წამოვა დედაქალაქში. არაფერს განსაკუთრებულს არ ვითხოვთ, არ არის საუბარი ხელისუფლების შეცვლაზე, აქ საუბარია მიხეილ სააკაშვილის გადარჩენაზე. მილიონი მხარდამჭერი ყავს ამ მოთხოვნას" თქვა თედორაძემ.
აქციის მონაწილეებს მიმართა ნაციონალური მოძრაობის აჭარის ორგანიზაციის წევრებმა. დემონტსრანტები სკანდირებენ "მიშა! მიშა!".
მარტვილისა და ქობულეთის გარდა, მკურნალობის მიზნით, საქართველოს ყოფილი პრეზიდენტის მიხეილ სააკაშვილის გათავისუფლების მოთხოვნით "ნაცილონალური მოძრაობის" აქციები 10 თებერვალს გაიმართა სამტრედიაში, საგარეჯოსა და ასპინძაშიც.
9 თებერვალს მსგავსი შინაარსის აქციები გაიმართა ხელვაჩაურში, სიღნაღში, მარნეულში, ზესტაფონსა და ბორჯომში.
"ნაციონალური მოძრაობის" თავმჯდომარის გეგმით, თბილისში, საქართველოს სხვა ქალაქებსა და მუნიციპალიტეტებში საპროტესტო აქციები დაიწყება, მათ შორის მანიფესტაციის გამართვა იგეგმება შეკვეთილში, საქართველოს ყოფილი პრემიერ-მინიტრის, ბიზნესმენ ბიძინა ივანიშვილის სახლთან.
ლევან ხაბეიშვილის განცხადებით, „პრეზიდენტ სააკაშვილის მკვლელობაზე ხელმოწერა ნიშნავს ევროპული პერსპექტივის დასამარებას". მისი აზრით, სააკაშვილის საქმეზე მიღებული გადაწყვეტილებით, „ივანიშვილმა ყველას გამოუტანა სასიკვდილო განაჩენი".