Новости за 07.05.2026

Бүген Татарстан Рәисе Рөстәм Миңнеханов катнашында Социалистик Хезмәт Герое, радиоэлектроника үсешенә зур өлеш керткән галим Илдус Мостюковка һәйкәл ачылды. Улы Фәрит Мостюков чыгышында әтиләре белән бик горурлануларын билгеләп узды.

Бүген кич Татарстан башкаласы үзәгендә Җиңү парадының репетициясе булды. Чараны үткәрү өчен Казан үзәгендәге урамнар ябылды.

Бөек Җиңү бәйрәме алдыннан Татарстан Республикасының Кайбыч районында Дан орденының тулы кавалеры Василий Платоновның бюсты ачылды.

Татар китап нәшрияты һәм Татарстан Республикасы Рәисе каршындагы Татар телен һәм Татарстан Республикасы халыкларының туган телләрен саклау һәм үстерү мәсьәләләре комиссиясе герой-шагыйрь, СССРның Ленин премиясе лауреаты Муса Җәлилнең 120 еллыгына багышланган басмалар сериясен әзерләде.

Бүген Казанның Идел буе судында Казан аграр университеты тулай торагының элеккеге хуҗалык мөдире Гөлнирә Турсунованың эше буенча процесс булды. Ул күпсанлы мошенниклык эпизодларында һәм законсыз миграция оештыруда гаепләнә.

Җиңү көне уңаеннан «Бердәм Россия» активистлары Казанның 7нче шәһәр клиник хастаханәсендә дәваланучы хәрбиләр өчен концерт оештырды. Бәйрәмдә Дәүләт Думасы депутаты Марат Нуриев, М.Н.Садыйков исемендәге 7нче шәһәр клиник хастаханәсе баш табибы Артур Делян, Дәүләт Советы депутатлары, «Бердәм Россия»нең төбәк башкарма комитеты хезмәткәрләре һәм ТР Сәламәтлек саклау министрлыгы вәкилләре катнашты, дип хәбәр иттеләр партиянең матбугат хезмәтендә.

Казанда «Күрше» фестивалендә катнашу өчен гаризалар кабул итү башланды. Конкурста җиңүчеләр шәһәрнең яки республика районының иҗтимагый киңлекләрендә бәйрәм яисә чаралар оештыру өчен 1 млн сумга кадәр финанс ярдәме алачак. Бу хакта Казан мэриясе матбугат хезмәте хәбәр итте.

Казанның Идел буе районындагы берничә йортта суны сүндерү көтелә. Бу хакта «Водоканал» предприятиесе хәбәр итте.

2026 елның дүрт аенда Татарстаннан 16,5 млн АКШ долларыннан артык сумлык хәләл продукция экспортланган. Экспортның зур өлешен сөт, ит продукциясе һәм кондитер эшләнмәләре тәшкил иткән. Бу хакта ТР Авыл хуҗалыгы һәм азык-төлек министрлыгы матбугат хезмәтендә хәбәр иттеләр.

Россия Президенты ярдәмчесе Юрий Ушаков 9 майда бәйрәм чараларында катнашу өчен Мәскәүгә кайсы чит илләрнең лидерлары киләчәген хәбәр итте. Бу хакта РИА Новости яза.

Чаллыда Бөек Ватан сугышы ветераннарын якынлашып килүче Җиңү көне белән котлауны дәвам итәләр. Бүген рәхмәт һәм котлау сүзләрен фронтовик Мөфтах Нуретдинов кабул итте. Ветеран өчен бу ел аеруча үзенчәлекле – 9 Майны ул шәһәрнең иң өлкән яшәүчеләренең берсе статусында каршы алачак. Мөфтах Нуретдиновка июльдә 100 яшь тула.

13 майда XVII «Россия – Ислам дөньясы: KazanForum» халыкара икътисади форумы кысаларында Kazan Halal Market халыкара сәүдә ярминкәсе ачылачак. Бу хакта ТР Авыл хуҗалыгы һәм азык-төлек министрлыгы матбугат хезмәте хәбәр итте.

