Новости за 27.09.2021

"Ата Мекен" партиясынын лидери Өмүрбек Текебаев учурда абакта жаткан мурдагы президент Алмазбек Атамбаевдин камакта кармалып турушу боюнча пикирин "Новые лица" басылмасына курган маегинде билдирген. Анда Текебаев мурдагы президент Алмазбек Атамбаевди жактырбасын ачык айткан: "Мен Атамбаевди жактырбайм, бирок азыр объективдүү оюмду айтып коюшум керек. Мендеги маалыматтарга караганда, Алмазбек Атамбаевге карата айыптоочу чечим же токтом жок. Атамбаев соттолгон жок. Ошондуктан, аны эки жыл түрмөдө кармап отуруу ынанымсыз. Читать дальше...

Грекиянын Крит аралында магнитудалык күчү 5,8 баллга жеткен жер титирөө катталды. 27-сентябрда эртең менен болгон табигый кырсыктан Ираклион шаарындагы бир чиркөө кулап, анда иштеп жаткан бир киши мерт болду. Телеканалдар жер силкине баштаганда көптөгөн адамдар имараттардан көчөгө чуркап чыгып жатканын көрсөтүүдө. Аралда бир топ турак жай кыйраганы кабарланууда. Жер титирөө Крит аралынан тышкары туристтер көп барган Санторини аралында, Түркиянын түштүк-батышындагы Датча шаарында да сезилди. Читать дальше...

Ушул күндөрү катуу капаланып, сар-санаадан арылбай жүрөм. Кээ күндөрү дүйнөм тарып, өзүмө батпай кетем. Туңгуюкка кептеген түпсүз суроолор мээмди жеп, жаныма тынчтык бербей, уйкумду качырат. Баарына кол шилтеп, баарына көздү жумуп, не болсо ошол болсун деп басып кетким келет. Бирок кеткенде кайда барам? Баары бир туугандарымдын тагдыры, элдин тагдыры кайра эле түйшүккө салат, миң ойлонтуп, миң толгонтот... Негизи биз, Жерге-Талдын кыргыздары, мурда тажиктер менен бир туугандай эле жашап келген элек. Читать дальше...

COVID-19 пандемиясы Дүйнөлүк экинчи согуштан бери биринчи жолу адам өмүрүнүн орточо узактыгынын төмөндөшүнө себепчи болду. Мындай жаңы изилдөө 27-сентябрда Эл аралык эпидемиология журналына жарыяланды. Европадан АКШ жана Чилиге чейинки 29 мамлекеттеги кырдаалды талдаган бул изилдөө орточо өмүр узактыгын жогорулатуу боюнча көптөн берки иш-аракеттер бир топ жылга артка кеткенин көрсөттү. Маселен, 22 мамлекетте орточо өмүр узактыгы 2019-жылга салыштырмалуу 6 айга кыскарган. Аялдарга салыштырмалуу эркектер арасында өлүм көбөйгөн. Читать дальше...

Апрель айынан бери ар кандай себептер менен улам кийинкиге жылдырылып келген Кой-Таш окуясы боюнча сот отуруму Биринчи май райондук сотунда карала баштады. Сот залына бул иш боюнча айыпталган мурдагы президент Алмазбек Атамбаев, президенттик аппараттын мурдагы башчысы Фарид Ниязов, саясатчы Равшан Жээнбеков алынып келди. 20-сентябрга белгиленген сот отуруму айыпталуучулар, жабырлануучулар жана адвокаттар толук келбегендиктен 27-сентябрга жылдырылган эле. 2019-жылы 7-8-августтагы Кой-Таштагы окуя боюнча кылмыш ишинде Атамбаев... Читать дальше...

UFC Russia уюмунун YouTube каналы Лас-Вегаста болгон UFC 266 турниринин кызыктуу учурларын кесип, чогултуп, видеосун жарыялады.

Президенттин алдындагы Антикоррупциялык ишкерлик кеңешке үч айдын ичинде кайрылган ишкерлердин басымдуу бөлүгү мамлекеттик органдардын ишине канааттанбастыгын билдирген. Бул тууралуу аталган кеңеш 27-сентябрда кабарлады. Кайрылуу ээлери салык кызматкерлеринин ишине жана мамлекеттик органдардагы бюрократияга, жылдап созулган соттук териштирүүлөргө нааразылыгын билдиришкен. "Мындан тышкары милиция, прокуратура жана сот органдарынын аракетсиздигине, соттук териштирүүлөрдүн жылдап создугуусуна, ошондой... Читать дальше...

