د اګست په نیمايي کې پر افغانستان د طالبانو تر واکمنېدو وروسته خبریالان او رسنۍ له یوشمېر ستونزو او چیلېنجونو سره مخامخ شوي دي. د افغان خبریالانو د خوندیتوب کمېټه وايي، په هېواد کې شاوخوا ۷۰ فیصده رسنیزې ادارې یا تړل شوې او یا یې فعالیتونه اغېزمن شوي او یوشمېر خبریالان له وطنه وتلي دي. په فراه ولایت کې د عروج راډیو مشر وايي، تفریحي خپرونې یې درولې دي او یوازې دیني پروګرامونه وړاندې کوي. د اژانس فرانس پرېس ویډیويي رپورټ.
