Новости за 05.12.2019

Татарстанның дәүләт киңәшчесе Миңтимер Шәймиев 5 декабрьдә Казанда узган киңәшмәдә федераль үзәкнең милли сәясәтен тәнкыйтьләп чыкты. Аерым алганда, ул милли телләрдә дәреслекләр чыгаруда үзәкнең аяк чалуын ассызыклады.

(Казан, 5 декабрь, «Татар-информ», Динара Прокопьева). Татарстан Президенты Рөстәм Миңнеханов 10 декабрьдә Словакиягә сәфәр кылачак. Биредә ул әлеге илнең икътисад министры белән очрашырга ниятли. Казан Кремленең рәсми вәкиле Лилия Галимова ТР Министрлар Кабинетында узган брифингта шул хакта хәбәр итте.

(Казан, 5 декабрь, «Татар-информ», Полина Шевчук). Казанда ике чит ил машинасы бәрелешү нәтиҗәсендә бер кеше зыян күргән. Бу хакта «Татар-информ»га Казан автоинспекциясендә сөйләделәр.

(Казан, 5 декабрь, «Татар-информ», Полина Шевчук). Прокуратура Татарстанның Әлмәт районында «Транснефть» резервуарында чыккан янгынның (анда ике эшче һәлак булды) нечкәлекләрен тикшерә. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.

(Казан, 5 декабрь, «Татар-информ», Динара Прокопьева). Татарстан Президенты Рөстәм Миңнеханов Белоруссиягә рәсми сәфәре вакытында ил Президенты Александр Лукашенко белән очрашырга ниятли. Яклар хезмәттәшлекне киңәйтү, шулай ук газ-мотор транспортын үстерү мәсьәләләре хакында фикер алышачак. Казан Кремленең рәсми вәкиле Лилия Галимова ТР Министрлар Кабинетында узган брифингта шул хакта хәбәр итте.

"Ят агент" турындагы канунны язучыларның берсе, Дәүләт думасының мәгълүмати сәясәт комитеты җитәкчесе Леонид Левин Кипр оффшорлары белән бәйле ширкәткә хуҗа, шулай ук аның бер миллиард сумга якын бәядәге күчемсез милеге бар дип яза The Insider.

(Казан, 5 декабрь, «Татар-информ», Вероника Ваганова). Татарстан Президенты Рөстәм Миңнеханов ТР Хөкүмәтенә Казанда киләсе елның августында узачак «Яңа дулкын» музыкаль бәйгесен оештыруга бәйле барлык мәсьәләләрне контрольгә алырга кушты. Казан Кремленең рәсми вәкиле Лилия Галимова ТР Министрлар Кабинетында узган брифингта шул хакта хәбәр итте.

(Казан, 5 декабрь, «Татар-информ», Полина Шевчук). «Транснефть» резервуарындагы шартлау мизгелен видеога төшереп алганнар. Видеоролик Mash басмасының телеграм-каналында урнаштырылган.

(Казан, 5 декабрь, «Татар-информ»). РФ Китап бастыручылар ассоциациясе президенты Константин Чеченев белдергәнчә, Башкорстанның «Китап» нәшрияты – илдә милли китап нәшер итүдә лидерларның берсе. Бу хакта «Башинформ» агентлыгы хәбәр итә.

(Казан, 5 декабрь, «Татар-информ», Гөлнар Гарифуллина). 1-11 сыйныфлар өчен туган тел буларак татар теле һәм әдәбияты, Татарстанның дәүләт теле буларак татар теле буенча программалар эшләнеп, реестрга кертү өчен федераль укыту-методик берләшмәсенә юлланган. Бу хакта Казан Кремлендә утырышта ТР Премьер-министры урынбасары — мәгариф һәм фән министры Рафис Борһанов әйтте.

Русия хөкемдарлар шурасы төзегән мәхкәмә системының яңа мәгълүмати сәясәте концепциясендә хөкемдарларны "тенденциоз язмалардан" якларга кирәк диелгән.

