Новости за 06.06.2018

Украина Орусияга абактагы жарандарын алмашууну сунуш кылды. Киевдин расмий өкүлүнүн билдиргенине караганда, алар Украинанын камагындагы орусиялыктарды Орусиянын абактарында саясий себептен улам отурган украиналыктарга алмашууга даяр турат. Украина Орусиянын абагындагы саясий туткун деп санагандардын бири, режиссер Олег Сенцов Ыраакы Түндүктөгү түрмөлөрдүн биринде бүгүн 25 күндөн бери ачкачылык кармоодо. Адвокаты анын саламаттыгынын абалы опурталдуу чекке жакындаганын айтып жатат.

Лондондун борборундагы мейманкана орун алган имаратта чоң өрт чыкты. Азырынча жабыркагандар тууралуу маалымат жок жана өрт эмнеден чыкканы да белгисиз. Бул тууралуу Би-би-си жазды. Найтсбридж районунда жайгашкан Уильям-стрит көчөсүндөгү өрт чыккан имаратка 20 өрт өчүрүүчү машина келди. Окуя болгон жерде "Тез жардам" кызматынын унаалары да турат. Лондондун өрт өчүрүү кызматынын өкүлү имараттан коюу түтүн чыгып жатканын айтты. Өрт өчүрүүчүлөргө кабар жергиликтүү убакыт боюнча 16:00дө түшкөн. Мейманканага жакын жердеги көчө... Читать дальше...

Баткендин Лейлек районунун Максат айылындагы кыргыз-тажик чек ара тилкесинде эки өлкөнүн чек арачыларынын ортосунда чатак чыгып, тынчыды. Окуя боюнча эки өлкөнүн чек ара кызматтары бири-бирин айыптаган эки ача билдирүү таратты. Ушу тапта чек ара кызматтарынын башчылары жолугуп, чатактын себептерин иликтеп жатышат. Бул окуя чек ара аймагында жашаган жергиликтүү тургундардын абалы, Тажикстан менен Кыргызстандын ортосундагы өкмөт аралык комиссиянын иши кандай нукта баратканы, деги эле кошуна мамлекеттер... Читать дальше...

"Ата Мекен" фракциясы Борбордук Америкадагы Белиз өлкөсүнөн “Белизгейт” жаңжалы боюнча Кыргызстандын суроосуна жооп 2017-жылдын 23-октябрында эле келгенин Тышкы иштер министрлигине таянуу менен билдирди.

Европа комиссиясы америкалык товарларга суммасы 2,8 млрд. доллар болгон бажы төлөмүн жооп катары киргизүүнү колдоду. Жаңы тарифтер июлдан тартып иштей баштайт. Еврокомиссия тараткан маалыматта бул чаралар Дүйнөлүк соода уюмунун эрежелерине толук ылайык келери белгиленген. Жаңы бажы тарифи америкалык айыл чарба жана темир-тезек, косметика, кийим, мотоцикл, кайык, ошондой эле жер жаңгак майы, апельсин ширеси, виски, тамеки сыяктуу өндүрүмдөргө киргизилет.   АКШнын президенти Дональд Трамптын администрациясы... Читать дальше...

Борбордук Америкадагы Белиз өлкөсүнөн “Белизгейт” жаңжалы боюнча Кыргызстандын суроосуна жооп 2017-жылдын 23-октябрында эле келген. Бул тууралуу парламенттеги "Ата Мекен" фракциясынын лидери, депутат Алмамбет Шыкмаматов "Азаттыкка" билдирди. Анын айтымында, фракция Белизге жиберилген өтүнүчкө жооп алуу боюнча  Башкы прокуратура менен Тышкы иштер министрлигине кайрылган.  ТИМ буга расмий түрдө жооп кайтарып, Белизден жооп былтыр күздө эле келгенин, аны мекеме Башкы прокуратурага бергенин маалымдаган. Читать дальше...

Чехиянын президенти Милош Земан ANO партиясынын лидери, милилардер Андрей Бабишти экинчи жолу премьер-министрликке дайындады. Буга байланыштуу салтанат Пражский граддагы президенттик резиденцияда өттү. Бабиш өкмөттү 17-июнга чейин түзүшү керек. Ушул күнү Чехиянын социал-демократтардын ANO менен келишим түзүү же түзбөө боюнча ички партиялык референдуму аяктайт. Социал-демократтар жаңы өкмөттөгү 15 орундун бешөөнү, анын ичинде тышкы иштер министрин алууга ниеттенип турат. Бабиш коалиция түзө алса... Читать дальше...