М-11 «Нева» трассасында һәм Үзәк боҗра автомобиль юлында (ЦКАД) сынауларда катнашучы КАМАЗ пилотсыз йөк машиналары якынча 732 мең кубометр йөк ташыган. Бу хакта «Ростех» дәүләт корпорациясе башлыгы Сергей Чемезов Россия Президенты Владимир Путин белән очрашу вакытында хәбәр итте.

VK Fest оештыручылары 7 июньдә «Казан» гаилә үзәге янында узачак фестивальнең яңа катнашучыларын игълан итте. Татарстан башкаласы сәхнәсендә FEDUK, OG Buda, Ева Польна, IOWA, JONY, Слава КПСС, PIZZA, Артур Пирожков, тима ищет свет һәм Baby Cute чыгыш ясаячак.

Түбән Камада Россиядә җитештерелгән машиналар урлаучы егетләрне тоткарлаганнар.

Татарстан 17–21 майда Харбинда узачак Россия-Кытай ЭКСПО күргәзмәсендә үз стендын тәкъдим итәчәк. Бу хакта «Татар-информ» агентлыгына ТР Сәнгать һәм сәүдә министрлыгында хәбәр иттеләр.

Гайнетдин мөселманнардагы гыйбадәтнең һәм дини йолаларның җәмәгать белән уздырылуы турында яза.

10 май көнне Теләченең «Батыр» спорткомплексында Татарстанның халык, Россиянең атказанган артисты, автомобиль спорты буенча халыкара класслы спорт остасы Салават Фәтхетдинов призларына көрәш буенча IX республика турниры узачак. Турнирда 2010-2011, 2012 елгы һәм аннан яшьрәк егетләр бил алышуы көтелә.

Быел Изге Болгар җыены 17 майда узачак. Татарстан мөселманнары Диния нәзарәте рәисенең беренче урынбасары Илфар хәзрәт Хәсәнов кече манарада тәүбә мәрасиме узачагын әйтте.

Калуга шәһәрендә бүген төнлә функциональ күптөрле бәйге буенча Россия чемпионы Дмитрий Исаевны атып үтергәннәр. Бу хакта ТАСС хәбәр итә.

Гадәттән тыш хәлләр министрлыгы Татарстанда яшәүчеләргә начар һава торышы көтелү сәбәпле, куркынычсызлык чаралары турында искә төшерә. 8 майда Татарстанда һәм Казанда көндез яшенле яңгыр, боз явуы, көчле җил көтелә. Җилнең тизлеге секундына 15-20 метрга җитәчәк.

«Үлемсез полк» акциясе 9 майда Казанда офлайн форматта узачак. Бу хакта «Татар-информ»га Казан Башкарма комитеты матбугат хезмәтендә хәбәр иттеләр.

Бүген Россиядә Радио һәм элемтә көне билгеләп үтелә. Казанның Бәшир Рәмиев исемендәге IT-паркында бәйрәм уңаеннан концерт узды.

Казанда эшмәкәр, меценат һәм хәйрияче Ильяс Гыймадовның «Тап-татарча бизнес» китабы тәкъдим ителде. Бу басмада автор үзенең җиңүләре белән бергә, авыр хаталары һәм кризислардан чыгу юллары турында да ачыктан-ачык сөйли. Байлыкка бару юлында иманны һәм милли җанлылыкны ничек саклап калырга? Бу сорауга җавапны Ильяс Гыймадов үз тәҗрибәсендә күрсәтә.

Бүген ата-бабалары эшен лаеклы төстә махсус хәрби операциядә катнашучылар дәвам итә. Татарстан Рәисе Рөстәм Миңнеханов Бөек Ватан сугышында Җиңүнең 81 еллыгына багышланган тантанада шулай дип белдерде.