Новости за 02.04.2020

«Талибан» кыймылынын расмий делегациясы Ооганстандын баш калаасында өкмөт өкүлдөрү менен туткун алмашуу маселесин талкуулашты. Өлкөнүн Улуттук коопсуздук кеңеши аталган кыймылдын үч мүчөсү 31-мартта жана 1-апрелде ооган бийлиги менен Кабулда бетме-бет сүйлөшүүлөрдү өткөргөнүн ырастады. Бирок бул жолугушуудан кандай майнап чыкканы азырынча расмий айтыла элек. Талибдер эл аралык коомчулук тааныган өкмөттү «Батыштын тактекеси» деп мүнөздөп, түз сүйлөшүүдөн баш тартып келген. Март айынын соңунда... Читать дальше...

Баткен облусунун Лейлек районунун Кулунду жалпы дарыгерлер практикалык борборуна ушул айылдын тургуну, атын атабаган жеке ишкер «Тез жардам» машинесин белекке берди. Мындан сырткары бул оорукананын дарыгерлерине жугуштуу илдеттен коргонуучу каражаттарды сатып алыш үчүн 100 миң сом жардам көрсөттү.

Кыргызстандын президенти Сооронбай Жээнбеков Бириккен Улуттар Уюмунун (БУУ) баш катчысы Антониу Гутерришке кайрылуу жиберди. Бул тууралуу президенттин басма сөз кызматы кабарлады. Өз кайрылуусунда Жээнбеков БУУнун баш катчысынын коронавирус инфекциясына каршы күрөш үчүн 2 млрд. доллар өлчөмүндө гуманитардык иштерди башташ үчүн глобалдык план түзүү боюнча демилгесин колдой турганын билдирген. Ошондой эле президент Кыргызстандагы эпидемияга каршы багытталган иш-аракеттер жөнүндө маалымат берип, коронавируска... Читать дальше...

Европа футбол ассоциациялар бирикмеси (УЕФА) шаршембиде пандемияга байланыштуу Чемпиондор лигасынын жана Европа лигасынын бардык мелдештери жаңы чечим кабыл алынмайынча токтогонун билдирди.  Июнга белгиленген улуттук командалардын мелдештери, анын ичинде Европа чемпионатына иргеп алуу беттешүүлөрү болбойт. Чемпионат өзү быйылкыдан эмдиги жылга которулган.  1-апрелдеги видеоконференцияга УЕФАнын курамындагы 55 өлкөнүн өкүлдөрү катышты.  Улуттук чемпионаттар токтогондуктан Чемпиондор лигасы менен... Читать дальше...

Жогорку Кеңештин депутаты Жанарбек Акаев өкмөттөгү акыркы кадр алмашууну сындап чыкты. Ал «Фейсбуктагы» баракчасына вице-премьер-министр Алтынай Өмүрбекованы жумуштан кетирүүнү «абдан чоң ката» деп баалады. «Өмүрбекованы кетирип, айтор, жакшы иштеген, кесипкөйлөргө өкмөттө орун жок. Ал эми мындай кадрларды сактап калууга, керек болсо сырттагы күчтүү кадрларды өкмөткө алып келүүгө биз отурган мокок, жалтак, чечкинсиз парламенттин күчү кайдан жетмек эле. Парламенттик башкаруунун маңызын түшүнбөй... Читать дальше...

АКШнын Мамлекеттик департаменти шаршембиде Нью-Йоркко Орусиянын учагы менен жеткирилген дары-дармекке байланыштуу түшүндүрмө берди. Мамдепартаменттин басма сөз катчысы Морган Ортогус АКШ менен Орусиянын президенттери Дональд Трамп менен Владимир Путин 30-мартта телефон аркылуу сүйлөшкөндө Москвадан коронавирусту дарылоого керектүү медициналык жабдуу сатып алуу тууралуу макулдашканын билдирди. Ал тараткан маалыматта эки лидер каатчылык маалында бири-бирине гуманитардык жардам көрсөтүп туруу тууралуу сүйлөшкөнү айтылат. Читать дальше...

Пакистанда үч кыргызстандык коронавирус жугузуп алганы аныкталды. Бул тууралуу 2-апрелде Кыргызстандын Тышкы иштер министрлиги кабарлады. Мекеменин маалыматына караганда, алар Абботабад шаарында. Жаш курактары 70, 68 жана 61. Алар башка алты кыргызстандык жана бир орусиялык менен кошо Хайбер Пахтунхва провинциясында даават кылып жүрүшкөн. ТИМ билдиргендей, «азыркы учурда ооругандардын бирөө ооруканага жаткырылды, анын жанында үй-бүлөсүнүн мүчөсү бар (андан да коронавирус табылган). Үчүнчү жаран... Читать дальше...

Коронавирус алгач тараган Кытай мамлекетинде бул илдет жуккандар күндөн-күнгө азайып баратат. Жашоо кадимкидей өз калыбына келүүдө. Ал жактагы абал тууралуу Нанкин технологиялык институтунда мугалим болуп иштеген Каниет Курманбек уулу ой бөлүштү.