Германиядагы парламенттик шайлоодо борборчул-солчул Социал-демократиялык партия аз айырма менен канцлер Ангела Меркелдин бийликтеги саясий блогунан озуп чыкты. 26-сентябрдагы шайлоонун жыйынтыгында вице-канцлер Олаф Шольц жетектеген социал-демократтар добуштардын 25,7%, Меркелдин Христиан-демократиялык бирикмеден жана Бавариянын христиан-социалдык бирикмесинен турган саясий блогу 24,1%, “Жашылдар” партиясы 14,8%, Эркин демократиялык партия 11,5%, “Германия үчүн альтернатива” 10,3% жана Солчулдар (Die Linke) 4,9% ээ болушту. Читать дальше...

ӨКМдин басма сөз кызматынын маалымдашынча, 27-сентябрга оогон түнү Аламүдүн районундагы Маевка айылындагы "Алгачкы кадам" деп аталган жеке менчик бала бакчанын имараты өрттөнгөн. Бала бакчанын 220 чарчы метр чатыры, эки кабаттуу 15 даана керебет, 20 даана матрас, 20 пластик олтургуч жана үй тиричилик буюмдары күйгөн. Өрттөн жапа чеккендер катталган эмес. Ошондой эле, 26-сентябрь күнү, саат 23:00 чамасында Маевка айылындагы үйлөрдүн бири күйүп жатканы тууралуу маалымат түшкөн. Өрт өчүрүүчүлөр бригадасы... Читать дальше...

UFC 266 мелдешинин экинчи башкы беттешинде кыргызстандык спортчу кыз америкалык Лорен Мерфини утуп, алтынчы ирет чемпиондук курун коргоп калды.

Апрель айынын соңундагы кыргыз-тажик чек арасындагы куралдуу жаңжалдан жабыр тарткан Лейлек районундагы бир топ ишкер мамлекеттен убадаланган ссуда да, жеңилдетилген насыя да албай калды. Мындай маалыматты Лейлек районунун Жаңы-Жер айыл аймагынын жергиликтүү кеңешинин депутаты Суанхан Турсунов “Азаттык” радиосуна билдирди. Депутаттын айтымында, чек ара жаңжалында жабыр тарткан ишкерлер атайын түзүлгөн эсептөө комиссиясына тиешелүү документтерин берген. "Кошумча такталган эсеп менен жалпы 44 ишкерге... Читать дальше...

Ош облусундагы Кара-Кулжа районун Дамир Кулубаев жетектейт. Тиешелүү жарлыкка президент Садыр Жапаров кол койгонун президенттик администрация 27-сентябрда маалымдады. Дамир Кулубаев 2017-2018-жылы Чүй облусундагы Панфилов районунда аким болуп иштеген. Кара-Кулжа районун буга чейин жетектеп келген Аманкан Кенжебаев өз каалоосу менен кызматтан кеткени кабарланды. Кара-Кулжа району Ош облусундагы ири райондордун бири. Аймагы 5712 чарчы метр. 2009-жылкы Эл каттоонун жыйынтыгына ылайык, райондо 12 миңге чамалуу адам жашайт. Читать дальше...

Кыргызстанга Түркиядан жыл сайын 1,5 тонна алтын зер буюмдары импорттолот. Ошондой эле, 3 тоннанын айланасында күмүш зер буюмдар алып келинет. Ал эми Кыргызстандын өзүндө жылына 47 кг. алтын, 100 кг. күмүш зер буюмдар жасалып, сатылат. Бул маалыматты Баалуу металлдар департаментинин башчысы Канатбек Мадумаров бүгүн, 27-сентябрда Жогорку Кеңештин Бюджет жана финансы комитетинде билдирди. Мадумаров комитеттин кароосуна сунушталып жаткан "Баалуу металлдар жана баалуу таштар жөнүндө" мыйзам долбоору... Читать дальше...

