Новости за 28.02.2020

Кой-Таш окуясына байланыштуу козголгон кылмыш иши боюнча баштапкы отурумун Биринчи май райондук соту 3-мартка жылдырды. Бул тууралуу айыпталуучулардын бири, КСДПнын төрага орун басары Кундуз Жолдубаева билдирди. Буга чейин сот отуруму 2-мартта башталаары кабарланган. Кийинки күнгө жылдыруу себебин Биринчи май райондук соту түшүндүрө элек. Жолдубаева муну камактагы саясатчы Садыр Жапаровдун тарапкерлери 2-мартка мерчемдеген нааразылык акциясына байланыштырып, бийликтин чочулоосу катары сыпаттап жазды. Читать дальше...

Сириянын түндүк-батышындагы Идлиб провинциясында президент Башар Асаддын күчтөрүнүн аба соккуларынан курман болгон түрк аскерлеринин саны 33кө жетти. Бул тууралуу Түркиянын Сирия менен чектешкен Хатай провинциясынын губернатору Рахми Доган 28-февралда билдирди. Анын айтымында, учурда жараат алган 32 жоокер ооруканада дарыланып жатат.  Бул чабуулдарга жооп иретинде Сирия өкмөтүнүн позицияларына «абадан жана кургактан сокку урулганын жана мындай соккулар улана турганын» түрк президентинин кеңсеси кабарлады. Читать дальше...

Коронавирустун жайылышы Германияда элдердин тынчсыздануу менен дарыканалардан беткаптарды жана дезинфекциялоо каражаттарын сатып алуусуна себеп болду жана бул өлкөдө бул каражаттардын корунун азайышына алып келди.

Нигериянын бир жараны өпкөнүн сезгенишине алып келген коронавирусту жугузуп алганын ырастады. Ага вирус Италиядан Нигерияга келип иштеп жаткан бир адамдан жукканын өлкөнүн саламаттык сактоо министри Осаги Эханире 28-февралда «Твиттер» аркылуу кабарлады.  Бул Кытайдан чыккан COVID-19 вирусу Сахара чөлүнүн түштүгүндөгү мамлекеттерге да жеткенин айгинелеген биринчи учур. Мурдараак Түндүк Африкадагы Египет менен Алжирдин бирден жарандары вакцинасы табыла элек бул илдетке чалдыкканы белгилүү болгон. Читать дальше...

28-февралга караган түнү Идлибдеги салгылашуудан улам Түркияда «Твиттер», «Фейсбук» жана «Инстаграм» сыяктуу социалдык тармактардын байланышы солгундады. Бейшембиден жумага караган түндөн баштап Интернет колдонуучулардын социалдык тармактагы баракчалары жаңыланбай калган. Жергиликтүү маалымат каражаттары Интернет байланышындагы бул үзгүлтүктүн себебин Идлибдеги соңку кырдаал менен түшүндүрүүдө. Расмий Анкара өлкөдөгү Интернет байланышынын ылдамдыгы жана сапаты боюнча маалымат бере элек. Сириянын... Читать дальше...

Саламаттык сактоо министрлиги коронавирус жайылып жаткан Кытайдын, Ирандын, Италиянын, Жапониянын жана Түштүк Кореянын жарандарынын Кыргызстанга келишине убактылуу тыюу салууну коронавирусту алдын алуу боюнча республикалык штабга сунуш кылды:  «Кытайдан, Ирандан, Италиядан, Жапониядан жана Түштүк Кореядан келген адамдарды толук карантинге алып жатабыз. Ушул эпидемиологиялык абал курчуп бара жаткан өлкөлөрдүн жарандарынын Кыргызстанга келишине тыюу салуу боюнча сунуш киргиздик», - деди 28-февралда... Читать дальше...

Каракол шаардык кеңешинин депутаты, «Табылга» партиясынын мүчөсү Азамат Айтбаев кызматташы, КСДПнын шаардык кеңештеги мүчөсү Тууганбек Чолпонбаев сабаганын айтып, УКМКга арыз жазды.

