Антикорупциската Комисија бара разрешување на раководството на Фондот за иновации. Се сомневаат во незаконитости при доделување на државни пари на фирми на внукот на лидерот на ДУИ, Дрин Ахмети. Од вкупно 6 милиони денари на еден повик за проекти, пет милиони добиле фирмите на младиот Ахмети.
Лекар, босански Србин криел коски на жртви од Сребреница во својата градина, наводно за „планирање операции“. Луѓето во Брчко, каде што работи докторот Небојша Мраовиќ, изразија шокираност. Но, кога РСЕ се јави во неговата канцеларија, тој сè уште работеше таму.
Алијанса за Албанците можеби и не е моќна да направи значаен резултат на изборите самостојно, но може да биде детерминирачки фактор за тоа кој ќе ја формира идната влада, сметаат аналитичарите. Таравари се залага за приклучување кон опозицискиот блок, а Села го повикува на одговорност. Кој пат ќе го фати партијата и може ли да дојде до нејзина поделба?