გაეროს უშიშროების საბჭომ უკრაინაში სამშვიდობო წინადადება მოისმინა, მაგრამ შეთანხმების მიღწევის „ილუზია არ ჰქონიათ“
რუსეთსა და უკრაინას შორის დაძაბულობა ყურადღების ცენტრში მოექცა შეხვედრის დროს, როდესაც ორი ქვეყნის წარმომადგენლები ერთმანეთს დაუპირისპირდნენ დაღუპულთა ხსოვნისადმი წუთიერი დუმილის გამო. უკრაინის საგარეო საქმეთა მინისტრმა დმიტრო კულებამ განაცხადა, რომ წლისთავი არის შესაძლებლობა ვიგლოვოთ რუსეთის მიერ განადგურებული [ადამიანების] სიცოცხლე და ბედი. როდესაც მან დარბაზში მყოფ ყველა პირს სთხოვა, წუთიერი დუმილით პატივი მიეგოთ დაღუპულთა ხსოვნისთვის, ყველა ფეხზე წამოდგა.
შემდეგ რუსეთის ელჩმა გაეროში, ვასილი ნებენზიამ თქვა: „ჩვენ ფეხზე ვდგავართ, რათა პატივი მივაგოთ ყველა მსხვერპლს იმისა, რაც მოხდა უკრაინაში 2014 წლიდან - ყველას, ვინც დაიღუპა“. ნებენზიამ გაიხსენა რუსეთის პრეტენზია, რომ უკრაინასთან კონფლიქტი 2014 წელს დაიწყო მას შემდეგ, რაც მოსკოვის მეგობარი უკრაინის პრეზიდენტი მასობრივი პროტესტის შედეგად თანამდებობიდან გადააყენეს. ამის საპასუხოდ, რუსეთმა შეიერთა ყირიმის ნახევარკუნძული და მხარი დაუჭირა ამბოხებულებს აღმოსავლეთ უკრაინაში.
გერმანიის საგარეო საქმეთა მინისტრმა ანალენა ბერბოკმა შეაჯამა ვითარება და თქვა, რომ მას "არ აქვს ილუზია", რომ რუსეთის წარმომადგენლის დარწმუნება შეიძლებოდა.