Елизавета II шахзода Гаррининг севган қизи Меган Марклга алоҳида ҳиммат кўрсатди
0
Елизавета II набираси шахзода Гаррининг суюклиси, 36 ёшли актриса Меган Марклга ҳиммат кўрсатиб, уни ўз қароргоҳига таклиф қилди. Маълум қилинишича, Меган ва шахзода Гарри саройгача қора рангли Ford Galaxy автомобилида етиб келишган.
Гарри ва Меган чой ҳамда қироличанинг севимли ширинликлари бўлмиш кичик сэндвичу кекслар билан меҳмон қилинди. “Меганнинг қиролича томонидан чой ичиш учун таклиф этилиши, шунингдек Елизавета II га тегишли кичкина меҳмонхонага олиб кирилиши унга нисбатан алоҳида ҳиммат кўрсатилаётганини англатади” дейди хорижий нашрлар.