Новости за 11.09.2019

10-сентябрда Каракол шаарында болгон шамалдын кесепетинен бир нече турак жайдын чатырлары талкаланды.

Орусиянын карамагындагы Якутия (Саха) Республикасында сот жергиликтүү аялды зордуктады деп шек саналган үч кыргызстандык жаранга өкүм чыгарды. Ага ылайык, үчөөнө үч башка жаза чегерилип, алар 14, алты жана төрт жылга эркинен ажыратылды. Үчөөнө «Адам уурдоо», «Опузалап зордуктоо», «Талап-тоноо» беренелери боюнча айып коюлган. Сот өкүмү күчүнө кире элек. Якутияда быйыл жазында болгон бул окуя чоң резонанс жараткан. Анын айынан жүздөгөн жергиликтүү тургундар мигранттарга каршы жапырт нааразылык акцияларына чыгышкан. Читать дальше...

Биринчи вице-премьер-министр Кубатбек Боронов Кумтөр боюнча Эл аралык арбитражда кыргыз тараптын утулуу коркунучунан улам өкмөт «Центерра» менен стратегиялык макулдашууга барууга аргасыз болгонун моюнга алды.

Жалал-Абад шаарындагы «Дина» аттуу эс алуу жайындагы топтошкон балдардын мушташын милиция иликтеп жатат. Облустук ички иштер башкармалыгынын басма сөз кызматы «Азаттыкка» билдиргендей, топтошкон балдар орундук талашып чырдаша кетишкен. Окуя 10-сентябрдын кечинде болгон. Мушташка катышкан 8 баланын баарынын кимдер экени такталды. Факт Кылмыштар менен жоруктардын бирдиктүү реестрине «Ээнбаштык» беренеси менен катталып, шаардык милиция тергөө иштерин баштады. Окуядан улам 26 жаштагы Базар-Коргон районунун тургуну мээсинен жаракат алып... Читать дальше...

Жазуучу жана акын Өктөм Мамаева - Улуттук коопсуздук кызматынын Кой-Таш окуясында ок жеп каза болгон кызматкери Үсөн Ниязбековдун энеси. Өктөм Мамаева уулу Үсөн, анын өмүрүн алган кандуу окуянын сабактары, мамлекет жана анын башында турган саясатчылардын баркы менен жоопкерчилиги тууралуу “Азаттык” менен ой бөлүштү.

Иранда футбол күйөрманы Сахар Ходайари стадиондорго кыз-келиндер келишине салынган тыюуга каршы өзүн өрттөп, алган жаракаты оор болгондуктан бир аптадан кийин ооруканада ажал тапты. Ходайари быйыл март айында өзүнө жаккан футбол командасынын беттешин көрүш үчүн стадионго келгенде камакка алынган. Кийинчерээк күрөөгө бошотулуп, ишинин сотто каралышын жарым жылдан бери күтүп жаткан. Сот аны эки жылга чейин эркинен ажыратышы мүмкүн экенин уккандан кийин жандан кечип, өзүн өрттөп жиберген.  Иранда... Читать дальше...

Чиедей алты баланын энеси Динара Турдубаева бели ката элек эки кызын, оорукчан күйөөсүн ээрчитип алып, талаада жалданып иштеп, тиричиликке акча табат. Ал мындай оор жумушка иштебеске аргасы жок. Чиедей алты баласы бар. Ал балдарынын өзүндөй жону катуу жокчулукка кабылбай, билимдүү, бардар жашаса деп кыялданат.

9-сентябрда, Бишкектин Чыңгыз Айтматов проспектисинде төрт адамдын өмүрүн алган автокырсыкта оор жаракат алган 19 жаштагы кыздын абалы дагы эле оор. Бул тууралуу Бишкектеги Травматология жана ортопедия илимий изилдөө борборунун башкы дарыгери Алмаз Кубатбеков билдирди.  - Абалы оор. Учурда комада жатат. Жасалма дем алдыруучу аппарат менен дем алдырып жатабыз. Анын көк боору айрылып кеткен, - деди Кубатбеков​.  9-сентябрда «Шкода Октавия» жеңил машинесинин айдоочусу Айтматов проспектиси менен түндүктү көздөй кетип баратып... Читать дальше...

Салмак категориясына карабай чыгарылган мыкты мушкерлердин рейтингинин сап башына АКШлык Жон Жонс чыкты.