Бишкекте жогорку окуу жайлардын эки миңге жакын студенти кыз ала качууга каршы акцияга чыкты. Алар колуна "Биз кыз ала качууга каршыбыз", "Ала качуу салт эмес, кылмыш" деген жазууларды кармап чыгышкан. Акция концерттик шоу-программа менен коштолду. Бирок бул иш-чара көпчүлүктүн сынына кабылды.

Мурдагы премьер-министр Сапар Исаков жана Бишкек шаарынын экс-мэри Кубанычбек Кулматов камакка алынды. Учурдагы парламент депутаты, мурдагы энергетика министри Осмонбек Артыкбаевге кылмыш иши козголуп, убактылуу кармалды. Мурдагы президент Алмазбек Атамбаевдин эң жакын үзөңгүлөшүн камакка алуунун артында эмне турат? Бул суроолорго “Эксперттер талдайт” берүүсүндө жооп издейбиз. Талкууга УКМКнын мурдагы төрагасы Кеңешбек Дүйшөбаев, Жогорку Кеңештин депутаты Мурадыл Мадаминов, журналист-аналитик Арслан... Читать дальше...

Өзбекстанда мурдагы башкы прокурор менен кошо 24 аткаминер жоопко тартылды.

Перунун баш калаасы Лимадагы кымбатчылыкка каршы нааразылык акциясы жапырт башаламандык менен аяктады. 5-июндун кечинде миңдеген адамдар көчөгө чыгып, өкмөттүн жана Конгресс мүчөлөрүнүн кызматтан кетишип талап кылышты. Алар ошондой эле жалпы иш таштоого чакырышты. Тынч демонстрация аягында кагылышуулар менен аяктады. Полиция менен демонстранттар бири-бирине көздөн жаш чыгарчу газ чачышып, акцияга чыккандар көчөлөрдөгү машинелерди өрттөштү. Май айынын башында Перуда кара майга, автоууналарга жана айрым азык-түлүктөргө карата салык көбөйүп... Читать дальше...

4-июнь кечке жуук Лейлек районунун Максат айылынын тургундары өндүргөн жашылча, жер-жемиштерин чек аранын дал өзүндө сатмай болуп, жайма базар уюштурган. Кошуна чек арачылар бул аракет мыйзамсыз деп сатуучу аялдарды кууп чыкканда эки тараптын чек арачылары тирешип, Тажикстандын үч чек арачысы кармалып, кечке жуук кайра кое берилди.

Ирандын уран байытуу кубатын кеңейтүү пландарынын жаңжал жараткыдай потенциалы бар. Мындай эскертүүнү француз президенти Эммануэл Макрон жасады. Италиянын жаңы премьер-министри Орусия менен алакаларды бекемдөөгө артыкчылык берерин билдирди. Тажикстандын эмгек мигранттары Футбол боюнча дүйнө чемпионаты өтчү шаарларга баруудан оолактап турушат.

Жогорку Кеңеш 6-июнда Жогорку соттун төрайымы Айнаш Токбаеванын былтыр сот тармагында болгон иштер тууралуу маалыматын укту.

Жогорку Кеңеш 6-июнда Жогорку соттун төрайымы Айнаш Токбаеванын былтыр сот тармагында болгон иштер тууралуу маалыматын укту.

Базар-Коргон районунун 34 жаштагы тургуну, үч кыздын атасы Айбек Акматов жубайынан кыздарына алимент өндүрүү үчүн сотко кайрылды.

Орусиянын Тышкы иштер министрлиги "Эстониянын Орусиядан чочулаган кайсы бир саясий ишмерлерине" өлкөгө кирүүгө тыюу салды. Тышкы саясат мекемеси бул чечимди Балтика боюндагы өлкөнүн достукка жатпаган мамилесине карата жооп катары түшүндүрдү. Мартта Эстония жергиликтүү "Магнитский" тизмесине кирген 49 орусиялык жарандын өлкөгө киришине тыюу салган. Эстониянын тышкы иштер министри Свен Миксер анда бул чечим "Орусия эл аралык укукту улам көбүрөөк бузуп жатканын" көрсөтүү аракети экенин билдирген.... Читать дальше...

