د ارزګان د دهراوود ولسوالۍ امنيه قوماندان ووژل شو

د ارزګان د دهراوود ولسوالۍ امنيه قوماندان شاه محمد شاه نن ماښام په دغه ولايت کې د کندهار اډې ته څېرمه په يوه چريکي بريد کې ووژل شو.


د ارزګان د والي وياند زړګی عبادي پېښه تأييدوي او وايي چې د دهراوود ولسوالۍ امنيه قوماندان د "طالبانو" په برید کې وژل شوی او دوه نور ملګري يې ټپيان شوي دي.


تر اوسه د دې بريد مسؤليت چا په غاړه نه‌دی اخيستی.


دا په شاه محمد شاه ۳۶ بريد و چې ترسره کېږي، ښاغلی شاه په يوه حمله کې په دواړو سترګو ړوند شوی و.