იტალიური მედია: მეტოქეებმა არ იციან, როგორ შეაჩერონ, იგი დაფრინავს
სერია A-ში საქართველოს ნაკრებისა და იტალიური „ნაპოლის“ ფეხბურთელის ხვიჩა კვარაცხელიას მორიგ ბენეფისს იტალიური მედია ეხმაურება.
Eurosport: უბრალოდ შეუჩერებელი. დრიბლინგის, სპრინტის და ფინიშის კომბინაცია, რაც სერია A-ში იშვიათად გვინახავს. პირველი გოლი ნამდვილი მარგალიტია.
Corriere Dello Sport: ალბერტო ტომბა მას გოლის სლალომზე უფლებებს მოსთხოვს. „კვარა“ ყველაფერს ისე ამარტივებს, რომ შიშს იწვევს. მისი დრიბლინგი ჩვეულებრივი ადამიანის არ იყო. „სასუოლო“ ცდილობდა მის შეჩერებას, მაგრამ ის ყველას და ყველაფერს დრიბლინგს უკეთებს.
Tuttonapoli: კიდევ ერთი თამაში და გოლი ფენომენის დონეზე. გოლი დრიბლინგით, რომელიც მოედნის ცენტრიდან დაიწყო და ფანტასტიკური პასი, რომელიც ოსიმენმა გაუფუჭა.
Calciomercato: მე-12 წუთზე ფენომენალური თამაშით 0:0-ის ბალანსი დაარღვია. ცენტრში ლოპესს გასცდა, შემდეგ ლაურენტეს, ბოლოს საჯარიმოს მისადგომებიდან ერლიკს ბურთი ფეხებშორის გაუძვრინა და კუთხეში გაიტანა. KK77 არ თამაშობს, იგი დაფრინავს.
Sportmediaset: აი, ორნიშნა მაჩვენებელზე ავიდა და მე-10 გოლი გაიტანა. გოლი, რომლის გატანა ადვილი არ არის, ადვილად გაიტანა, დაიწყო ცენტრიდან და ბურთი კუთხეში მოათავსა.
Calcionapoli24: კი, მაგრამ რა გოლი გაიტანა? შეგვეძლო აქ დაგვესრულებინა, მაგრამ შემდეგ ბევრი სხვა რაღაც იყო: მოპოვებული ბურთები, დრიბლინგები, მოგებული დუელები, პასი, რომელიც ოსიმენმა ვერ შეირგო.
Calcionapoli1926: გოლი, რომელიც შედევრია, ერთ-ერთი საუკეთესო სერია A-ს მიმდინარე სეზონში. მეტოქეებმა არ იციან, როგორ შეაჩერონ. ვიქტორთან ერთად ქმნის ტანდემს, რომლისაც ნახევარ ევროპას შურს.
ცნობისთვის, მიმდინარე სეზონში სერია A-ში კვარაცხელიას ანგარიშზე 10 გოლი და 9 საგოლე გადაცემაა.