Дүйнөдөгү айрым өлкөлөрдүн жарандары коронавирустун жайылып кетүүсүнүн алдын алуу үчүн өз ара аралыкты сактап жатышат.

Бишкекте 2-апрелден тартып кагаз жүзүндө уруксат берүү токтотулду. Бул тууралуу борбор шаардын коменданты Алмазбек Орозалиев басма сөз жыйынында билдирди. Анын айтымында, мындан ары өзгөчө абал шартында уруксат эми электрондук түрдө гана берилмекчи. Мындай чара коррупциялык көрүнүштөрдү азайтат.  Орозалиев азыркы учурга чейин комендатура коомдук тамактануу чөйрөсүндө иштеген ишкерлерге 2700, ал эми медициналык кызматтарды көрсөткөн жана дары-дармектер менен камсыздаган фирмаларга 700дөн ашык өткөрмө кагаз берилгенин кошумчалады. Читать дальше...

Бишкек шаарында карантиндик чектөө аянты кеңейтилди. Бул тууралуу комендатура кабарлады. Баш калаанын түштүк тарабындагы  төмөнкү көчөлөрдө адамдардын жана автоунаалардын өтүшүнө тыюу салынат: • Ахунбаев көчөсүнүн Бакаевден Жукеев-Пудовкин көчөсүнө чейинки бөлүгү; • Сүйөркулов – Жукеев-Пудовкин көчөлөрүнүн магистралга чейинки бөлүгү; • Масалиев көчөсүнөн баштап Байтик баатыр, Малдыбаев, Токтоналиев, Айтматов көчөлөрүнүн түндүк тарабы; • Бакаев көчөсүнөн баштап Ахунбаев көчөсүнүн чыгыш тарабы. Читать дальше...

Бишкек шаарында өзгөчө абал шартында уруксат кагазын сатууга байланыштуу шек саналган Октябрь райондук милициясынын кызматкеринин жетекчилигине карата кызматтык иликтөө башталды. Бул тууралуу Бишкек шаарынын коменданты Алмазбек Орозалиев билдирди. Анын айтымында, эгер жетекчиликтин мыйзамсыз иштерге катышы аныкталса, жоопко тартылат. Буга чейин Улуттук коопсуздук боюнча мамлекеттик комитет (УКМК) Бишкекте милиция кызматкери өзгөчө абал учурунда тоскоолдуксуз жүрүүгө уруксат берүүчү өткөрмө кагазын... Читать дальше...

Бул маалыматты 1-апрелде Түркиянын cаламаттык сактоо министри Фахреттин Кожа таратты. Анын сөзүнө караганда, Түркияда 15,679 киши коронавируска чалдыккан. Алардын 8852си Стамбул шаарынын тургундары экени жазылган. Ал эми коронавирустан каза болгон 277 түрк бейтаптын 117си да Стамбул шаарынын тургундары болгон. Вирусту жугузуп алгандар Түркиянын Анкара жана Измир сыяктуу ири шаарларында да катталган.  Ошондой эле министрлик коронавирусту жугузуп алгандардын арасында полиция кызматкерлери, дарыгерлер... Читать дальше...

1-апрель күнү спортчу кыз өзүнүн Instagram баракчасына күйөөгө тийгени жаткандыгын, болочок жолдошу балбан эместигин жазган.

Кыргыз өкмөтү коронавируска байланыштуу элди социалдык колдоо боюнча чара көрүлөрүн билдирүүдө.

Кыргызстандын экс-президенти Роза Отунбаева өзүнүн пенсия топтомунан 1 миллион сомду коронавируска каршы күрөшүп жаткан медицина кызматкерлерине которуп бермей болду. Бул тууралуу «Роза Отунбаеванын демилгелери» фондунун аткаруучу директору Догдургүл Кендирбаева 2-апрелде билдирди: «Өз өмүрүн тобокелге салып, башкалардын өмүрү үчүн күрөшүп жаткан алдыңкы линиядагы дарыгерлерди колдош үчүн которуп жатат. Экс-президент өзүнүн кадыр-баркы менен башка өлкөлөрдөн экспресс-тесттерди тез алып келүү боюнча иш жүргүзүп жаткан. Читать дальше...

Акыйкатчы Токон Мамытов коронавируска каршы республикалык штабга, өзгөчө абал киргизилген аймактардагы коменданттарга жана ИИМдин, Өзгөчө кырдаалдар жана Саламаттык сактоо министрликтеринин жетекчилерине кайрылды. Мамытов өзү жана орун басарлары адам укуктарынын сакталышына көзөмөл кылыш үчүн өлкө боюнча эркин жүрүүгө мүмкүнчүлүк түзүүгө чакырды. Өз кайрылуусунда акыйкатчы Кыргызстандын Баш мыйзамында жана бир нече мыйзамында бул институттун ишмердигине тоскоолдук жаратпоо зарыл экени айтылганын эскерткен. Читать дальше...

