Новости за 07.12.2019

(Казан, 7 декабрь, "Татар-информ"). Арчаның Г.Камал исемендәге Сикертән төп​ мәктәбендә V Районара Мөхәммәт Мәһдиев укулары булып узды. Ул язучының 90 еллыгына​ багышланган. Бу турыда Бөтендөнья татар конгерссы ​ матбугат хезмәте хәбәр итә.

(Чирмешән, 7 декабрь, “Татар-информ”, “Безнең Чирмешән”, Лилия Саттарова). Чирмешәндә мөмкинлекләре чикле балаларга бәйрәм оештырдылар. Күңел ачу чараларын ике залда үткәделәр. Берсендә тантаналы өлеш үтсә, икенчесендә мастер-класслар эшләде һәм уеннар кызды. Балаларның күңелен күрү өчен фокусчылар һәм аниматорлар, сабын куыклары ясаучылар балаларның күңелләрен күрергә тырышты. Бу турыда район басмасы хәбәр итә.

(Кукмара, 7 декабрь, «Татар-информ», «Хезмәт даны»). Кукмарада мәктәп компанияләренең район фестивале узды. Аның кысаларында «Галактика» балалар иҗаты үзәгендә укучыларның үз куллары белән ясаган эшләнмәләр һәм сувенирлардан «Минем беренче бизнесым» дигән күргәзмә-ярминкәсе оештырылды. Бу турыда район басмасы хәбәр итә.

Сегодня на базе Нурлатской гимназии прошли районные соревнования по баскетболу среди мужских и женских команд предприятий и организаций  на призы АО «Нурлатские Тепловые Сети».

(Казан, 7 декабрь, «Татар-информ»). Татарстан Диния нәзарәте резиденциясендә «Ислам. Беренче адымнар» проектының көзге сезоны ябылды. Намазга һәм Ислам нигезләренә өйрәтү буенча тизләтелгән курста атнага бер тапкыр, шимбә көннәрендә, 26 октябрьдән 7 декабрьгә кадәр Казанның Галиев мәчетендә йөзгә якын кеше ислам нигезләрен өйрәнде. Бу турыда нәзарәтнең матбугат хезмәте хәбәр итте.

(Казан, 7 декабрь, «Татар-информ»). Дөнья, Европа һәм Олимпия уеннарының гамәлдәге чемпионы, фигуралы шуу остасы Алинә Заһитова «Советский спорт — ел нәтиҗәләре» илкүләм премиясенең «Халык спортчысы» номинациясендә җиңде. Бу турыда «Советский спорт» газетасы сайтында хәбәр ителә.

(Казан, 7 декабрь, «Татар-информ»). Татарстан мөфтие Камил хәзрәт Сәмигуллин беренче тапкыр рус теленә тәрҗемә ителгән Коръән мәгънәләре — «Кәлам Шәриф. Мәгънәви тәрҗемә» басмасын Дагыстан башкаласында киң җәмәгатьчелеккә тәкъдим итте. Тәрҗемәне Татарстан мөселманнары Диния нәзарәте әзерләгән. Бу хакта Татарстан мөфтиятенең матбугат хезмәте хәбәр итә.

(Казан, 7 декабрь, «Татар-информ», Рузилә Мөхәммәтова). Әлмәт татар дәүләт драма театры «Һөнәр» яшь режиссура бөтенроссия фестиваленә беренче татар театраль «ужастигын» алып килде. Спектакль Камал театрының Кече залында күрсәтелде.

(Казан, 7 декабрь, «Татар-информ»). 7-8 декабрьдә Казан дәүләт мәдәният институтында Татарстанның һәм Россиянең халык артисты Илһам Шакировка багышланган «Илhамият» V Халыкара сөйләм һәм вокал сәнгать фестиваль-конкурсы була. Анда Пермь, Төмән, Әстерхан, Башкортстанның төрле шәһәрләреннән, шулай ук Үзбәкстан, Төрекмәнстаннан һәм башка дәүләтләрдән вокалистлар катнаша. Бу хакта оештыручылар хәбәр итә.

(Казан, 7 декабрь, «Татар-информ», Александра Давыдова). Мәскәү Хөкүмәтендә киңәшче, стратегик коммуникацияләр буенча консультант Кермен Манджиева Татарстан Президенты Рөстәм Миңнехановның Instagram социаль челтәрендәге аккаунтын бәяләде. Бу хакта ул «Татар-информ» хәбәрчесенә Казанда уза торган Tat.Digital 2.0 конференциясе кулуарларында сөйләде.