АКШдагы маалымат каражаттары Орусиянын президенти Владимир Путиндин администрациясында иштеп жүрүп, АКШнын Борбордук чалгын башкармалыгы (БЧБ) менен кызматташкан Олег Смоленков Виргиниядагы үйүнөн чыгып кеткенин жазышты. Мунун алдында АКШнын БЧБсы мындан эки жыл илгери Смоленковду атайын операциянын негизинде Москвадан тымызын алып кеткени тууралуу маалымат чыккан.  АКШдагы CNN телеканалы, «New York Times» жана «Washington Post»  басылмалары 9-сентябрда жарыялаган маалыматка ылайык, БЧБнын «Кремлдеги... Читать дальше...

Кытайдын Лондондогу элчилиги Улуу Британиянын Гонконгдун ички саясатына  кийлигишүүсүн, Кытайдын бир технологиялык компаниясына каршы жарыяланган санкциясын айыптап, эгер Улуу Британиянын учак конуучу кемеси Кытайдын түштүк деңизине кире турган болсо, ага карата аскердик жооп кайтарыларын эскертти.

Сауд падышачылыгынын үй-бүлөсүндө болуп жаткан маалыматтарды ачыктаган Твиттердин бир колдонуучусу Сауд Аравиянын мураскер ханзаадасы Мухаммад бен Салман өзүнүн кансарайынын алдына жашыруун түрмө куруп жатканын жазды.

АКШнын президенти Дональд Трамп террорчу катары шек саналган жарандарга санкция салуунун жол-жобосун жөнөкөйлөштүрүү тууралуу жарлык чыгарды. Ага ылайык, Финансы министрлиги менен АКШнын Мамлекеттик департаменти «террорчуларды колдоду» деген банктарга, уюмдарга ашыкча түйшүгү жок санкция киргизе алат.  АКШнын мамлекеттик катчысы Майк Помпео 10-сентябрда жаңы эрежелердин башкы максаты - кайсы бир белгилүү теракттарга байланбаган террорчулар менен аларды колдогон уюмдар экенин билдирди. Ошондой эле... Читать дальше...

Финансы министрлигинде Кыргызстан менен Сауд өнүктүрүү фондунун ортосунда 30 млн. АКШ доллары өлчөмүндөгү насыялык макулдашууга кол коюу аземи болду. Документке кыргыз тараптан финансы министри Бактыгүл Жээнбаева, Сауд өнүктүрүү фонду тараптан делегация башчысы Юсуф бин Ибрагим Аль-Бассам кол койду.  Аталган акча Баткен жана Талас облустарында 61 айылды суу менен жабдууну жана санитарияны жакшыртуу долбооруна жумшалат. Насыялоо мөөнөтү 25 жыл, анын ичинен 5 жылы жеңилдетилген мөөнөт болуп саналат. Читать дальше...

Журналисттерди коргоо боюнча эл аралык комитет (CPJ) Тажикстандагы «Азия-Плюс» маалымат агенттигинин сайты ачылбай калганына кабатырлыгын билдирди жана өлкө бийлигин жагдайга көңүл бурууга чакырды. «Азия-Плюс» Тажикстанда 19-августтан бери ачылбай калган. Маалымат агенттигинин жетекчилери тиешелүү мекемелерге кайрылышкан. Өлкөнүн Байланыш кызматы жагдай териштирилерин билдирген менен жыйынтык чыга элек. Мунун алдында, 26-июлда Орусиянын көзөмөл мекемеси Роскомнадзор «Азия-Плюсту» жаап койгон. Читать дальше...

2010-жылдын апрель окуясынан кийин түзүлгөн Убактылуу Өкмөттүн мүчөлөрү ишемби күнү президент Сооронбай Жээнбеков менен жолугушууну пландап жатышат. Бул маалыматты «Азаттыкка» мурдагы премьер-министр, Убактылуу Өкмөттүн мүчөсү болгон Темир Сариев ырастады. Ал өлкө башчы менен жолугушуу президенттик аппараттын демилгеси экенин белгилеп, азырынча конкреттүү эмне маселе талкууланары беймаалым экенин айтты:  - Биз жолукканга чейин эле президенттик аппарат жолугуу боюнча демилге көтөргөн. Ишемби күнү... Читать дальше...

Казакстандын президенти Касым-Жомарт Токаев 10-сентябрда эки күндүк расмий сапары менен Кытайга барды. Ал 11-сентябрда Кытайдын Тышкы иштер боюнча борбордук комитетинин директору Ян Цзечи менен жолукканы кабарланды.  Казак президентинин басма сөз катчысы Берик Курмангали Токаев казак-кытай ишкерлер кеңешинин 6-жыйынына катышарын, Кытайдын лидери Си Цзиньпиң жана премьер-министр Ли Кэцян, ошондой эле саясий жана ишкер чөйрөдөгү бир катар адамдар менен жолугушарын билдирген. Токаев бул сапарынын... Читать дальше...

