რუსეთში პოლიციის თანხლებით მიაგებენ პატივს ბორის ნემცოვის ხსოვნას
ნემცოვის ხსოვნისთვის პატივის მისაგები აქციები გაიმართა მოსკოვში, ყაზანში, ნოვოსიბირსკში, ეკატერინბურგში, პერმსა და ბარნაულში.
ნემცოვი - ყოფილი ვიცეპრემიერი, რომელსაც ერთ დროს პრეზიდენტ ბორის ელცინის პოტენციურ შემცვლელად განიხილავდნენ - რუსეთის პრეზიდენტის, ვლადიმირ პუტინის, მწვავე კრიტიკოსი იყო. მოსკოვში მოქალაქეებმა ყვავილები მიიტანეს კრემლთან მდებარე ხიდზე, რომელზეც ნემცოვი 2015 წლის 17 თებერვალს ცეცხლსასროლი იარაღით მოკლეს.
პოლიცია აქციებზე მოქალაქეების ნაწილს აჩერებდა, თუმცა არავინ დაუპატიმრებიათ.
2017 წელს სასამართლომ ჩეჩენთა ბატალიონის, "სევერის", მეთაურის ყოფილ მოადგილეს, ზაურ დადაევს, 20 წლით მიუსაჯა პატიმრობა ნემცოვის მკვლელობისთვის. კიდევ ოთხ ჩეჩენს 11-დან 19 წლამდე ვადით მიესაჯა პატიმრობა მას შემდეგ, რაც სასამართლომ ისინი მიიჩნია მკვლელობასთან კავშირის მქონედ. თუმცა რუსეთის ხელისუფლებას მკვლელობის შემკვეთის ვინაობა არ დაუდგენია.