Экс-президент Алмазбек Атамбаев башында турган Кыргызстан социал-демократиялык партиясы (КСДП) мурдагы премьер-министр Сапар Исаковдун, мурдагы мэр Кубанычбек Кулматовдун жана Жогорку Кеңештин депутаты Осмонбек Артыкбаевдин камакка алынышына байланыштуу билдирүү таратты. Анда экс-президент бул аракеттерди “коррупция менен күрөш эмес, өч алуу” деп атады. Кийинки убакта камакка алынгандар боюнча коомчулукта да пикир бир кылка эмес.

Өмүрбек Текебаев Бишкек шаардык сотунун жетекчисинин орун басары Адис Момуналиевдин айыбы аныкталса ага карата кылмыш иши козголушу керек деп эсептейт. 5-июнда ал Башкы прокуратурага кайрылып, Момуналиевдин иш-аракеттери боюнча текшерүү жүргүзүүнү өтүндү. Текебаев Момуналиев “Нур Телеком” (“О!” мобилдик компаниясы) ишканасынан келген жоопту билип туруп иштин материалдарына тиркебей койгонун, ошонун кесепетинен анын күнөөсү жоктугун тастыктоочу далил эске алынбай калганын айтууда. "Ата Мекен"... Читать дальше...

Кыргызстандын жана Кытайдын элчиликтери үчүн жер тилкесин бөлүп берүү боюнча эки тараптуу келишимге кол коюлган жок. Бул тууралуу "Азаттыктын" Кытайда жүргөн кабарчысы маалымдады. Буга чейин Кыргызстандын жана Кытайдын лидерлери Сооронбай Жээнбеков менен Си Цзинпин эки өлкөнүн кызматташтыгын бекемдөөгө багытталган биргелешкен 10 документке кол коёру айтылган. Анын ичинде эки өлкөнүн элчиликтери үчүн жер тилкелерин бөлүп берүү боюнча да келишим бар болчу. Бирок бүгүн маалым болгондой белгисиз себептерден улам ал келишимге кол коюлган жок. Читать дальше...

Бишкектеги Эне-баланы коргоонун улуттук борборунда 24-майда 26 жаштагы Ысык-Көлдөн келген Нурлан аттуу жигитке бөйрөк трансплантациясы жасалды. Ага алгач ирет чет элдик адистер тартылган жок. Дарыгерлердин айтымында, чейин 2012-жылдан бери чет элден келген адистердин жетеги алдында 18 кишинин бөйрөгү алмаштырылган.

Бишкектеги Эне-баланы коргоонун улуттук борборунда 24-майда 26 жаштагы Ысык-Көлдөн келген Нурлан аттуу жигитке бөйрөк трансплантациясы жасалды. Ага алгач ирет чет элдик адистер тартылган жок. Дарыгерлердин айтымында, чейин 2012-жылдан бери чет элден келген адистердин жетеги алдында 18 кишинин бөйрөгү көчүрүлгөн.

Жогорку Кеңештин КСДП фракциясынын депутаты Абдывахап Нурбаев Түркиянын Кыргызстандагы элчисинин билдирүүсүн ички иштерге кийлигишүү катары баалады. Буга байланыштуу ал кыргыз дипломаттары тез арада жооп бериши керек деп эсептейт: - Түрк элчиси Балыкчыда ачыла турган мектеп боюнча “ал ачылса болбойт, кыргыз-түрк мамилелерине зыяны тийип калат” деп өтө одоно билдирүү жасаптыр. Бул дипломатиянын эрежелерине да, элчинин статусуна да туура келбейт жана ички иштерге кийлигишүү болуп эсептелет. Куруучулар жергиликтүү болсо... Читать дальше...

Ирандын уран байытуу кубатын кеңейтүү пландарынын жаңжал жараткыдай потенциалы бар деген эскертүүнү Парижден француз президенти Эммануэл Макрон жасады. Тегеран уран байытуу кубатын кеңейтүү жараянына киришкени тууралуу МАГАТЭ уюмун расмий кабардар кылганын кечээ (5-июнда) билдирген.

“Эркин Европа/Азаттык” радиосу Азербайжандын Жогорку сотунун 4-июнда “Азаттыктын” азери кызматынын веб-сайтын жабуу тууралуу өкмөттүн чечимин колдогонуна өкүнүчүн билдирди. Радиостанция муну сөз эркиндигине кысым катары баалайт жана чечимди өзгөртүш үчүн мүмкүн болгон бардык аракеттерди уланта бермекчи. “2014-жылы Азербайжан бийлиги мыйзамдык эрежелерди жана укуктук негиздерди эске албастан, биздин Бакудагы бюробузду жапкан. Ошондо биз жана башка бардык эле эркин жалпыга маалымдоо каражаттары... Читать дальше...