(Ульяновск, 7 декабрь, «Татар-информ», Алсу Исмәгыйлева). Ульяновск өлкәсе җитәкчелеге өлкәдә чыгып килүче «Өмет» татар газетасы сайтын эшләтү өчен финанс ярдәм күрсәтәчәк. Бу хакта бүген Ульяновскида узучы Бөтенроссия татар журналистлары форумында газетаның баш мөхәррире Исхак Хәлимов хәбәр итте.

(Казан, 7 декабрь, «Татар-информ», Полина Шевчук). Татарстанга Белоруссиядән килгән фура Чаллы янында юл кырыена төшеп киткән һәм бер ягына әйләнеп капланган. Бу хакта юл-транспорт һәлакәте шаһитлары хәбәр итте.

(Казан, 7 декабрь, «Татар-информ», Рәмис Латыйпов). Киләсе елда Мәскәүдә федераль дәрәҗәдәге Халыклар Дуслыгы йорты ачылачак. Бу хакта «Татар-информ» хәбәресенә РФ Дәүләт Думасы депутаты Илдар Гыйльметдинов хәбәр итте.

(Казан, 7 декабрь, «Татар-информ»). Иртәгә, 8 декабрьдә, Татарстанда җылы һәм дымлы һава торышы булачак. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 7 декабрь, «Татар-информ»). Бүген Татарстан Президенты Рөстәм Миңнеханов Казан үзәгендә «СОлНЦе» махсуслаштырылган олимпиада-фәнни үзәгенең яңартылган комплексын карады. Бу хакта республика җитәкчесенең матбугат хезмәте хәбәр итә.

Сәяси репрессияләргә каршы Кремль янына чыгучы дүрт пикетчыны полиция тоткарлаган. Алар - "Новое величие", "Сеть" кебек эшләр нигезендә кулга алынучыларның ата-аналары.

(Казан, 7 декабрь, «Татар-информ», Рәмис Латыйпов). Бүген Казанда, Яшьләр эшләре министрлыгы бинасында ачылган XI яшь татар лидеры мәктәбендә катнашучыларның 50 һәм 70 мең сумлык грантлар оту мөмкинлеге бар. Бу хакта ачылу тантанасында РФ Дәүләт Думасы депутаты, Татар федераль милли-мәдәни автономиясе Советы рәисе Илдар Гыйльметдинов игълан итте.

(Казан, 7 декабрь, «Татар-информ»). 4 декабрьдә Омск өлкәсендә «Иртыш» өлкә татар-милли үзәген — «Умырзая» ансамбле коммерцияле булмаган оешмалар арасында конкурста җиңгән. Бу турыда Бөтендөнья татар конгрессы матбугат хезмәтендә хәбәр ителә.

(Казан, 7 декабрь, «Татар-информ»). Татарстан Президенты Рөстәм Миңнеханов аз керемле гражданнар өчен сыйфатлы фермерлык продуктлары җыю буенча «Казан» агросәнәгать паркында уза торган хәйрия акциясендә катнашты. Бу хакта Казан Кремленең рәсми вәкиле Лилия Галимова хәбәр итте.

Неблагоприятные метеорологические явления: ночью и днем 8 декабря 2019 года местами на территории Республики Татарстан ожидаются усиления юго-западного ветра до 15-17 м/с (в г. Казани утром и днем до 15 м/с), на дорогах местами сильная гололедица

7 декабрьдә Дагыстан башкаласы Махачкалада Татарстан мөселманнары Диния нәзарәте тарафыннан әзерләнгән "Калям Шариф. Перевод смыслов" басмасы – Коръән мәгънәләренең урыс теленә тәрҗемәсе тәкъдим ителде.

(Казан, 7 декабрь, «Татар-информ», Полина Шевчук). Тәтеш районының Нармонка авылында янгында ир-ат һәлак булган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

(Казан, 7 декабрь, «Татар-информ»). Татарстан Республикасы Президенты Рөстәм Миңнеханов Эшмәкәрлек советына үзмәшгуль кешеләргә товар өчен банк картасы буенча түләү мәсьәләсен карарга тәкъдим итәчәк. Бу хакта Казан Кремленең рәсми вәкиле Лилия Галимова хәбәр итте.

(Казан, 7 декабрь, «Татар-информ»). Германиянең Крефельд шәһәрендә Helios шәхси клиникасының медицина директоры, немец гастроэнтерологы, һәм профессор Томас Фрилинг эчәклекнең лайлалы тышчасына зыян китерә торган продуктларны атады. Бу турыда РИА Новости хәбәр итә.

(Казан, 7 декабрь, «Татар-информ», Артур Шипилов). Татарстан Президенты Рөстәм Миңнеханов «Рубин»ның элеккеге остазы Корбан Бердыев җитәкләячәк футбол академиясе төзелешен башларга рөхсәт бирде. Төзелешне киләсе елда ук төгәлләү планлаштырыла.