Япониядә ике сәгать эчендә 29 җир тетрәү теркәлгән

Япониянең көнбатыш яр буенда ике сәгать эчендә 29 җир тетрәү булган, диелә РИА Новости агентлыгы тарафыннан анализланган метеоагентлык статистика мәгълүматлары буенча.

Агентлык хәбәр иткәнчә, чыганагы «җир өслегенә бик тә якын» торган 7,6 магнитудалы җир тетрәү иң көчлесе булган.

Элегрәк «Татар-информ» агентлыгы Япониядә көчле җир тетрәүләрдән соң цунами куркынычы игълан ителүе, кешеләрне тиз арада яр буе зонасыннан китәргә чакырулары хакында хәбәр иткән иде.