د خیبر ضلعې د لواړګي (لنډيکوتل) اوسېدونکی اجمل خان له هغو کسانو څخه دی چې د پاکستان او په افغانستان کې د طالبانو د حکومتي سرتېرو ترمینځ د نښتو له وجې بې کوره شوی دی. نوموړی، د هغه ورور او زوی په وروستیو کې د نښتو پر مهال پر کور د هاوان مرمۍ لګېدو په پېښه کې ژوبل شول او کور یې ړنګ شو. د ملګرو ملتونو د کډوالو اداره (یو اېن اېچ سي ار) وايي، د تېرې میاشتې له وروستۍ اوونۍ راهیسې د ډېورنډ کرښې په اوږدو کې د دواړو خواوو ترمینځ د نښتو له وجې په افغانستان کې شاوخوا ۱۱۵،۰۰۰ او په پاکستان کې څه باندې ۳،۰۰۰ تنه بې کوره شوي دي. ویډيويي رپورټ.