Жогорку Кеңештин депутаттары билим берүү жана илим министринин кызматына Каныбек Исаковдун талапкерлигин жактырды.  Аны парламентке бүгүн, 11-сентябрда вице-премьер-министр Алтынай Өмүрбекова тааныштырды. Исаковду бул кызматка премьер-министр Мухаммедкалый Абылгазиев көрсөткөн. Каныбек Исаков 2011-жылдан бери Ош мамлекеттик университетинин ректору болуп иштеп келген. Мурдагы министр Гүлмира Кудайбердиева 4-сентябрда өзү берген арызынын негизинде кызматынан бошотулган. Ал бул кызматта 2016-жылдан бери эмгектенип келген. Читать дальше...

11-сентябрда Бишкектин Октябрь райондук соту мурдагы президент Алмазбек Атамбаевдин мурдагы кеңешчиси, камактагы Икрамжан Илмияновдун ишин кароону улантты.  Айыпталуучунун адвокаты Илмияновдун бөгөт чарасын карап, аны камактан чыгарууну өтүндү. Сот болсо өтүнүчтү четке кагып, анын камактагы мөөнөтүн 11-ноябрга чейин узартты. Жакында эле парламенттин мурдагы депутаты Ширин Айтматова «Твиттердеги» баракчасында «Икрамжан Илмиянов атайын кызматтын тергөө абагынан түнкүсүн өзүнүн үйүнө коё берилип жатат» деген мааниде пикир калтырган. Читать дальше...

Ашуура күнү аза күтүү жөрөлгөлөрүнө катышышкан нигериялыктардын 12си өкмөттүк күчтөрдүн колунан курман болушту.

Жогорку Кеӊеште «Кыргызстан» саясий партиясынын тизмеси боюнча жаӊыдан депутат болгон Бектен Сыдыгалиев ант берип, өзүнүн ыйгарым укуктарын расмий түрдө аткарууга киришти. Ал депутаттык ыйгарым укуктарын өз каалоосу менен мөөнөтүнөн мурда токтоткон Насыр Мусаевдин ордуна келди. Мусаев мандатын өткөрүп берүү боюнча 5-сентябрда арыз жазып, БШК аны бүгүнкү отурумунда карады. Ал ден соолугуна байланыштуу бир жарым жылдан бери кызматтык милдеттерин аткара албай жаткан. Бектен Сыдыгалиев Улуттук... Читать дальше...

БУУнун Йемен боюнча адистер тобунун жетекчиси Арабстан менен БАЭ өкмөтү Йеменге кирүүгө тыюу салып койгонун билдирди.

2010-жылдын апрель окуясынан кийин түзүлгөн Убактылуу өкмөттүн мүчөлөрү бейформал чөйрөдө чогулушту. Алар ишемби күнү президент Сооронбай Жээнбеков менен жолугушууну пландап жатышат.

Мамлекеттик чек ара кызматынын төрагасы Уларбек Шаршеев «Азаттыкка» Араван районунун Керкидан суу сактагычынын аймагында бүгүн, 11-сентябрда Өзбекстандын аскердик техникасы жок экенин билдирди. - Мага берилген маалымат боюнча ал жерде аскердик техника жок. Чек ара кезметтери өз кызматын өтөп жатышат. Буга чейин чыккан маалыматтарды да карасаңар. Ага кошумча эч нерсе кошо албайм, - деген Шаршеев Керкидан суу сактагычынын айланасындагы кырдаал боюнча кенен маалымат берген жок. Мунун алдында ал 24.kg сайтына комментарий берип... Читать дальше...

Чүй облусунун Москва райондук соту «Мегаком» соода маркасы менен таанымал «Альфа Телеком» уюк компаниясынын мурдагы директорунун кеңешчиси Алмаз Абековду мунапыс боюнча бошотуудан баш тартты. Бул тууралуу Абековдун адвокаты Абаз Мамбетакунов атайын өткөргөн басма сөз жыйынында билдирди. Адвокаттын айтымында, сот мунун себебин түшүндүргөн эмес. Райондук сот ишти 9-сентябрда караган. Мамбетакунов аталган чечим боюнча Чүй облустук сотуна апелляциялык арыз бергени жатканын айтты. Жактоочу «Мунапыс... Читать дальше...