Ысык-Көлдө ЕАЭБге мүчө өлкөлөрдүн өкмөттөр аралык саммитин уюштурууга мамлекеттик бюджеттен 18 млн. сом сарпталган. Бул тууралуу бүгүн, 27-сентябрда Жогорку Кеңештин Бюджет жана финансы комитетинин жыйынында экономика жана каржы министринин орун басары Данияр Амангелдиев билдирди. Депутат Улан Примов бир күндүк саммитке эмне себептен мынча көп акча сарпталганына кызыкты. "Толук маалымат бергиле, бул суммадагы акча кандай максатта сарпталган? Министрлердин жеген-ичкенинен тартып, тыйынына чейин маалымат күтөбүз. Читать дальше...

Улуттук коопсуздук боюнча мамлекеттик комитетинин (УКМК) басма сөз кызматы 27-сентябрда тараткан маалыматка ылайык, бир катар компаниялар дары-дармектерди ашыкча кымбат сатууну көздөгөн. Бул факты атайын кызматтын саламаттык сактоо системасындагы коррупцияны жоюу боюнча жүргүзүлүп жаткан иштердин алкагында аныкталган. Маалыматка ылайык, аталган факты боюнча сотко чейинки өндүрүш иши ачылып, бул компаниялардын кеңсеси жана кампалары тинтүүгө алынган. “Тинтүү учурунда кошумча бухгалтерия бар экендигин... Читать дальше...

Кыргызстандын тышкы иштер министри Руслан Казакбаев Бириккен Улуттар Уюмунун (БУУ) баш катчысы Антониу Гуттериш менен жолугушту. Жолугушуу 24-сентябрда БУУнун Башкы Ассамблеясынын 76-сессиясынын алкагында өткөнүн Тышкы иштер министрлиги (ТИМ) маалымдады. Ага ылайык, министр Казакбаев Кыргызстандын президенти Садыр Жапаровдун атынан башкы катчыны экинчи мөөнөткө кайра шайланышы менен куттуктады. Мындан тышкары Руслан Казакбаев Гуттеришке Кыргызстанда болуп жаткан саясий трансформациялар, анын... Читать дальше...

Тажикстандын укук коргоо кызматкерлери кармап кеткен Лейлек районунун Жаштык айылынын тургунун кайтаруу боюнча эки тараптуу сүйлөшүүлөр жүрүп жатат. Бул тууралуу президенттин Баткен облусундагы ыйгарым укуктуу өкүлчүлүгүнөн 27-сентябрда “Азаттык” радиосуна билдиришти. Маалыматта айтылгандай, 26-сентябрь күнү түштөн кийин Лейлек районунун Жаңы-Жер айыл аймагынын 26 жаштагы тургуну келинчеги менен Тажикстандын этникалык кыргыздар жашаган Жийделик айылына бараткан учурда жүргүнчү ташыган автобустан Тажикстандын күч кызматтары кармап кетишкен. Читать дальше...

Мамлекеттик мекемелерге 5 миллион сомго чейинки каражатты түз колдонууга уруксат берген мыйзам долбоору ишке кирди. Жогорку Кеңештин депутаттары 29-июлда "Мамлекеттик сатып алуулар жөнүндө" мыйзамга өзгөртүүлөрдү киргизүү тууралуу" документти дароо үч окуудан колдоп, 11-августта президент кол койду. Өзгөртүүнүн өзөгү Жогорку Кеңештин депутаты Улукбек Ормонов "Мамлекеттик сатып алуулар жөнүндө" мыйзамга ушуну менен экинчи жолу өзгөртүү киргизип жатат. Алгачкысы айыл өкмөттөргө тиешелүү болуп... Читать дальше...

Коронавируска каршы республикалык ыкчам штабдын маалымдашынча, 27-сентябрда Кыргызстанда 59 адам вирус жуктурганы лабораториялык жактан тастыкталды: Бишкек - 33 Чүй облусу – 9 Нарын облусу - 4 Ысык-Көл облусу – 9 Жалал-Абад облусу – 4 Ош шаарында, Баткен, Ош жана Талас облустарында коронавирус жуктургандар катталган жок. Ушуну менен былтыр марттан бери ооруга чалдыккандардын жалпы саны 178 317 адамга жетти. Бул аралыкта илдеттен 172 912 адам сакайды. Акыркы суткада коронавирустан 2 киши көз жумду. Читать дальше...

