Новости за 30.03.2020

(Зәй, 30 март, «Татар-информ», «Зәй офыклары», Энҗе Әгъләмова). Зәй районы хакимияте кешеләрне үз-үзен изоляцияләргә өндәү максатында өстәмә чаралар күрә. Бу көннәрдә шәһәр урамнары буйлап полиция патруле машинасында яшьләр эшләре идарәсе вәкилләре махсус рупор ярдәмендә аңлату эшләре алып бардылар. Бу турыда район басмасы хәбәр итә.

(Кукмара, 30 март, «Татар-информ», «Хезмәт даны», Алсу Сәлахетдинова). «Социаль ипотека» программасы буенча быел Кукмара районында 11 гаилә яңа өйле булды. Бу турыда Кукмара районы Башкарма комитетының торак сәясәте буенча баш белгече Руфия Хәкимова сөйләде.

(Яшел Үзән, 30 март, «Татар-информ», «Яшел Үзән», Гөлнара Вәлиева). Яшел Үзән шәһәрендә милләттәшләребезнең балалары яратып укырга йөри торган, 5нче гимназиянең башлангыч сыйныфларныкы булып саналган бинасы авария хәлендә. Менә шушы бик тә әһәмиятле мәсьәләне хәл итү максатыннан, Яшел Үзән районы башлыгы Михаил Афанасьев биредә эшлекле визит белән булды. Башлык, проблема белән генә танышып калмыйча, гимназия тормышын һәм торышын эчтән дә күздән кичерде. Бу турыда район басмасы хәбәр итә.

(Кайбыч, 30 март, «Татар-информ», «Кайбыч таңнары», Людмила Путятинская). Быел Кайбычтагы «Әкият» балалар курчак театры оешуга 15 ел була. Бу турыда район басмасы хәбәр итә.

(Менделеевск, 30 март, «Татар-информ», «Менделеевск яңалыклары», Евгения Кожевника). Менделеевск укучылары дистанцион укыячак. Студентлар мондый форматта белем ала инде. Район мәгариф оешмаларының мондый уку алымына әзерлеген тикшерделәр. Бу турыда район басмасы хәбәр итә.

(Әлмәт, 30 март, «Татар-информ», «Әлмәт таңнары»). Әлмәт районы башлыгы Тимур Нагуманов шәһәрнең медицина оешмаларпының әзерлеген тикшерде. Бүгенге вазгыять чорында әзерлек аеруча югары дәрәҗәдә булырга тиеш. Бу турыда район басмасы хәбәр итә.

Казанда коронавирус аркасында җәмәгать транспортында йөрүчеләр күпкә кимегән. Троллейбусларда салоннарны вирустан дезинфекцияләү эшләре оештырылса да, хосусый ширкәтләргә караган автобусларда дезинфекция иртә-кич кенә ясала. Хосусый автобус кондукторларына көненә өч медицина битлеге һәм бармакчалар бирелә. Азатлык хәбәрчесе шәһәрнең 1нче маршрутында йөрүче троллейбуста һәм 28нче санлы автобусында йөреп кайтты.