Өкмөттүн парламенттеги өкүлү катары Алмасбек Абытов ишин баштады. Бул тууралуу 4-сентябрдагы парламент жыйынында Жогорку Кеңештин төрагасы Дастанбек Жумабеков билдирди. Өкмөттүн парламенттеги буга чейинки өкүлү Ашырбек Темиралиев быйыл июль айында каза болгон. 53 жаштагы Алмасбек Абытов буга чейин өкмөттүн парламенттеги өкүлчүлүгүндө эксперт болуп иштеп келген. Ал 2010-2011-жылдары Социалдык өнүктүрүү министри болуп эмгектенген болчу.(BkA)
2018-жылкы дүйнө чемпионаты алдында эки команда беттешкен. Анда кыргызстандыктар мыктылыгын көрсөткөн.
“Азаттыктын” “Эки бир" маегинин кезектеги коногу Жогорку Кеңештин Социал-демократтар фракциясынан депутат Абдывахап Нурбаев болду. Ал өлкөдөгү кырдаал, инвестиция тартуудагы маселелер жана билим берүүдөгү көйгөйлөр жөнүндө пикирлери менен бөлүштү.
Иран Ислам Республикасында хижрий жылнамасы менен жылдын 13 шахривар күнү (4-сентябрь) дүйнөлүк атак-даңкка ээ болгон даанышман Абурейхан Бирунини эскерүү күнү.
Нарын районунун Кеңеш айылындагы 150дөн ашык окуучу кадимки контейнерлерде окуп баштады. Мобилдик үй деп саналган мындай туракта алар канчага чейин билим алат, азырынча эч кимге беймаалым.
Камактагы мурдагы президент Алмазбек Атамбаевдин жактоочусу Замир Жоошевдин айтымында, 4-сентябрда саат 11:00дө Атамбаевдин кармалышынын мыйзамдуулугу боюнча адвокаттардын апелляциялык арызын Бишкек шаардык соту карайт. Ошондой эле Атамбаевдин бөгөт чарасын 26-октябрга чейин узарткан Биринчи май райондук сотунун чечимине каршы жазган адвокаттардын арызы дагы шаардык сотто 11:30га белгиленди. Бирок, жактоочунун айтымында сот отурумдары Атамбаев кармалып турган Улуттук коопсуздук боюнча мамлекеттик комитеттин имаратында болушу мүмкүн. Читать дальше...
Кыргызстандын футбол боюнча курама командасы үчүн 2022-жылы Катарда өтө турган дүйнө чемпионатына тандоо оюндарынын 2-баскычы 5-сентябрда башталат. Алгачкы оюн катары ак шумкарлар Дүйшөмбү шаарында Тажикстандын курама командасы менен беттешет. Бул оюнга даярданыш үчүн башкы машыктыруучу Александр Крестинин курама командага 23 оюнчуну чакырган. Команданын даярдыгы 1-сентябрда башталып, алгачкы машыгуусу Кант шаарында өттү. 5-сентябрда боло турган оюнга Тажикстандын курама командасы да кызуу даярдык көрүүдө. Читать дальше...
Өкмөттүн Нарын облусундагы ыйгарым укуктуу өкүлчүлүгүнүн кабарлашынча, 2-сентябрь күнү Нарын районунун акими Семетей Черикбаев баш болгон жергиликтүү бийлик өкүлдөрү, Кеңеш айылындагы авариялык абалдагы Казаалы Абиров атындагы орто мектепке, элге түшүндүрүү иштерин жүргүзүү максатында барышкан. Маалыматка ылайык, 1973-жылдары курулган мектепке 2015-жылы 17-июнда Өзгөчө кырдаалдар министрлиги тарабынан авариялык абалда деген корутунду чыгарылган. Бирок, айылда башка мектеп жок болгондуктан балдар... Читать дальше...
Жаңы 1441-хижри камари (ай календары) жылы кирип келип, жылдын биринчи “Мухаррам” айы башталды.
Жогорку Кеңештин мурдагы төрагасы Чыныбай Турсунбеков “Ата Мекен” партиясынын үй камагына чыккан лидери Өмүрбек Текебаевдин айткан сөзүнө жооп кайтарды. Турсунбеков “Азаттыкка” комменттарий берип жатып, абактан чыккан саясатчынын абалын түшүнүү менен кабыл аларын белгиледи. Анын айтымында, Текебаев камакка алынган соң анын таламын талашам деп Социал-демократиялык партиясынын жетекчилери менен мамилеси бузулган. - Азыркыдай кырдаалда адамдардын көңүлү назик болот. Аны түшүнүү менен кабыл алам. Бирок... Читать дальше...
АКШ Ирандын космостук изилдөөлөрдү жүргүзгөн үч уюмуна каршы шейшембиде санкция киргизди. Бул тууралуу АКШнын каржы министрлиги кабарлады. Ирандын космостук агенттиги, Космостук изилдөө борбору жана Аэронавтика тармагындагы изилдөө институту жөнүндө кеп болуп жатат. АКШнын мамлекеттик катчысы Майк Помпео бул санкциялар боюнча комментарий берип жатып, ирандык космос агенттиктери баллистикалык ракетаны өнүктүрүү программасына түздөн-түз тиешеси бар экенин жарыялады. Космостук программаларга жамынып... Читать дальше...
Премьер-министри Мухаммедкалый Абылгазиев ички иштер министри Кашкар Жунушалиевге, Бишкектеги эки жарандын катуу ур-токмокко алынган фактысын тыкыр иликтөө боюнча чара көрүүнү тапшырды. Бул тууралуу өкмөттүн басма сөз кызматы маалымдады. Ошондой эле өкмөт башчы Саламаттык сактоо министрлигине жабыркагандарга жетиштүү медициналык жардам көрсөтүүнү, зарыл дары-дармектер менен камсыздоону буюрду. - Окуя болгон жерге келип, кайдыгерлигин көрсөткөн милиция кызматкерине карата тийиштүү чаралар көрүлүшү керек. Читать дальше...