Пет години по Договорот од Преспа, Северна Македонија е членка на НАТО, уште чека преговори по поглавја со ЕУ, но останаа обврски за двете земји потписнички. „Од Грција очекуваме да ги ратификува потпишаните меморандуми, но и да се склучат нови договори за соработка во различни области“, вели за РСЕ претседателот Пендаровски. Од Грција нема сигнали дека тоа ќе дојде скоро на дневен ред.
Помалку пари од дијаспората во изминатата година пристигнале преку банка во однос на лани, но повеќе пари иселениците донеле во кеш, покажуваат податоците на Народната банка. Парите се за дополна на буџетот на роднините, за реновирање, а помалку за инвестиции во бизнис.