Ички иштер министрлиги Бишкекте милиция кызматкери түнүндө өзүнүн жеке машинасы менен сойкуларды ташып жүргөн деген маалыматты четке какты. Мекеменин басма сөз кызматы 2-апрелде билдиргенине караганда, Свердлов райондук ички иштер башкармалыгынын кызматкерин машинасы менен шаар ичинде кетип баратканда кайгуул кызматы токтоткон. Учурда ал коменданттык сааттын талаптарын бузгандыгы үчүн кызматтык иликтөө жүрүп жатат. ИИМ "Айрым бир сайттарда жарыяланган милиция кызматкери сойкуларды ташып жүргөн деген жалган маалымат" деп билдирди. Читать дальше...

Ош шаарында коронавирустан улам 25-марттан тартып өзгөчө абал киргизилип, шаардыктардын сыртка чыгышына күндөн-күнгө көзөмөл күчөтүлүп жатат.

Кыргызстанда коронавируска каршы күрөш боюнча депозиттик эсепке 1-апрелге карата 80 миллион 552 миң сом түштү. Бул тууралуу Финансы министрлигинен кабарлашты. Өлкөдө коронавируска каршы депозиттик эсепке колунда бар адамдар, мамлекеттик жана жеке компаниялардын кызматкерлери айлыгынын эсебинен акча которушууда. Буга чейин өкмөт бул каражаттын ачык-айкын колдонулушун камсыздоо максатында бөлүштүрүү комиссиясын түзгөн. Анын курамына Жогорку Кеңештин депутаттары, жарандык коомдун өкүлдөрү кирген.... Читать дальше...

Жалал-Абаддын Базар-Коргон районунда эгин аянттарын дарылоого колдонулган учуучу аппарат бул ирет турак жайларды дезинфекциялап жатат. Бул жумуштарды айыл чарбаны колдоо борбору акысыз аткарууда. Мындан сырткары аймакта блокпостторду кайтарууга айылдын жаштары жана демилгелүү топтор жардам берип жатат.

Баткен облусунун Лейлек районунун Кулунду жалпы дарыгерлер практикалык борборуна аталган айылдын тургуну, атын атабаган жеке ишкер тез жардам унаасын белекке берди. Мындан сырткары аталган оорукананын дарыгерлерине жугуштуу илдеттен коргонуучу каражаттарды сатып алуу үчүн 100 миң сом жардам көрсөттү. «Ассафа борбору» коомдук бирикмеси Баткен облусуна жасалма дем алдыруучу жабдуу сатып берди. Баасы 23 миң доллар болгон жасалма дем алдыруучу жабдуу Баткен облустук ооруканасынын жандандыруу бөлүмүнө орнотулду. Читать дальше...

Бишкекте милиция кызматкери өзгөчө абал учурунда тоскоолдуксуз жүрүүгө уруксат берүүчү өткөрмө кагазын мыйзамсыз жазып берүүгө шектүү катары камакка алынды. Бул тууралуу 2-апрелде Улуттук коопсуздук боюнча мамлекеттик комитет (УКМК) кабарлады. Мекеменин маалыматына караганда, Октябрь райондук ички иштер башкармалыгынын кызматкери бул үчүн акча алып жаткан жеринен колго түшүрүлдү. УКМК ал жеке компаниялардын биринин өкүлүнөн санитардык жана блок посттордон өтүүгө уруксат берүүчү өткөрмө жазып берем деп, пара талап кылган деп эсептейт. Читать дальше...

Кыргызстанда акыркы суткада доллардын курсу 1,5 сомго кымбаттаганы байкалды. Ушу тапта «Демирбанк», «Бакай банк», KICB, «Кыргызстан» банктарынын расмий сайттарында 1 АКШ доллары 84,50 сомго чыкты. Ал эми Улуттук банктын расмий курсу 82 сом 20 тыйын деп сакталууда. Сомго карата кымбаттоо евродо да байкалып, учурда 1 евро 95 сомдон сатылып жатат. Расмий курс болсо 90 сом деп көрсөтүлгөн. Акыркы эки жумадан бери сомдун чет өлкөлүк валюталарга карата туруксуздугу байкалууда. Акыркы үч жылдан бери... Читать дальше...

Бишкекте өзгөчө абал учурунда көчөгө чыгууга уруксат берүүчү өткөрмөгө окшош жасалма документ колдонуп жүргөн адам кармалды. Бул тууралуу 2-апрелде шаардын комендатурасы билдирди. Маалыматка караганда, окуя 1-апрелде болгон. Айни жана Чапаев көчөлөрүнүн кесилишинде 32 жаштагы айдоочунун «Ланд Ровер» машинасын текшергенде терезесинде уруксат кагазы тагылып турган. Кылдат текшергенде ал өткөрмө жасалма болуп чыккан. Машина атайын коюлуучу жайга токтотулуп, бардык чогултулган иш кагаздары Ленин... Читать дальше...