Новости за 09.12.2019

(Казан, 9 декабрь, «Татар-информ»). Бүген Казанда ТР Дәүләт Советы Рәисе Фәрит Мөхәммәтшин Вьетнам Республикасы Милли Парламенты Рәисе Нгуен Тхи Ким Нган белән очрашты. Бу хакта ТР Дәүләт Советы матбугат хезмәте хәбәр итә.

(Сарман, 9 декабрь, «Татар-информ», «Сарман», Энҗимә Габдрәхимова). Бу көннәрдә Сарман районында инвалидлар ункөнлеге кысаларында традицион «Автобабай» бәйгесен үткәрделәр. Бәйгене район ветераннар һәм инвалидлар җәмгыяте, ДОСААФның район оешмасы һәм ЮХИДИнең район бүлекчәсе белән берлектә оештырды. Бу турыда район басмасы хәбәр итә.

(Лениногорск, 9 декабрь, «Татар-информ», «Заман сулышы»). Лениногорск Мәшгульлек үзәге, Инвалидлар декадасы кысаларында, Лениногорск политехник көллиятендә вакансияләр ярминкәсе уздырды. Бу турыда район басмасы хәбәр итә.

(Спас, 9 декабрь, «Татар-информ», «Яңа тормыш», Владимир Корнилов). Болгарның «Олимп» спорт залында Россия Герое Алексей Кораблев Кубогына кул көрәше буенча төбәкара турнир узды. Бу турыда район басмасы хәбәр итә.

(Яңа Чишмә, 9 декабрь, «Татар-информ», «Яңа Чишмә хәбәрләре»). Декабрь башында Яңа Чишмә районында мәдәният һәм ял паркында яңа ял итү зонасының беренче чираты ачылды. Яз көне «Зәңгәр диңгез култыгы» дигән романтик ял итү зонасының икенче чираты ачылачак. Бу турыда район басмасы хәбәр итә.

Татарстанның Биектау районы Айваш авылыннан мөслимә Лилия Сафиуллина ире бер гаепсезгә ике елдан артык тикшерү изоляторында утыра дип саный. Район газетында техник мөдир булып эшләгән Илназ Сафиуллинга сигез елдан 24 елга кадәр төрмә яный.