(Казан, 5 декабрь, «Татар-информ», Полина Шевчук). Татарстанда М7 трассасында булган авария нәтиҗәсендә транспорт хәрәкәте бик нык кыенлашкан. Бу хакта «Татар-информ» агентлыгына «Волго-Вятскуправтодор» федераль казна учреждениесенең матбугат хезмәтеннән хәбәр иттеләр.

(Казан, 5 декабрь, «Татар-информ», Гөлнар Гарифуллина). Балаларда милләтара аралашу культурасын булдыру — мөһим бурыч. Татарстан Президенты Рөстәм Миңнеханов Казан Кремлендә ТР Президенты каршындагы Милләтара һәм конфессияара мөнәсәбәтләр буенча совет утырышында шулай дип белдерде.

(Казан, 5 декабрь, «Татар-информ»). Герой очучы Дамир Йосыпов «Мөһим сүзләр әлифбасы» проектының чираттагы чыгарылышында катнашкан. Видеоны үз Инстаграм битендә Татарстан Президенты Рөстәм Миңнеханов урнаштырган.

(Казан, 5 декабрь, «Татар-информ»). Казан театр училищесының ике татар курсы диплом эшләрен театр экспертларына тәкъдим итте. Казанда PROTеатр театр фестиваль-лабораториясе дәвам итә.

Тоткын Фәррух Мәхкәмовның тәнендә азаплау эзләрен адвокат күреп калган һәм аның хатынына сөйләгән. Кеше түзмәслек газаплаулар тәэсирендә ирем тикшерүче кәгазьләренә кул куярга мәҗбүр булган диде хатыны.

(Казан, 5 декабрь, «Татар-информ»). 2020 елның 1 гыйнварыннан эшләмәүче пенсионерларның иминият пенсияләре артуы мондый пенсияләрне алучы үзмәшгуль пенсионерларга да кагылачак. Бу хакта «Газета.Ru» Федераль салым хезмәтенә сылтама белән хәбәр итә.

Воспитанниц Нурлатской студии художественной гимнастики «Стремление» можно поздравить с отличным выступлением на открытом первенстве по художественной гимнастике «Зимняя сказка», который прошел в минувшие выходные в Москве.

(Казан, 5 декабрь, «Татар-информ», Полина Шевчук). «РегионСпас» профессиональ авария-коткару берләшмәсе хезмәткәрләре резервуар төбеннән Татарстанда «Транснефть» насос-суырту станциясендә чыккан янгында һәлак булган ике кешенең мәетен өскә алып чыкты. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

9 декабря – Международный день борьбы с коррупцией. В связи с этим в районе проводятся различные мероприятия, акции. Одно из таких под названием «Коррупция в мире сказок» на днях прошло и в детском саду «Росинка».

(Чүпрәле, 5 декабрь, «Татар-информ», «Туган як» Гөлия Фәизова). Чүпрәленең Яңа Кәкерле авылында заманча югары технологияле сугым цехы төзелә. Шушы көннәрдә район башлыгы Марат Гафаров, Башкарма комитет җитәкчесенең икътисад буенча урынбасары Ильмир Измайлов белән берлектә сугым цехының төзелеш барышы белән танышты. Бу турыда район басмасы хәбәр итә.

Дорогие наши слушатели!

(Казан, 4 декабрь, «Татар-информ»). Сочида уза торган Халыкара ирекле ярдәмчеләр форумында Росстат башлыгы Павел Малков 2020 елгы Бөтенроссия халык санын алуның рәсми слоганын тәкъдим итте. Бу хакта Федераль дәүләт статистикасы хезмәте матбугат хезмәте хәбәр итә.

(Казан, 5 декабрь, «Татар-информ»). Татарстан Президенты Рөстәм Миңнеханов бүген милләтара һәм конфессияара мөнәсәбәтләр буенча совет утырышын уздырачак, шулай ук Чаллы шәһәрендә Кама автогигантының 50 еллыгы уңаеннан тантаналы чарада катнашачак. Бу хакта «Татар-информ»га республика җитәкчесенең матбугат хезмәтендә хәбәр иттеләр.

(Казан, 5 декабрь, «Татар-информ»). Актаныш районда егерменче тапкыр «Игелек марафоны» үткәрелә. Бу турыдаАктаныш муниципаль районы сайтында хәбәр ителә.