Аз ҳодисаҳои хунин дар Хоруғ ва Рӯшони Вилояти Мухтори Кӯҳистони Бадахшон ду сол гузашт. Ҳодисае, ки рӯзи 16-уми майи соли 2022 бо талаби таҳқиқи марги Гулбиддин Зиёбеков ва истеъфои раисони шаҳри Хоруғ ва ВМКБ сар шуд ва бо марги 34 нафар поён ёфт.
Як созмони байнулмилалӣ мегӯяд, бо гузашти ду сол аз кушта шудани 34 кас ва ҳабси даҳҳо нафари дигар дар Вилояти Мухтори Кӯҳистони Бадахшон то ҳанӯз касе ба ҷавобгарӣ кашида нашуд. Human Rights Watch дар як баёния аз шарикони Тоҷикистон хост, ҳодисаҳои моҳи майи соли 2022-ро аз ёд набаранд.
Марзбонҳои Тоҷикистон аз шаҳрвандони ҷумҳурӣ ва хориҷиён хостаанд, ки бе шиноснома ё санадҳои дигари тасдиқкунандаи ҳувият ба минтақаҳои сарҳадӣ дар Хатлон ва Вилояти Мухтори Кӯҳистони Бадахшон нараванд. Ин ду вилоят дар сарҳад бо Афғонистон ҷойгир аст.
Тафтишу боздошти муҳоҷирон дар саросари Русия авҷ гирифтааст.
Амрико барои мусоидат дар хариду фурӯши силоҳ миёни Русия ва Куриёи Шимолӣ ба зидди ду шаҳрванди Русия ва се ширкати русӣ таҳрим ҷорӣ кард.
Додгоҳи ноҳияи Басманнии Маскав рӯзи 17-уми май муҳлати ҳабси Исроил Исломови 62-сола ва писаронаш Аминҷону Диловарро, ки дар пайванд ба ҳодисаи "Крокус" дастгир шудаанд, то 22-юми август дароз кард. Айни қарор нисбат ба шаҳрванди Қирғизистон Алишер Қосимов содир шуд.
Муҳаққиқони OCCRP, Маркази пажӯҳиши фасод ва ҷиноятҳои созмонёфта, дар доираи тарҳи "Dubai Unlocked" санадҳоеро дар бораи амволи Алишер Қодиров, писари додситони кулли пешини Узбекистон Рашид Қодиров дар шаҳри Дубай ошкор кардаанд.
Ҳар сол айёми баҳор дар Тоҷикистон бо офатҳои табиӣ ҳамроҳ аст ва талафоти ҷонӣ, молӣ ва иқтисодии зиёде ба кишвар мерасонад. Ниҳодҳои давлатӣ аз чораҳои пешгирона сухан мегӯянд, аммо коршиносони мустақил онҳоро нокофӣ медонанд.
Лия Заурбекова, як духтари чечентабори 19-сола, ки аз хонааш фирор карда буд, Русияро тарк кард.
Баъд аз нашри гузоришҳои пай дар пай дар бораи он ки бинои “Нақши Рустам” ва маҷмӯаи бостонии “Тахти Ҷамшед” дар Эрон ба сабаби беэътиноӣ ба муҳофизати он дар хатар аст, мақомот гуфтаанд, боронгариҳои зиёд сабаби осеб дидани биноҳои қадима шудаанд.
ОCCRP (Маркази пажӯҳиши фасод ва ҷиноятҳои созмонёфта) маълум кардааст, ки ба камияш даҳ мансабдори пешини Афғонистон ва наздикони онҳо дар Дубай соҳиби дафтар ва хонаҳои муҷаллал ҳастанд.
Қудратиҳои Қазоқистон рӯзи 16-уми май ҳомии ҳуқуқ Айдар Сиздиковро дар шаҳри Остона боздошт карданд.
Интизор меравад, ки рӯзи 29-уми май дар шаҳри Рум ҷаласаи вазирони корҳои хориҷии кишварҳои Осиёи Марказӣ ва Итолиё баргузор шавад.
Дар ҳоле ки вокуниши мардум ба манъи “идгардак” дар Тоҷикистон яксон нест, дар Кумитаи дин ва Маҷлиси Намояндагон касе ҳозир нашуд сабабҳои ин тасмимро дар рӯ ба рӯйи дурбини Радиои Озодӣ шарҳ диҳад.
Мақомоти Қазоқистон 15-уми май қазоқтабор аз Афғонистон Самӣ Отагулро бо кафолати шахсии ҳомии ҳуқуқ Бакит Сарай аз боздоштгоҳи ноҳияи Селиноград раҳо карданд.
Муовини вазири адлияи Қирғизистон Орозбек Сидиқов 16-уми май дар порлумон гуфт, дар ҳоли ҳозир 788 шаҳрванди ин кишвар дар боздоштгоҳҳои муваққатии кишварҳои хориҷӣ мунтазири содир шудани ҳукми додгоҳ ҳастанд.
Маркази обуҳавошиносии "Узгидромет" аз эҳтимоли омадани сел дар шаҳру ноҳияҳои 9 вилояти ин кишвар ҳушдор додааст.