Чүйдүн Сокулук районунда күйөөсү өрт койгон 42 жаштагы аял каза болду. Бул тууралуу Чүй облустук милициясы кабарлады. Маалыматка ылайык, окуя 12-февралда катталган. Милициянын маалыматы боюнча, ал күнү мас абалында үйүнө келген 46 жаштагы адам жубайы тамак жасап жаткан маалда бензин чачып жиберген. Күйүп жаткан газдан келинге жалын жармашып, оор абалда ооруканага жеткирилген. Бир күн өтпөй алган жараатынан улам эсине келбей каза болгон. Бул окуя боюнча Жазык кодексинин «Киши өлтүрүү» беренеси боюнча иш козголуп, шектүү камакка алынды. Читать дальше...

«Эйр Манас» компаниясы 1-марттан тартып Бишкек-Ош каттамын токтотот. Бул тууралуу Кыргызстандын Жарандык авиация агенттиги кабарлады. Мындай чечим өндүрүштүк муктаждык менен түшүндүрүлгөн. Буга чейин билет сатып алган жүргүнчүлөргө акчасы кайра кайтарылып берилет.  Каттамды убактылуу токтотуунун конкреттүү себептери жана качан ал кайра жанданаары жөнүндө «Эйр Манас» так маалымат бере элек. «Эйр Манас» Түркиялык «Пегасус» компаниясы менен бирге иштеп келген. Былтыр «Пегасус» ишин токтотуп, анын... Читать дальше...

Бейшемби күнү Түркиянын президенти Сириянын Идлиб облусундагы акыркы окуяларга баа берүү үчүн кезексиз коопсуздук жыйынын өткөрдү.

Кыргызстанда биометрикалык паспорт басып чыгарууга кезектеги тендер жарыяланды.

Ирандын аялдар жана үй-бүлө иштери боюнча вице-президенти Масуме Эбтекардын коронавируска тапшырган тести оң жыйынтык менен чыкты.

Жапониянын Иокогама портунда карантинге алынган «Diamond Princess» саякат кемесинде Кыргызстандын жараны коронавирус жугузуп алганы аныкталды. Бул тууралуу Бишкектеги басма сөз жыйынында Тышкы иштер министринин орун басары Нурлан Абдрахманов билдирди. Кыргызстандын жараны вирус жугузуп алганын 26-февралда тапшырган анализинин жыйынтыгы көрсөткөн. Абдрахманов кыргызстандык бейтап учурда Жапониядагы ооруканалардын биринде дарыланып жатканын жана абалы жакшы экенин кошумчалады. Кыргызстандын Жапониядагы... Читать дальше...

Орусиянын тышкы иште министрлиги Хамастын саясий бюросунун жетекчиси март айында Москвага иш сапары менен барарын маалымдады.

Саламаттык сактоо министрлиги коронавирус коркунучунан улам жума намазга катышкан адамдардын санын азайтууга чакырды. Министрлик мындай кат менен Дин иштери боюнча мамлекеттик комиссияга жана Кыргызстан мусулмандарынын диний башкармалыгына кайрылды. Бул тууралуу бүгүн Бишкектеги басма сөз жыйынында Саламаттык сактоо министри Космосбек Чолпонбаев билдирди. Министрлик ошондой эле жарандарды той, маарекелерди өткөрүүнү да азайтууга чакырып жатат.  «Биз намазга тыюу салууну эмес, ага катышкан адамдардын санын азайта турууну суранып жатабыз. Читать дальше...

Тегеранда жана бир катар шаарларда коронавирус эпидемиясынан улам жума намаздары өткөрүлбөйт. Бул тууралуу Ирандын маалымат каражаттары кабарлашты.

Кытай өкмөтү COVID-19 вирусунун жайылышын токтотуу максатында өз ыктыяры менен анализ тапшырган бейтаптардын ар бирине 1430 доллар төлөп бермекчи.

