Республика мәдәният министрлыгы тыюны коронавирус чикләүләре белән бәйләп аңлаткан. Тик кайбер чыганаклар хакимиятләр бу спектакльне динара һәм милләтара ызгыш чыгудан куркып тыйган булырга мөмкин дип саный.
Исемлектә Навальныйны агулауны тикшергән Bellingcat медиа чарасы да бар.
Русия тышкы эшләр министры сүзләренчә, Европа 35 процентка Русия газына бәйле. "Әмма без дә бу газны сатып алучыларга шактый бәйлебез", дигән ул.
Татарстан сәламәтлек саклау министрлыгында вакциналау урыннарына эш шактый артачагын фаразлыйлар. Шуңа күрә аларның санын 350гә җиткерергә ниятлиләр.
8 октябрь Татарстан президенты Рөстәм Миңнеханов Дәүләт шурасына еллык юллама белән чыгыш ясады. Бу аның 12нче һәм президент сыйфатында соңгы юлламасы була ала. Миңнеханов республиканы борчыган сәяси мәсьәләләргә тукталмады, гади губернатор кебек вак сорауларны гына күтәрде.
Вәкил сүзләренә күрә, вакцинаны әлегә кадәр танымаулары Европаның дәвалау чаралары агентлыгы сораган инспекцияне уздыру вакытын Русиянең гел кичектереп килүе белән бәйле.
Рәсми саннарга караганда, узган тәүлектә Русиядә коронавирустан 936 кеше үлгән – пандемия башыннан бирле иң югары күрсәткеч. Башкортстанда шул ук авырудан 32, Татарстанда 7 кеше үлгән.
"Нур" мәктәбе 2018 елның 1 сентябрендә ачылды. Анда укыту татар телендә бара. Мәктәптә башлангыч сыйныф балалары белем ала.
Хокук яклау оешмаларының коронавирус белән авырганнарны тиешле медицина ярдәме ала алмаганы өчен мәхкәмәгә мөрәҗәгать итәргә өндәве – җинаять, дип белдергән алар.
Хәтер көнендә республикада тарихи кичәләр, зур җыеннар, мәктәп һәм университетларда дәресләр, әдәби, музыкаль чаралар оештырырга тәкъдим ителгән.
Русия, Һиндстан һәм Мексикадан кала, халкы башка илләргә чыгып китү саны белән өченче урында тора. Иминлек эзләүдән тыш, күченеп китүчеләр сәяси вазгыятьтән канәгать булмавын һәм балаларының киләчәген кайгыртырга теләвен әйткән.
Русиянең төрле шәһәрләрендә татарлар мәчет төзүдә кыенлыкларны хәл итүдә Казаннан ярдәм сорый. Татарстан рәсми хатлар яза, бу эшкә юристларны җәлеп итә, әмма җирле хәкимият мәчетләр белән туган проблемаларны хәл итәргә ашыкмый. Азатлык мәчет төзелеше мәсьәләсе иң кискен торган төбәкләрне барлады.