Дар Тошканд се зан мӯи сари модари танҳоро тарошиданд
Сокини Тошканди Узбекистон Шаҳзода Ҳусейнова мегӯяд, ки аз дасти се зан ноодилона ҷабр кашид, аммо пулис то ҳол ин онҳоро ҷазо надодаст. Ин зан, ки 28 сол дорад ва ду кӯдакро танҳо бузург мекунад, зоҳиран қурбонии рашки зани дигар шудааст.
Ҳусейнова мегӯяд, ки рӯзи 4 октябр се зан ба манзилаш ворид шуда, ӯро латтукӯб карданд ва сарашро тарошиданд. "Онҳо то ҳанӯз маро таҳдид мекунанд, аммо ба ҷавобгарӣ кашида нашуданд," - мегӯяд Шоҳзода Ҳусейнова.
Маркази матбуотии Додситонии кулли Узбекистон ба радиои "Озодлик" гуфт, ки "парванда таҳқиқ ва 4 декабр ба мақомоти милисаи ноҳияи Юнусободи Тошканд фиристода шуд".
Дар хулосаи ташхиси тиббӣ-додгоҳии ин ҳодиса гуфта шудааст, ки Ҳусейнова аз ин ҳамла "ҷароҳати сабук" бардошт.
Шаҳзода Ҳусейнова мегӯяд, ки дар шабакаи иҷтимоии Telegram бо ҷавоне шинос шуд. Зани он ҷавон аз тамосҳои шавҳараш бо Шаҳзода хабар ёфт ва ҳамроҳ бо ду зани дигар ӯро дар манзили зисташ заданд ва мӯяшро тарошиданд. Ӯ иддао дорад, ки аз ин латтукӯбҳо беҳуш шуд ва занҳо аз ин ҳолат истифода карда, ҷавоҳироти ӯро бо худ бурданд.