Новости за 06.12.2019

(Казан, 6 декабрь, «Татар-информ»). Бүген Габдулла Тукай әдәби музеенда татар шагыйренең автобиографик повесте язылуга 110 ел тулуга багышланган «Исемдә калганнар» дип исемләнгән күргәзмә ачыла. Бу хакта оештыручылар хәбәр итә.

(Казан, 6 декабрь, "Татар-информ"). 2020 елның көзендә Актаныштагы барлык күп фатирлы йортлар, шул исәптән социаль объектлар, тулысынча үзәк җылыту системасыннан аерылачак. Фатир хуҗалары киләсе елның ягып җылыту сезонын ике контурлы газ казаны белән каршы алачак. Бу турыда Актанышмуниципаль районы матбугат хезмәте хәбәр итә.

(Казан, 6 декабрь, «Татар-информ»). Ульяновск өлкәсендә «Җәлил укулары» бәйгесендә Муса Җәлил шигырьләрен татар, рус, инглиз, кытай, немец һәм башка телләрдә дә сәнгатьле итеп сөйләгәннәр. Бу хакта Бөтендөнья татар конгрессы матбугат хезмәте хәбәр итә.

(Казан, 6 декабрь, «Татар-информ», «Ватаным Татарстан», Фәния Арсланова). Гриппка каршы вакцина ясау дәвам итә. Кызамыкка каршы да ясыйлар. Дәүләт медицина оешмаларында аның өчен акча сорамыйлар. Шәхси клиникаларда түләргә туры килә.

(Чүпрәле, 6 декабрь, "Татар-информ", "Туган як", Рәшит Фәтхуллов). Чүпрәледә легендар көрәшче 80 яшьлек Мәсхүт Хөснетдинов кубогына ярышлар узды. Анда Чувашиядән, Сембер якларыннан, Татарстан районнарыннан һәм Казан шәһәреннән бик күп тәҗрибәле һәм дөньякүләм танылган көрәшчеләр катнашты. Бу турыда район басмасы хәбәр итә.

(Әлмәт, 6 декабрь, "Татар-информ", "Әлмәт таңнары"). Полиция бүлегенә гариза белән Әлмәттә яшәүче 43 яшьлек бер ханым мөрәҗәгать иткән. Ул банк картасыннан алдау юлы 100 мең сумга якын акчасын урлауларын хәбәр иткән. Бу турыда район басмасы хәбәр итә.

(Казан, 6 декабрь, «Татар-информ»). Түбән Новгород өлкәсенең Пильнә районы Красногорск урта мәктәбе базасында «Ислам мәдәнияте нигезләре» фәне буенча III төбәкара олимпиада үткәрелде. Олимпиадада Чувашиянең татар авыллары мәктәпләре актив катнашып югары урыннарга лаек булды. Бу турыдаБөтендөнья татар конгрессы сайтында хәбәр ителә.

(Казан, 6 декабрь, «Татар-информ»). Удмуртиядә дә татар яшьләре хәрәкәтенең ике дистә елдан артык тарихы бар. Ноябрь аенда «Иман» татар яшьләре берлегенә 25 ел тулды. Бу турыда «Яңарыш» газетасында хәбәр ителә.

(Казан, 6 декабрь, «Татар-информ»). Ульяновск өлкәсендә «Җәлил укулары» бәйгесенең сайлап алу туры узды. Анда катнашучылар Муса Җәлил шигырьләрен татар һәм рус телләрендә генә түгел, ә инглиз, кытай, алман һәм башка телләрдә дә сәнгатьле итеп укыды. Бу турыда Бөтендөнья татар конгрессы хәбәр итә.

"Бөгелмә авазы" газетында 2000нче еллар башында республика буйлап таралырлык эчтәлекле басма булса да, бүген ул Бөгелмә районының урыс телендәге газетына кушылып, аның дубляжы буларак чыга. Бөгелмә районының татар җәмәгатьчелеге Татарстан түрәләренә хат юллаган. Азатлык низагның нигезен өйрәнде.