Новости за 14.05.2022

د مستندو فلمونو جوړوونکې برتانوۍ خبریاله ایزابل یونګ وايي، طالبانو دې او د دې همکارانو ته ویلي چې له خپل هوټل څخه دې نه راوځي او سمدستي دې له افغانستانه ووځي. مېرمن یونګ پر ټویټر همداراز خبر ورکړی، چې دوی ته د فلم اخیستو اجازه هم نه دی ورکړل شوې. د طالبانو د حکومت چارواکو تراوسه په دې اړه څه نه دي ویلي خو ایزابل یونګ وايي، د ښځو د حقونو او امنیتي اندېښنو په اړه له راپور ورکولو وروسته دوی ته له افغانستانه د وتلو امر وشوی. مېرمن یونګ د هرراز سرغړونو تورونه رد کړي او ویلي یې دي چې د راپورونو د... Читать дальше...

د طالبانو د حکومت کانونو او پټرولیم وزارت وايي، چې د تېلو د تصفیې د یوه خصوصي شرکت له خوا د سرپل ولایت د قشقري څاه د تېلو د تصفیې چارې به په نژدې راتلونکي کې پیل شي. د دې وزارت ویاند عصمت الله برهان بېګا آزادۍ راډیو ته وویل، چې دې شرکت د دې څاه د زېرمې قرارداد په یوه مزایده کې ترلاسه کړی و. برهان وايي: "په دې مزایده کې چې ۵ ورځې مخکې ترسره شوه د نارت نوبل انرژۍ په نوم د اومو تېلو د تصفیې افغاني شرکت ګټونکی اعلان شو، او په ډېرو نژدې ورځو کې به دا شرکت د تصفیې چارې جاري وساتي." د برهان په وینا... Читать дальше...

روسي رسنۍ وايي، چې د تاجکستان او روسیې ولسمشرانو پرون د افغانستان د وضعیت په اړه خبرې کړي. تاس خبري آژانس د تاجکستان د جمهوري ریاست د مطبوعاتي دفتر له قوله خبر ورکوي، چې امام علي رحمان او ولادیمیرپوتین د افغانستان د روانو حالاتو او د افغانستان او تاجکستان په ګډ سرحد کې د وروستیو پرمختګونو په اړه بحث وکړ. د تېرې شنبې په ورځ د تخار ولایت له خواجه غار ولسوالۍ څخه د تاجکستان په خاوره کې پر ناڅرګندو اهدافو اوه توغندي ولګېدل. د دې برید مسوولیت اسلامي دولت ډلې یا داعش ومانه.

سپینه ماڼۍ وايي، چې ولسمشر جوبایډن له سویډن او فنلنډ سره په امنیتي او دفاعي برخو کې د امریکا همکاري غواړي. ښاغلي بایډن همداراز د ناټو د پرانیستو دروازو د پالیسۍ او د اروپا د دې دوو هېوادونو له حقونو څخه ملاتړ څرګند کړی دی. فنلنډ او سویډن پر اوکراین د روسیې د یرغل په نتیجه کې د اندېښنو په دوام په ناټو کې د غړیتوب غوښتنه کړې. د یوه هېواد د غړیتوب لپاره د ناټو د واړه ۳۰ غړو مثبتو رایو ته اړتیا ده خو اوس د ترکیې ولسمشر رجب طیب اردوغان په دې ټلواله کې د سویډن او فنلنډ له غړیتوب سره مخالفت څرګند کړی دی.

د متحده عربي اماراتو د رییس له مړینې وروسته په دې هېواد کې څلوېښت ورځې عمومي ویر او درې ورځې رخصتي اعلان شوې ده. شېخ خلیفه بن زاید آل نهیان پرون جمعه د ۷۳ کلونو په عمر ومړ. نوموړي په ۲۰۱۴ کال کې مغزي سکته کړې وه او تراوسه یې د هېواد د ادارې په مهمو چارو کې ډېره ونډه نه درلوده. د ځینو رسنیو د راپورونو له مخې تمه ده، چې د شېخ خلیفه ځای ناستی د هغه کوچنی ورور شېخ محمد بن زاید آل نهیان وي.