“Алай” жана “Алга” командаларынын Оштогу беттешинин алдында футболчулар оюн талаасында "Күн балдарынын" (даун синдрому) коштоосунда чыкты. Фотоблогер Азамат Алымкулов тарткан сүрөттөрдү сунуш кылабыз. Ата-энелерден, балдардан жана уюштуруучулардан уруксат алынган.

Чет өлкөдө жүргөн кыргызстандык шайлоочулар үчүн мобилдик топтор парламенттик шайлоого байланыштуу маалымат берип баштады. Бул тууралуу Борбордук шайлоо комиссиясынын маалымат кызматы билдирди. Ага ылайык, Орусия, Европанын айрым өлкөлөрү, Түркия жана АКШда бир нече мобилдик топ 23-сентябрдан 15-октябрга чейин иштейт. Мобилдик топтор алдыдагы парламенттик шайлоону уюштуруу, анын ичинде жарандарды шайлоочулардын тизмесине киргизүү, чет өлкөлөрдө түзүлгөн шайлоо участокторунун даректери жана саны... Читать дальше...

Кыргызстан коммунисттер партиясынын лидери Исхак Масалиев "Бүтүн Кыргызстан" саясий партиясы менен 28-ноябрда боло турган парламенттик шайлоого барышы мүмкүн. Бул тууралуу "Азаттыкка" "Бүтүн Кыргызстан" партиясынын лидери Адахан Мадумаров маалымдады. "Партиянын айрым мүчөлөрү бюродо жыйын уюштуруп, Кыргызстан коммунисттер партиясынын лидери Исхак Масалиевдин "Бүтүн Кыргызстан" партиясынын курамында шайлоого баруусу тууралуу чечим чыгарышыптыр. Биздин социалдык, саясий жана мамлекеттик түзүлүш боюнча көз караштарыбыз эң жакын. Читать дальше...

Ош шаарында “Жаңы шарттарда биргелешкен аракеттер менен туризмди өнүктүрүү. Кыргызстан-2021” аттуу туристтик форум өтүүдө. 26-сентябрда башталган иш-чара бүгүн 27-сентябрда дагы уланат. Мындан сырткары “Кыргызстан Улуу Жибек жолунун бутактарында” деген аталышта көргөзмө-жарманке болот. Иш-чараны Экономика жана финансы министрлигине караштуу Туризм департаменти эл аралык өнүктүрүү жана ата мекендик өнөктөштөрдүн колдоосу менен уюштурууда. Депортаменттин маалыматында, эл аралык көргөзмө-жарманке этно-базар... Читать дальше...

Улуттук коопсуздук боюнча мамлекеттик комитеттин төрагасы Камчыбек Ташиев Кыргызстанда мамлекеттик кызматкерлер, дарыгерлер аралашкан фармацевтикалык мафиянын бетин ачышканын жарыялады. Бул тууралуу ал Алай районунда 26-сентябрда, УКМКнын жаңы имаратынын ачылыш аземинде айтты. "Кечээ эле мага Кыргызстанда фармацевтикалык мафия бар экенин айтышты. Биздеги дарылар үч эсе кымбат баада, айрымдары кээде он эсе кымбат сатылат экен. Мунун баары атайын уюштурулуп, фарммафияда мамлекеттик кызматкерлер, дарыгерлер катышыптыр. Читать дальше...

Октябрь айынын башынан тарта Нарын облусуна жана өлкөнүн башка аймактарына көмүр жөнөтүлө баштайт. Бул тууралуу Министрлер кабинетинин төрагасынын биринчи орун басары Азиз Аалиев 25-сентябрда Нарын облусуна барганда айтты. Өкмөттүн басма сөз кызматы кабарлагандай, Аалиев Жумгал районундагы "Кара-Кече" көмүр кениндеги иштен кабар алды. Ал быйыл мамлекеттик мекемелерге өз убагында көмүр кечикпей жетерин кен казуучулар менен болгон жолугушууда айткан. Кыргызстанда 8 айда 1 млн. 337 миң тоннадан ашуун көмүр казылды. Читать дальше...