Кыргызстанда мектеп директорлору менен башкы дарыгерлер жергиликтүү кеңештин депутаттыгына шайланса, алардын кызматын өткөрүп берүүгө милдеттендирген мыйзам долбоору иштелип чыкты. Аталган мыйзам долбоору парламенттин расмий сайтында коомдук талкууга чыгарылды. Депутат Аида Исмаилова «Жергиликтүү кеңештин депутаттарынын макамы жөнүндө» мыйзамга ушундай өзгөртүүлөрдү сунуш кылып жатат. Долбоордо бюджеттен каржыланган мекемелердин жетекчилери өз ишин депутаттык менен айкалыштырууга болбой тургандыгы жазылган. Читать дальше...

Япониянын өкмөт башчысы коронавирустун жайылышынын алдын алуу үчүн жазгы каникулдардын аягына чейин мектептер жабыларын маалымдады.

Жогорку Кеңеште коммерциялык эмес жана өкмөттүк эмес уюмдардын ишин жөнгө салуучу мыйзам долбоору талкууланды. Аны кароо учурунда депутаттар менен төраганын ортосунда талаш-тартыш болуп, долбоорду парламентке алып чыгууда мыйзам бузулганы айтылды.

Блогер Элмирбек Сыдыманов үй камагына чыкты. Мындай чечимди 28-февралда Бишкек шаардык соту кабыл алды. Интернетте Sydyman деген ат менен таанымал блогер улуттук, расалык, диний же аймак аралык кастыкты козутту деген шек менен 19-февралда эки айга камакка алынган. Мындан соң ал жаңылганын моюнуна алып, кечирим сураган. Ал эми апасы бийлик башчыларына кайрылып, уулун үй камагына чыгарууну өтүнгөн.  Элмирбек Сыдыманов «Инстаграм» баракчасында Сыдыман деген ат менен белгилүү. Ал буга чейин өзүнүн... Читать дальше...

Бишкекте кримтөбөл Камчы Көлбаевдин кылмыштуу тобунун мүчөсү кармалды. Бул тууралуу баш калаанын милициясы кабарлады. Анын маалыматына ылайык, буга чейин бир нече жолу соттолгон «Чач» деген каймана ат менен белгилүү 32 жаштагы адам жазык кодексинин 268-беренеси («Баңгизат каражаттарын, психотроптук заттарды жана алардын аналогдорун сатып өткөрүү максатын көздөбөстөн мыйзамсыз даярдоо») боюнча шек саналууда.  Кармоо учурунда кылмышка шектүүнүн машинесинен мыйзамсыз тапанча табылган жана ал милиция кызматкерлерине каршылык көрсөткөн. Читать дальше...

Бишкек менен Лондон Кыргызстандан уурдалган акчаны артка кайтаруу багытында кызматташышы мүмкүн. Эки тарап бул боюнча сүйлөшүү жүргүзүп жатканын Улуу Британиянын Кыргызстандагы элчиси Чарльз Гарретт «Азаттык» менен болгон маегинде ырастады.

Кыргыз эл акыны, Токтогул атындагы мамлекеттик сыйлыктын лауреаты  Шайлообек Дүйшеев Ишеналы Арабаев атындагы кыргыз мамлекеттик университетинин ардактуу профессору болду. Мамлекеттик университетинин жетекчилиги акынга профессордук наамды студенттер менен 27-февралда уюштурулган жолугушууда тапшырды. Жолугушууда Шайлообек Дүйшеев студенттер менен баарлашып, ырларын окуп берди. Студенттер акындын чыгармаларынын негизинде даярдаган концертин тартуулашты. Эл акыны Шайлообек Дүйшеев быйыл 23-февралда 70 жашка чыкты. Читать дальше...

«Электр станциялары» ачык акционердик коомунун директорлор кеңешинин чечими менен Жолдошбек Ачикеев ишкананын башкы директору болуп дайындалды. Мурдагы жетекчи Таалайбек Толубаев кызматтан өз каалоосу менен кеткен. Бул тууралуу «Электр станциялары» ишканасынын басма сөз кызматы кабарлады. Жолдошбек Ачикеев 44 жашта. Буга чейин «Улуттук электр станциялары» ишканасында жетекчилик кызматтарда иштеп келген. Директорлор кеңешинин дагы бир чечими менен «Электр станциялары» ишканасынын жетекчисинин орун басарлыгына Алмаз Кушубаков дайындалды. Читать дальше...